PHAJHI" DANG: 9:13 - Lacid Common Language Bible

¹³ He: mougmyid yo' sen: wigi phajhi" khasu" akyu" bo da khyoo: dang: tu' gi ngoo myang zi gootu: daja: jo, ashi".

PHAJHI" DANG: 9:13 Referans Kwoze

PHAJHI" DANG: 8:16

Ngoo gi phajhi" boo wa shid re" yo' he: mougmyid dang moo ci bue" nyid ziri jhau" zhang: yu wa shid re" yoem: kaid khang" moo" byu gi myen" ri nyid" ri ayhoeb acoem" gyeing: lho:

PHAJHI" DANG: 7:15

Nga" kangso' gyung: khyoo: gi akoem: nghoid lid: lo bye:. Nghoid loug we' ja: khang" moo" ri ngoo shau" myang bye:. Byu dayug gi akhyeing" ashoeb sho' nghoid loug we' xo' dei nyid da" uri byu gi dayug gi ge shid: lo" da:.

PHAJHI" DANG: 6:1

He: mougmyid tho' moo gye" xoo: sho' tarha" adeing byeung" zi koid thu to" ziri ngoo shau" myang bye:.

PHAJHI" DANG: 9:11

Ngoo boin: so" zi gootu: daloem gi he: mougmyid dang moo gye" yo" tang" bang: ajang" oung nyid wa zi anghoid. Gyi khaid sarhi' yi za: ajang" gyipui" oung: nyid wa zi anghoid ago". Phajhi" boo mo, ajang" we yoo" zoo: yoo" shug nyid wa zi anghoid. Yeig bang: ajang" jonu" yo" nyid wa zi anghoid. Ajang" we' aya: agyi:- age da" zhafa: gi yugkhang" moo" jang" moo se ju" da:.

2 SAMUELA 20:22

Hau: thang: myiyi: myhi' gi nyang: soin: ci: moo" zoo" yo' voogung byu yi jang khyoo: lo" lho: Sheba vhuloem ri nyangnu" phyed yu wigi vang" khyam: atho' khyo" Yoab ri du" byid: bye:. Nyang: gi nya: byu yi voomoo" mo doem tau" loo" bye: ga: da" dang: kang: khyo" wigi laboo" ri moid lho: nyangnu" yhoem: khyoo: tau" loo" bye:. Yoab we' Yerusalem mo khokham jang khyoo: doem tau" loo" bye:.

PHAJHI" DANG: 7:19

Mung" vhoeb zoug: daxi: yug wigi voomoo" daloem ri yo" koid tho' byu dayug shid re" phajhi" juyhi: gi je akyu" yo" koid byid: da:.

PHAJHI" DANG: 9:12

Re" da" ayo, ju" lo nyid ziri nang khanham we' asi nghoid da:. Ngho' joem gi lhid' moo nyeigdain tung" myi" boem ziyo' dakhyo"- goin moo wimdo, myi" ziyo' dakhyo"-ngoonu dajhi we' ajho: da" uri akhyeing" da" ayo, moo ngoonu" zang" myi" boem bye:.

PHAJHI" DANG: 9:14

Voobyu atung" myo: da" voozoo: daloem: jo, da:. Gye" yoem: so' gyi: da" khokham dayug gi hau: voo ri meing: zain: da:. Nyang: gi hau voogung ri lheing khoem to" lho: voogung vang khyam: ri phyo' thoid vang yhe: wa soin' da:.

DANIELA 2:14

Hau: thang: Daniela gi byu said wa moo" foin: too" shau" da" khokham pho da" kangso' zung" zoug: Ariog jhang yhe: da:. Daniela gi tid wa dang: khoin" joem ri nyeing" za: khyen: lho: