PHAJHI" DANG: 7:17 - Lacid Common Language Bible

¹⁷ Nghoid loug we' dam xoo: lid: sho' we akhyeing" ashoeb akoid- nheig agyeing: we' athei" koid. Ciwim shid: yo, aju" shi" ri shid: wa la".

PHAJHI" DANG: 7:17 Referans Kwoze

DANG: ZHOEM 10:27

Aseing da" dang: ri tam" gyo: nyid we' houg: lang" nang gi kang: sheung: nyid wa zi nghoid. Akhyeung" bang: gi nyangnu" da" ayo, aju" shi" ri shid: lo" byoug boem wam: bye:.

COUNG" NGHEI 55:23

Nghoid loug we' Mangsoo we"- nang gi byu said mo, yo mhau, fain" da" byu yi rigi nyangnu" da" pyaid agung lang" ayo" kho' shi" ri nyangnu" da" loeb duang: khuang" khyoo: khyo' pyam wa zi nghoid. Ngoo koem gi nang ri loem khau nyid wa zi nghoid.

YOBA 22:16

Nyangnu" da" ayo, lang" aju" shi" ri gyid khyoid khyoid lo zigi nyangnu" ri pyoung" khyoid she: lo" boem wa.

ACTS 12:23

Herod khokham" gi Mangso myonhoo: ri atu: to' byid: yoomo houg: jang: nyang: Aseung: da" moug: lagyoo: gi nyang: ri yoobo dam kaid' byid: wigi zain' joem wigi zo: said' pyam.

ACTS 5:10

Hougsu" tid hau: myiyi: myhi, gi Petru da" khyid: yang: moo shid: leung loo" bye. Zoolu: yi ju" vang lo ri hau: myiyi: myhi, shid: leung jo, ziri lo zheung: myang wigi nyangnu" gi hau: myiyi: myhi, da" manggung ri tung: gung khyoo: dang thu' lo" lho: yhoem: seing: pho, da" anam, moo yhe: zheung: myhoeb pyam ago".

ACTS 5:5

Anani gi he: da" dang: ri shaug" gyoo: yo' dage" dalheing: dam shid: leung loo" khare" khyoo: ri shaug" gyoo: mo, gi gye" gyo: gyoug nyid boem ago".

1 SAMUELA 25:38

Hau: thang: daxi: nyid" jain" ri Aseing gi Nabala ri said pyam yoomo nyang: shid: lo" byug bye:.

YAKU 1:21

Hougsu" nghoid yoomo nanu" gi aco' ajhoid da" aved asam" yo' akhyeing" ashoeb da" khyoo: bain sho' ri she: pyam ge'. Nanu" da" nheigloem: ung: khoug: moo Mangso wigi kaid' byid: to" da" yo" khyoid yu da" nya: mungdang: ri nu" nham, da" e" myed, yo' kham: yu nyid ge'.

EZEKIEL 16:20

Hau: thang: nang ngoo ri khu byid: da" yuggi zoo: yi myiyi: zoo: yiri shu" yu wigi yu soolhoo: joem jhang nyangnu" ri xoin" ngei" byid: pyam da:.

EZEKIEL 8:17

Aseing ngoo ri «Shid: se' da" byu we"- nang hau ziri myang la". Nang myang bye: da" aco' ajhoid moo" dangain" ri koid lho: damung" goin" khyoo: athoug" akhoug: moo" ri byo loo" nhang: da" moo" yo' za: Yuda byumyu" yigi nheig ashid: shi" nghoid ago". Anghoid- nyangnu" gi he: Noku Yhoem: Moo" moo hau: joem ri re" koid boem wigi ngoo ri je nheig yoo: nhang: ago". Yu" we' nyangnu" gi areing: thang da" lo, moo" yo' ngoo ri rue" boem ago".

2 SAMUELA 6:20

Hau: thang: ri David gi nya: yhoem: byu yiri vhu" khoo' wa ga: yhoem: khyoo: vang lo" uri Mikhala thu lo wigi nyang: ri lhoem: tau yu da:. Xo' lho: nyang: gi «Akhid" nyid" da" bidnyid ri Israela khokham gi nya: gung nyang: myeing gyi: sho' koid nyid bye: nhung: lha". Nyang: gi nya: gung ri nya: da" gyizoug: yi da" dei zoo: myiyi: yi shidkhoin" moo koo" su: yhang: ti" koid shug nyid bye: nhung» ga: tid.

ACTS 16:28

Nghoid loug we' Polu gi nya: thui: ri myhang: thang mo nyho: yoid, kaid' lho: Nanya: gung ri ci" we' akoid'- ngoonu" dangain" mo, hid: moo danyed nyid boem.