PHAJHI" DANG: 4:13 - Lacid Common Language Bible

^13-14 Byu dayug gi myung sho" jang" mo to' lo lho: nya: mungdain: da" khokham ge bue" lo da:. Anghoid lang" thoung: mo loid lo lho: khokham zhung: thang khyoo: ge ju" lo" da:. Nghoid loug we' nyang: mang: lo" ri phajhi" byid: zi ayo" se' yu loo sho' nheig agyeing: wigi nyang: gi myung nghoid loug we vhu" nug ge da" zooyam dayug yhi' aphoug" adab loo nghoid da:.

PHAJHI" DANG: 4:13 Referans Kwoze

2 KHOKHAM MHOOMYID: 25:16

Amazia gi dang: lhoid ji lho: «Khokham ri phajhi" byid: su: khyo" ngoonu" nang ri khanham mo yoovoin foin: too" bye: la". Dang: atid loo: anghoid ri nang ri ngoo said pyam ca" wa lhe"» ga: tid. Lapi: phoo gi «Nang gi he: gu: dangain" ri koid wigi nga" phajhi" byid: dang: ri ce: shu: anhang: loo: yoomo Aseing gi nang ri phyo' shoin' pyam wa myid phyed too" bye: da" khyoo: ri ngoo akhid" si' bye:» ga: tid lho: theing: pyam da:.

DANG: ZHOEM 19:1

Mhoug foeb, koopyoid bui wa tho' re" gi nheigloem: dain: lho: wigi myoung sho" jhen: nyid zigi: je ge nyid.

DANG: ZHOEM 28:6

Nheigloem: deingmain" lho: sho" jhen: nyid zigi jonu" yo" de, jo, lho: adeingmain" bang: da" tho' re" je" ge'.

1 KHOKHAM 22:8

Ahab gi «Hid: moo: Imla nya: yuggi zoo: Mikhaia ga: da" Lapi: dayug nyid shi". Nghoid loug we' ngoo nyang: ri avhoo:. Ciwim gari nyang: nga" shid re" khanham we' ge khyo" Lapi: api: byid: nghoid da:. Khanham we' daja: ja: moo: age zi dabo nyid da» ga: tid. Yehoshaphad ri «Nang hougsu" atid» ga: phug tid.

APOEM AYANG: 37:2

he: zigi Yaku yhoem: byu yi da" khyoo: nghoid. Daxe: nyhed zain boo bye: da" Yoseb gi nya: phoo da" dangcang: myhi' Bila yo' Zipha tang: da" zooshang: yi nya: mang: bang: yo' dage" yang joem coidbaid joem ri zung" lho: nyid nyid. Nyang: gi nya: mang: bang: lhoung koid nyid da" age khyoo: joem ri nya: phoo jhang khyang" lhoung lo shid.

PHAJHI" DANG: 4:12

Dayug za: kyeing" da" su: ri oung: pyam wa gyi koid ziri eig yug wigi coem' lhoem: wigi yo" ge oung: pyam da:. Soem" khaid yo' ne shoem to" da" tei" doem gi byid wa shid re" yau: da:.

PHAJHI" DANG: 7:19

Mung" vhoeb zoug: daxi: yug wigi voomoo" daloem ri yo" koid tho' byu dayug shid re" phajhi" juyhi: gi je akyu" yo" koid byid: da:.