PHAJHI" DANG: 6:6 - Lacid Common Language Bible

⁶ Eig khyeing" zain: dei nyid loug we' kangso' gyung: khyoo: moo pyo: zi ashoug" da" su: tho' doug noo khyoo: ri je shoug" yu da:. Lo" thang moo gi nya: eig tang: goin" dajo, yoo khyoo: za loo" wa zi nghoid ago".

PHAJHI" DANG: 6:6 Referans Kwoze

PHAJHI" DANG: 3:20

Eig ja: goin" zhoo" phei" nghoid da" dajo, yoo khyoo: kyeing" za: lo" ago". Eig ja: goin" houg: mo re" lo wigi eig ja: goin" houg: khyoo: doem lo" ago".

HEBRE 9:27

Xang: su: byu yi yug khang" moo" gi dalheing: za: shid: lo" lho: hau: thang: ri Mangso da" dang: phyed zi shau" shi" wa nghoid.

YOBA 30:23

Nang gi ngoo ri yugkhang" moo" shid re" soin' to" da" Shid: moug: khyoo: shu" lo" nyid ziri ngoo se' da:.

YEREMIA 17:6

Nyang: gi moug: kyug myid kyug- Ce: daja: we' age yug da" xoo" mougmyid- dain" pyoid yoo moo yug da" mhain" pung yo' du da:. Nya: shid re" khanham we' ge zi abui" nghoid da:.

ESAIA 65:20

Zoonu" yigi nu" ngha' uri ashid: loo wa. Byu dangain" bang: gi nyangnu" da" kangso' byeung" sho' yo" nyid loo goo" wa. Dashoo: zain boo bang: ri apyaid ngi shi" ga: jho: loo goo" wa. Apyaid aju" shi" ri shid: zigi ngo wigi nyangnu" ri yooboo dam byid: da" asoo" nghoid loo wa.

PHAJHI" DANG: 12:7

Ngoonu" gung du: gi mougmyid mo myid phei" khyoo: doem tau" lo" wigi kangso' gi ngoonu" ri byid: da" Mangso jhang khyoo: doem tau" loo" wa.

PHAJHI" DANG: 6:3

Yuggi dayug gi nya: zoo: dashoo: yug yo" wigi ayo, myang" sho' dei nyid da:. Nghoid loug we' nyang: kha myhang dei nyid dei nyid nya: da" ngei pyo: zi ashau" yu wigi goo" lhoo' za: myhoeb shoung: zi ashau" nghoid rigi kang so, adei zi khu: da" zooshang: she' je ge nyid da:.

COUNG" NGHEI 34:12

nang gi ngei pyo: kang: dei khyoo: ri vho: ngei la". Kang: sheung: lho: gau yi ngei pyo: nyid nau la".

YOBA 7:7

O" Mangsoo we"- nga" kangso' gi so' dalheing: shi: za: danghoid ziri myid boin: we'. Nga" ngei pyo: khyoo: gi thang lo" byug bye:.

YOBA 1:21

Nyang: gi «Ngoo ci we' aci: loo: khu: re" wigi ci: we' aci: loo shid: loo" wa. Aseing byid: wigi akhid" nyang: doem yu pyam byid: da:. Mangsoo myeing ri coung" nghei boem shang o"» ga: tid.

APOEM AYANG: 5:5

zain void 930 zain moo mang: shid: loo" bye:.

PHAJHI" DANG: 2:14

Phajhi" juyhi: boo bang: gi nyangnu" kha khyoo: yhe: lo" nyid ziri se'. Nheig agyeing: bang: gi asi' nghoid ago". Nghoid loug we' dangain" bang: shid re" daja: kyeing" da" vhu" pi: lo, kyo' gi ngoonu" dangain" ri lang" nyid ziri ngoo se' da:.

PHAJHI" DANG: 6:5

Nyang: gi nyid gung bidbang ri khanham we' ashau" myang. Kangso' gyung: khyoo: ga: zi ci: te" zi nghoid ziri asi' nghoid da:. Nghoid loug we' atham: thang nyang: gi dougno: ziri shoug" yu abye:.

PHAJHI" DANG: 7:2

Pyoo: pui" zoo: shug nyid da" yhoem: khyoo: yhe: wa tho' kougshu: nyid boem da" yhoem: khyoo: yhe: ri je ge da:. Ciwim gi: ri dei nyid bang: ngoonu" dangain" bang: ri shid: ze wigi lang" nyid ziri khanham we myid boin: nyid ca" da:.

PHAJHI" DANG: 9:2

Houg: moo adu go" zi ci: aboo nghoid da:. Deungmain" bang: yo' akhyeing" bang: jhang- gi bang: yo' agi bang: jhang- laloem lakhoug: boo bang: yo' aboo bang: jhang- xoin" ngei" byid: bang: yo' xoin" angei" byid: bang: jhang vhu" pi: lo, khyo' daja: kyeing" ju" loo wa. Byugi dayug gi yooboo yo" su: tho' aje gi. Jham' tang: dang: theing too" yug gi atoo" yug tho' je ge zi anghoid.