PHAJHI" DANG: 6:12 - Lacid Common Language Bible

¹² Yoeb byoo yo' dayhang: ti" lid: loo" bye: kangso' gyung: khyoo: nghoid da" nya: kangso' gyung: khyoo: akoem:- he: aleing" kyeing" da" ayo, moo byu dayug shid re" ce: ja: ge thang ziri khasu" yo" si' wa la". Byu dayug shid: byug thang: ri mougmyid dang moo cibue" wa ziri khasu" yo' si wa la".

PHAJHI" DANG: 6:12 Referans Kwoze

YAKU 4:14

Nanu" moo nab, yo nyid" cibui" wa ziri asi - byu yi da" apyaid gi ci: za: te: nghoid lha".- houg: gi ce: noem, za: te: nghoid nyid lha". Houg: gi daso' za: te: thu' re" lho: doem, bei: lo" byug da" myikhoug" so yo' date: du nyid.

PHAJHI" DANG: 3:22

Houg: yoomo ngoo gi ngoonu" moo" zei: da" gang mo yo" yu ziri pyoo: pyoo: yo" ci: yhung: lho: nyid zigi ge thang moo" zoo" nghoid ziri shau" myid boin:. Houg mo jain" lho: ngoonu" yo" koid zi ci: ajo,. Ngoonu" shid byug thang: ri ci: bui" loo wa ziri ngoonu" yo" si' wa khyoo: ajo, nghoid wa.

YOBA 14:2

Ngoonu" gi bain: joem yhang: ti" myab myab yug wigi bo" shoem: lo" byug boem. Ngoonu" gi bid shoem: yhang: ti" lid lo" da:.

COUNG" NGHEI 144:4

Xangsu: byu yigi so, thid she: nyid da" lid yo' du nyid nya: da" bidnyid joem gi lid lo" nyid da- bid shoem: yoeb ti" za: du nyid.

PHAJHI" DANG: 8:13

Nghoid loug we' akhyeing" ashoeb bang: shid re" gi zi anghoid. Nyangnu" kangso' gyung: khyoo: gi bid yoeb yo' du wigi nyangnu" gi apyaid ngi shi" uri shid: byug wa. Ciwim gari nyangnu" gi Mangsoo ri atam" gyoo: yoomo nghoid» ga: tid.

PHAJHI" DANG: 8:7

Ci bue" re" nyid ziri ngoonu" mo hang" we asi'. Houg: lho: ngoonu" ri tid kyoo" wa hang" anyid.

YOBA 8:9

Ngoonu" da" kangso' gi leung" da:. Ngoonu" ci: nyang: asi'. Ngoonu" gi mougmyid tho' moo bid yoeb su" nyid lid lo" da:.

1 KHOKHAM MHOOMYID: 29:15

O" Aseing we"- ngoonu" gi ngoonu" phoug" phyid" yi yhang: ti" pyoung" she: loo" shau" wigi being" voo yi su" ngoonu" nyid lai lo ziri: nang se' da:. Ngoonu" apyaid gi lid lo" byug da" bid yoeb yo' du wigi ngoonu" gi shid: jang" mo ayo" phang: loid nghoid da:.

PHAJHI" DANG: 12:13

He: gu dangain" thang: ri tid wa zi daja: kyeing" dajo, lo. Mangsoo ri gyoug phoug" lho: nya: da" amyeing" dang: joem ri tam" gyo: cang yhe: nyid we'. Ciwim gari hau: shid re" nyang: byu ri phain to" zi nghoid.

PHAJHI" DANG: 9:6

Nyangnu" da" jheddab myid- nyangnu" da" ngheing" khyoo:- nyangnu" da" vho: ngei khyoo: joem dangain" gi nyangnu" yo' dage" shid: byug da:. Nyangnu" gi he: mougmyid dang moo bue" zi ci: moo we' doem yo" bo boo wa zi anghoid.

PHAJHI" DANG: 2:3

Ngoo gi phajhi" ri shau" yu wa myid vho: ziyo' zabyid yhid: shug lho: ngoo nya: gung ri pyoo: sho' nyid yu" wa ein: myid phyed bye:. He: zigi mougmyid tho' moo re" nyid da" ayo, moo ge thang khyoo: nghoid nyid bye: ein: ngoo shau" myid.

