PHAJHI" DANG: 8:17 - Lacid Common Language Bible

¹⁷ Mangsoo koid nyid ziri khanham we' ayo" se' gyoo: wa ein: ziri ngoo boin: bye:. Byu gi khayhi' yoem: kaid nghoid loug we' khanham we' shau" sho: myang wa zi anghoid. Phajhi" si bang: gi nyangnu" se' ga: tid fu" loug we' nyangnu" asi' nghoid ago".

PHAJHI" DANG: 8:17 Referans Kwoze

PHAJHI" DANG: 3:11

Nyang: gi ja: khang" moo" shid re" jo da" ayo, ri asoo" to" to" da:. Nyang: gi ngoonu" ju" loo wa da" ayo, ri si' nau da" nheigloem: ri kaid byid: bye:. Nghoid loug we nyang: koid ziri joeb byeung" sho' se' lho: nheugdeug wa akhang" ngoonu" ri khanham we' abyid:.

Roma 11:33

Apyaid' ato: Mangso: da jeju" gi gye gye jo nhung: lha". Mangso: da" nyan phajhi" yo' se' yeig phajhi" gi gye no jo, nhung: nya: dang: phyed' dang: phyed' da" khyoo: ri hang" yo" phoid' kyoo" wa lha". Nya: moozoo" ri hang" se' gyoo: byid: wa lha".

COUNG" NGHEI 73:16

He: da" sei: joem ri ngoo yoem kaid myid phoid sho: yu" bye:. Nghoid loug we' hau: khyoo: gi nga" shid re se' gyo: phoid yu wa zi gye" yau: nyid.

ESAIA 40:28

Nanu" asi rhe". Nanu" agyo: yu" shi" rhe" Aseing gi apyaid atoo: mo Mangsoo nghoid. Nyang: gi mougmyid dangain" ri phain" so: to" da:. Nyang: gi khanham we' amyung: adoug nghoid da:. Nyang: myid da" khyoo: joem ri hang" we' asi' nghoid da:.

YOBA 5:9

Ngoonu" gi nyang: koid da" gyi: sheing: moo" zoo" ri atho' se' gyoo:. Houg: lho: nya: da" mau" pho" alhoo: again gi thang ga: zi ajo,.

PHAJHI" DANG: 11:5

Mangsoo gi ja: khang" moo" ri phain" so: phug to" da:. Houg: lho: nang gi zoo: voin gung lid: da" myiyi: dayug da" voem: dau: khoug: moo kangso khasu" bue" shid" lo ziri ase' yhang: ti" Mangso wigi koid da" moo" ri we' nang ase' gyoo: wa.

COUNG" NGHEI 40:5

Ngoonu" da" Aseing Mangsoo we"- ngoonu" shid re" nang koid too" byid: bye: da moo" zoo" joem gi myo: tham: jo, bye:. Nang yo' du goo" su: hang" we' aboo loo. Ngoonu" shid re" mau" pho" da" nyheung soin' khyoo: myoo" sho' nang koid too" byid: abye:. Hau: zigi soung myo: jo, yoomo tid loo a ung: loo.

COUNG" NGHEI 104:24

Aseing we" nang koem gi ja: khang" moo" ri koid nyid da- nang gi jo, moo: jo, ri phajhi" bo khyo" koid too" nhung: lha". Mougmyid yoosoo" gi nang phain" so: to" da- dei moo: dei joem yo, byeung" jo.

PHAJHI" DANG: 1:13

Ngoo gi he: mougmyid gyab moo bue" lid: lo zi dangain" ri joeb ca: yu" lho: jhau" yu wa ein: myid phyed bye:. Mangsoo gi ngoonu" da" adang moo myid myoo: wa vhu" pi: lo, kyo' kyam: too" byid: bye:.

PHAJHI" DANG: 7:13

Mangsoo koid lid: loo bye: da" ziri myid yu" we'. Mangso wigi guid" nhang: to" ziri hang" wigi yo" dain: nhang: wa la".