PHAJHI" DANG: 4:8 - Lacid Common Language Bible

⁸ Byu dayug gi nyang: dayug kyeing" dei nyid da:. Nyang: moo zooshang: aboo- mang: nhung" we' anyid. Nghoid loug we' nyang: gi nyang: yo" ci da" jonu" mo nheig ashid: wigi khanham we' moo" zei: nyid da:. Nyang: gi hang" shid re" ga: hau: myhoo' myhoo' moo" zei: wigi nyang: nyang: gi pyo: khyoo: ri ngeug pyam nyid la". He: zigi akoem: nghoid da:. Houg: lho: myid myoo: tung" za: dei nyid da" khyoo: nghoid da:.

PHAJHI" DANG: 4:8 Referans Kwoze

1YOHAN 2:16

Moug: myid' yo' sen: da" ziyoo jo, moo jo,- gung shoo" moo nyam, da" nheigloem: joem- byu myojid" mo myang lho: myo, no, vhoo: boo loug gyi: lo ja:- he: mougmyid byu yi da" nghoid boin: phau: khuang da" khyoo: joem yo' ngeig go" phoug tu" go" da" khyoo: khaid khang" moo" gi kha: zi we' Mangso jang" mo thu' lo zi anghoid- hau: khyoo: dangain" gi mougmyid mo thu' lo da" khyoo: joem za: danghoid nyid.

DANG: ZHOEM 27:20

Xangsu: byu yi da" vho: ngei so' kho' nyid da" khyoo: gi moug: vo, moug: yo' du nyid hougmoo: khanham we' joyoo dajo, nyid.

LUKA 12:20

Nghoidloug we' Mangsoo gi Byu fang: phoo nang we"- akho: myen nyang: re" kangso' gi thang loo" wa. Houg: yoomo nang young: to" da" ziyoo jonu" joem gi hang" lo, moo vang loo" wa lha"» ga: tid.

PHAJHI" DANG: 1:8

Ja: khang" moo" gi ngheing" wa khyoo: za: nghoid da:. Dang: khoin" khyo" atho' tid loo: sho' ngheing" wa khyoo: bue" da:. Ngoonu" da" myojid" joem gi khanham we' yu" noug athang bue"- ngoonu" da" nukhyab joem gi khanham we' gyoo: noug athang bue" nyid.

MATHE 11:28

«Yoolid: voin myung: dau nyid mo, dangain" bang: we"- Nga" jhang khyoo loo ge'. Ngoo nanu" ri doug noo: nhang: wa.

PHAJHI" DANG: 1:13

Ngoo gi he: mougmyid gyab moo bue" lid: lo zi dangain" ri joeb ca: yu" lho: jhau" yu wa ein: myid phyed bye:. Mangsoo gi ngoonu" da" adang moo myid myoo: wa vhu" pi: lo, kyo' kyam: too" byid: bye:.

ESAIA 5:8

Nanu" gi joem abye: go". Nanu" yo" too" gu moo lung: wa shid re" yhoem: joem yo' yoothung" joem ri nanu" qei ago". Amyang" ri houg moo gooji hang" we' nyid wa joyoo ajo, wa. Hau: mung" moo nanu" za: nyid lo boem goo" wa.

PHAJHI" DANG: 5:10

Nang gi ngei ri jheddab nyid nghoid rigi khanham we' nheig yo" deig wa zi anghoid. Nang gi yoo" zoo: yoo" shug yhoo: ga: myid nghoid rigi nang vho: gu dangain" ri khanham we' yo" yu wa zi anghoid. Houg: zigi akoem: nghoid da:.

COUNG" NGHEI 39:6

yoeb, byoo daloem: tho' moo: lang" je nyid zi anghoid. Nyang: zei: da" moo" zoo" dangain" we' akoem: shid re" za: nghoid nyid wigi nyang: gi jonu" ri young: too" nghoid loug we' hau: ziri hang" shoug" seing: wa zigi nyang: asi.

APOEM AYANG: 2:18

Hau: thang: Aseing Mangsoo gi «yuggi gi nyang: dayug kyeing" za: nyid nyid wa agi. Nyang: ri pang" thoug wa shid re" du nyeing" da" byencang" dayug ri ngoo phain" so: wa» ga: tid.

ESAIA 55:2

Nheig atho shid: da" ja: shid re" ciwim yoomo ngei ri yhung: pyam boem la". Ciwim nanu" da" vhu" kung: phoug" ngei ri yhung: pyam wigi zooyoid nyid boem shi" go" la". Ngoo tid ziri tam" gyo: wigi ngoo tid khyo" koid ge'. Nanu" gi ge thang da" zoo: noem dangain" yo' yo" pyo: boem goo" wa.

PHAJHI" DANG: 2:23

Nang dadei nyid nyid moo nang koid zi ja: khang" moo" gi seing" kho" ziyo' nheigloem: no zi za: bue" nhang: da:. Ci: daja: we ayo" yu loo"- Myen" moug: coid yo, rilang" re" myid nheigloem: gi doug: ayo" noo: nghoid da:. Dangain" zi akoem: danghoid.

PHAJHI" DANG: 2:21

Nang gi re" phajhi" juyhi: dangain"- lasi phajhi" dangain" yo" jhang: gu dangain" wigi moo" zei lho: yo" sho: to" zi dangain" ziri hau: shid re" ci: akoid- ce: moo" azei: to" da" su: shid re" too' khoo' ca". Hau: zigi ce: akyu" aboo jo, we ajo,.

PHAJHI" DANG: 4:7

Byu apyaid moo akoem: nghoid da" gootu: daja: ri we' ngoo xoem" nyid bye:.

COUNG" NGHEI 39:7

Aseing we" ngoo gi khate" ziri nheug ge byu nyid wa lha". Nga" nheug byu joyoo gi nang moo: za: danghoid nyid.

PHAJHI" DANG: 5:9

Khokham lang" gugzoo shivoo: yham" yo, ri nghe: nyid da:.