PHAJHI" DANG: 8:13 - Lacid Common Language Bible

¹³ Nghoid loug we' akhyeing" ashoeb bang: shid re" gi zi anghoid. Nyangnu" kangso' gyung: khyoo: gi bid yoeb yo' du wigi nyangnu" gi apyaid ngi shi" uri shid: byug wa. Ciwim gari nyangnu" gi Mangsoo ri atam" gyoo: yoomo nghoid» ga: tid.

PHAJHI" DANG: 8:13 Referans Kwoze

PHAJHI" DANG: 6:12

Yoeb byoo yo' dayhang: ti" lid: loo" bye: kangso' gyung: khyoo: nghoid da" nya: kangso' gyung: khyoo: akoem:- he: aleing" kyeing" da" ayo, moo byu dayug shid re" ce: ja: ge thang ziri khasu" yo" si' wa la". Byu dayug shid: byug thang: ri mougmyid dang moo cibue" wa ziri khasu" yo' si wa la".

ESAIA 3:11

Nghoid loug we' akhyeing" bang: gi doem byug ago". Nyangnu" wigi subi" ri koid lo yhang: ti" akhid" nyangnu" ri doem koid byid: zi shoug" loo goo" wa.

YOBA 14:2

Ngoonu" gi bain: joem yhang: ti" myab myab yug wigi bo" shoem: lo" byug boem. Ngoonu" gi bid shoem: yhang: ti" lid lo" da:.

MALAKHI 3:18

Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.

ESAIA 57:21

Yooboo yoo" bang: shid re" goem loem khyoo: ajo,» ga: Aseing tid.

2PETRU 2:3

He: da" mhau' sara yi gi-nyangnu" da" vhooo: boo myo, no' da" nheugloem: yo' nyheung phain" yu da" mhoo: myed: joem ri tid kyo" zoore"-amyaid sho: lo boem wa nghoid. Goonham, mo wigi nyangnu" ri dang: phyed' said pyam wa da" tarha" agyi phoo gi jen" nyid gu: nghoid ziyo' nyangnu" ri lhu: phyo' lhu: shoin' pyam wa sugi- yhoeb' nau lho: yhoeb, nghui" nghue" nyid zi anghoid.

YAKU 4:14

Nanu" moo nab, yo nyid" cibui" wa ziri asi - byu yi da" apyaid gi ci: za: te: nghoid lha".- houg: gi ce: noem, za: te: nghoid nyid lha". Houg: gi daso' za: te: thu' re" lho: doem, bei: lo" byug da" myikhoug" so yo' date: du nyid.

YOHAN 5:29

Ge da" moo" zei: mo, gi Kangso' yoo" wa shid' re" to' wigi doem dei loo wa. Akhyeing" ashoeb moo" zei: mo gi yoobo dam kham: zoo: wa shid' re" to' wi gidoem dei lo boem wa zi nghoid.

ESAIA 30:13

Nanu" gi yooboo yo" ago". Nanu" gi myhang: lho: gyam: khoo: duang da" vang khyam: yo' du ago". Nanu" gi nyeigdain tung" gyau: lheung gyoeb loo goo” wa.

COUNG" NGHEI 144:4

Xangsu: byu yigi so, thid she: nyid da" lid yo' du nyid nya: da" bidnyid joem gi lid lo" nyid da- bid shoem: yoeb ti" za: du nyid.

COUNG" NGHEI 55:23

Nghoid loug we' Mangsoo we"- nang gi byu said mo, yo mhau, fain" da" byu yi rigi nyangnu" da" pyaid agung lang" ayo" kho' shi" ri nyangnu" da" loeb duang: khuang" khyoo: khyo' pyam wa zi nghoid. Ngoo koem gi nang ri loem khau nyid wa zi nghoid.

COUNG" NGHEI 39:5

Nang byid: to" da" nga" kang: so' gi khayhi' leung" jo lha". Re" da" shid moo: nga" da" kangso' apyaid gi ci" we' anghoid. Gyeing" nyang: dadei nyid da" byu yugkhang" moo" gi so' she: nyid da" lid yo'

COUNG" NGHEI 11:5

Aseing gi gi mo, yo' akhyeing" ashoeb bang: ri ca: yu" nyid. Tarha" aci: mo, ri nya: nheigloem: bain sho' yo' ngheung" nyid.

YOBA 21:30

Mangsoo nheig yo: wigi yooboo dam byid: da" bidnyid moo Khanham we' nheig se' khyeug su: gi akhyeing" ashoeb su: bue" lo da:.

YOBA 20:5

Akhyeing" da" byu yi myang" sho' ayo" pyo: ziri nang se' da:.

YOBA 18:5

Akhyeing" su: da" myi: ri said pyam byid: shi" wa. Hau: da" myiyham: gi khanham we' adoem dab wa.

PHAJHI" DANG: 3:14

Mangsoo koid zi ja: khang" moo" apyaid atoo: moo geing: teing jo, wa ziri ngoo se' da:. Nang wigi houg: moo daja: we ayo" lung kaid- daja: we ayo" yu pyam wa. Houg: lho: Mangsoo koid zi daja: gi ngoonu" wigi nyang: ri gyoug phoug" wa zi nghoid da:.

PHAJHI" DANG: 5:7

Nang khanhoo' yhoebmo, myang nghoid loug we' moo" koem: khanhoo' zei: nghoid loug we' khanhoo' dang: tid nghoid loug we' nang gi Mangsoo ri gyoug phoug" zoo" ri nyid yhi: ca" shi" wa.

PHAJHI" DANG: 7:15

Nga" kangso' gyung: khyoo: gi akoem: nghoid lid: lo bye:. Nghoid loug we' ja: khang" moo" ri ngoo shau" myang bye:. Byu dayug gi akhyeing" ashoeb sho' nghoid loug we' xo' dei nyid da" uri byu gi dayug gi ge shid: lo" da:.

PHAJHI" DANG: 7:18

Sung xo: zi eig shoid goin" ziri jang" pyam we'. Nang gi Mangsoo ri gyoug phoug" myid bo nghoid rigi khasu" nghoid loug we' nang oung: doid wa.

PHAJHI" DANG: 8:8

Hang" we' nyang: nya: gung ri ashid: sho' ayo" koid. Nyang: shid: wa bidnyid ri we' ayo" shui". Shid: gyoin gi ngoonu" ayo" loid da" gyipui" nghoid da:. Ngoonu" gi houg: mo ayo" mhoug thu loo" nghoid da:.

ESAIA 65:20

Zoonu" yigi nu" ngha' uri ashid: loo wa. Byu dangain" bang: gi nyangnu" da" kangso' byeung" sho' yo" nyid loo goo" wa. Dashoo: zain boo bang: ri apyaid ngi shi" ga: jho: loo goo" wa. Apyaid aju" shi" ri shid: zigi ngo wigi nyangnu" ri yooboo dam byid: da" asoo" nghoid loo wa.

COUNG" NGHEI 37:1

Akhyeing" ashoeb zi koid mo, yoomo myid amyo: nyid. adeing amain" da" moo" zei: bang: ri ayu" no" nyid.

YEREMIA 44:10

Nghoid loug we' akhid" nyid" ju" sho' nanu" gung ri nheigloem: anyhoem: khyoo' nghoid ago". Nanu" ngoo ri ngi: ashab byid:. Nanu" yo' nanu" da" phoug" phyid" yiri ngo wigi byid: to" da" tarha" joem dangain" ri cang wigi kangso' adei goo" nghoid da:.