PHAJHI" DANG: 7:13 - Lacid Common Language Bible

¹³ Mangsoo koid lid: loo bye: da" ziri myid yu" we'. Mangso wigi guid" nhang: to" ziri hang" wigi yo" dain: nhang: wa la".

PHAJHI" DANG: 7:13 Referans Kwoze

PHAJHI" DANG: 1:15

Guid" jo, ziri ayo" dain: nhang: nghoid da:. Ajo, da" ja: ri age nghab nghoid da:.

YOBA 12:14

Mangso wigi phyo' soin' pyam ziri hang" doem yo" zhug too" wa la". Houg: lho: Mangso wigi myheig lhung to" zi shoug" su: ri hang" yo" lhoid pyoin' kaid wa la".

ESAIA 5:12

Nanu" pui" joem moo teing- lo, baid- jhu:- khoolhang joem yo' zabyid yhid: yo" ago"- nghoid loug we Aseing cikoid wa ziri nanu" asi' goo" nghoid ago".

PHAJHI" DANG: 3:11

Nyang: gi ja: khang" moo" shid re" jo da" ayo, ri asoo" to" to" da:. Nyang: gi ngoonu" ju" loo wa da" ayo, ri si' nau da" nheigloem: ri kaid byid: bye:. Nghoid loug we nyang: koid ziri joeb byeung" sho' se' lho: nheugdeug wa akhang" ngoonu" ri khanham we' abyid:.

Ephesu 1:11

Jo, moo jo, koem gi Mangso da" myid soin nyheung lo" da" khyoo: yo' myid phyed' to" khyo" bue" loo bye- hau: lho: xang: shid" mo myid soin to" da" khyoo: moo ayang: qei" lho: Khristu moo dadeing: daloem: za: nghoid nyid khyo" wigi nyang: myid soin to" khyo" nyangnu" ri nya: da" byumyu" yi bue" loo wa shid mo khyen: nyheung too" bye.

ESAIA 14:27

Myhang: thang Aseing gi he: ziri koid wa myid phyed to" abye:. Yooboo dam byid: wa nya: lo, ri tu: yeing kaid bye:. Hang" we nyang: ri ayo" toem pyam nghoid da:.

COUNG" NGHEI 107:43

Phajhi" boo bang: gi he: moo" zo" da" akhyoo" ri myid soin: yu" nyid goo" baja". Nyangnu" gi Aseing da" geung: teung jhed khyeing: kang khyeing: ri myid yu" nyid goo" baja" o".

Roma 9:19

Hougsu" nghoid loug we' Mangsoo: gi byu xangsu: yi ri cisu" wim yooboo yo" foin: wa lha". Hang" gi Mangsoo: vho: da" khyoo: ri yo" ngeig pyam' wa lha". ga wigi ngoori myid: noug mo boo wa.

Roma 9:15

Mangsoo: gi Moshe ri - Ngoo nheig khyeug wa su: ri nheig khyeug wa. Jeju" koid' noug su: ri jeju" koid' wa. - ga: tid nyid.

ESAIA 43:13

Ngoo gi Mangsoo nghoid wigi khanham we' nghoid nyid wa. Nga" yoem so' mo hang" dayug we' ayo" phang: loid nghoid da:. Ngoo koid ziri hang" we' ayo" thid pyam nghoid da» ga: tid da:.

YOBA 37:14

Yoba we"- daso' zoo: theing: wigi tam" gyoo: shi" la. Mangsoo koid da" mau" pho" moo" ri myid yu" we'.

DANIELA 4:35

Nyang: gi mougmyid dang mo byu joem ri ci: anghoid khyo" yu" da:. Mougkhung: mo moug: lagyoo: yi yo' myidjang mo byu yigi nya: da" vhoebkhang" akhoug: moo nghoid da:. Nyang: myid vho: ziri hang" wigi we' ayo" ngeig toem' pyam nghoid da:. Nyang: koid ziri dang: myid: ayo" myid: nghoid da:.

COUNG" NGHEI 8:3

Nang phain" so: to" da" moug: laid khyoo: ngoo yu" kaid ri lhammoo" yo' kyi: joem gi Nyangnu" da" joyoo moo: nang nyeung tab, to".

YOBA 34:29

Mangsoo gi ci: nyang: akoid wa ga: myid phyed nghoid rigi Nyang: ri hang" wigi we' yooboo ayo" zhug wa. Nya: myonhoo: ri shoung: pyam nghoid rigi byu yigi ci: khasu" we' ayo" koid loo wa.

YOBA 11:10

Mangsoo gi nang ri myheig yu wigi tarha" yung" moo tid go" ri nyang: ri toem' pyam wa hang" nyid la.

YOBA 9:12

Nyang: vho: ziri nyang: yu pyam da:. Nyang: ri hang" ayo" toem'. Nyang: ri hang" wigi we' «Nang cikoid nyid» ga: ayo" myid.

PHAJHI" DANG: 8:17

Mangsoo koid nyid ziri khanham we' ayo" se' gyoo: wa ein: ziri ngoo boin: bye:. Byu gi khayhi' yoem: kaid nghoid loug we' khanham we' shau" sho: myang wa zi anghoid. Phajhi" si bang: gi nyangnu" se' ga: tid fu" loug we' nyangnu" asi' nghoid ago".

LUKA 12:26

Hid: yhangti"- nge" da" moozoo" ri lang" age bue" nghoid rigi ci: yoomo gootu: moo" ri myid myo: nyid go" lha".