COUNG" NGHEI 109:23

Myen" thang: zoo" mo bid shoem: yoeb yhang: ti" ngoo bei: lo" koung" nyid bye:- tung: sang" bougsid, ri yhang: ti" vi: vi: khyoo: hau, tang" lo" zi ngoo shoug" nyid.

COUNG" NGHEI 102:11

Nga" da" kangso' gi bidvang zoo" mo bid shoem: yoeb, yhang: ti" nghoid nyid wigi ngoo gi kyoug byoug da" vufu" yoo yo' dadu jo, lo.

COUNG" NGHEI 17:15

Nghoid loug we' ngoo koem gi ce" yooboo we' ashoid yoomo nang ri shau" myang wa zi nghoid. Ngoo yhoeb so" re" uri nang nyid lang" wigi ngoo ri: gau yi khyoo: yo' byeung" loo nhang: wa zi nghoid.

COUNG" NGHEI 4:6

«Aseing we" ngoo ri jeju" je" wigi byid: nyid we'. Nheig khyeug shoomyen: ziyo' ngoonu" ri goem byid: coung: byid: we'» ga: byu yi myoo" sho' mo, akyu" mho' nyid boem.

YOBA 14:21

Nya: yug gi zoo: yigi ngi: shab shoug" nghoid loug we' nyang: gi hau: ziri khanham we' asi'. Nyangnu" khanham ngi: yoem" ein: ziri nyang: ri hang" atid kyoo".

MIKHA 6:8

Anghoid- Aseing gi ngoonu" ri ge da" khyoo: ri toin" shed too" bye:. Nyang: ngoonu" mo vho: nyid zigi tarha" dain: khyo" zei: so' khyoo:- geung: teing jheddab khyoo: ri toin" shed wa ziyo' nheigloem: khyo' nyhoem: khyoo: Mangsoo yo' zoem" khau: wa khyoo: nghoid.

COUNG" NGHEI 89:47

Nga" kangso' khayhi' leung" jo, ziri myid boin: we' shid: byug se' da" ngoonu" dangain" mo ri nang phain" so: to" ziri we' boin: so" nyid we'.

COUNG" NGHEI 47:4

Aseing gi ngoonu" nghe: khau: nyid da" mungdain: ri ngoonu" shid re khyen: byid: lho: hau: mungdain: gi nyang: jheddab da" nya: byumyu" yiri myonhoo: sho: phau: khuang ge da jonu" nghoid.

COUNG" NGHEI 16:5

Nang gi dangain" da" Aseing nghoid lho: ngoo vho: ca" nyid khyoo: dangain" ri nang gi ngoo ri byid: nyid. Nga" ju" loo wa khyoo: dangain" gi re" lo, khoug: moo: za: bo nyid.

PHAJHI" DANG: 2:24

Byu dayug shid re" ge thang zigi nyang: nya: vhoo" kung: phoug" shau" yu to" ziri zo: lho: shug lho: ngei pyoo: tung" nyid zi nghoid da:. Nghoid loug we' hau: ziri lang" Mangsoo mo nghoid ziri ngoo myid boin: da:.

PHAJHI" DANG: 6:11

Nanu" je myang" sho' ngeig go" ri hau: zigi je akoem danghoid da:. Houg: lho: nang gi ci: aje gi.

PHAJHI" DANG: 7:15

Nga" kangso' gyung: khyoo: gi akoem: nghoid lid: lo bye:. Nghoid loug we' ja: khang" moo" ri ngoo shau" myang bye:. Byu dayug gi akhyeing" ashoeb sho' nghoid loug we' xo' dei nyid da" uri byu gi dayug gi ge shid: lo" da:.

PHAJHI" DANG: 9:9

He: mougmyid dang moo Mangso wigi nang ri byid: to" da" Kangso' gyung: khyoo: akoem: moo nang jheddab da" myiyi: myhi' yo' pyoo: pyoo: nyid we'. Hougmoo ce: akyu" abo da" akoem: bidnyid khang" moo" ri pyoo: pyoo: nyid we'. Ciwim gari hau: gu: gi re" yau: khe" kyi" khyeug dangain" da" gang mo nang yo" yu wa gu: dangain" nghoid abye:.

PHAJHI" DANG: 10:14

Koopyoid gi atheing: anoo: xo' tid nyid da:. Thang: phyang" ci: xo' bui" wa ziri hang" asi'. Ngoonu" shid: byug thang: cibue" loo wa ziri ngoonu" ri hang" wigi we' ayo" tid.