PHAJHI" DANG: 2:17 - Lacid Common Language Bible

¹⁷ Houg: yoomo byu kangso' gyung: khyoo: gi nga" shid re" ce: dang: kang: athu. Ciwim gari hau: ayo, mo ja: khang" moo" gi ngoo ri yau: khi" mo lid: wigi ce: daja: we' aci: ri" byid: nghoid da:. Dangain" gi akoem: nyang: nghoid da:. Ngoo gi lid ri dalhung khaid nhung:.

PHAJHI" DANG: 2:17 Referans Kwoze

PHAJHI" DANG: 2:11

Hau: thang: ngoo gi ngoo koid lid loo bye: zi dangain" da" khyoo: yo' hau: ziri khayhi' yoem: kaid lho: moo" zei: lo ziri myid yu" da:. Ngoo gi ci we' anghoid nhung: ziri myid boin: re" bye:. Hau: zigi lid ri cang khaid ziyo' du da:. Dajhi' we' akyu" aboo nghoid da:.

YONA 4:8

Hau: lho: Mangsoo gi bid thu ri" lang" bidthu shoid mo lid lung ri houg nhang: kaid wigi bid gi Yona vhuloem moo nge" nyid yoomo coid lo" nyid bye:. Houg: yoomo nya: gung nyang: shid: nau da:. Shid lo" zigi dei nyid tho' mo nga" shid re" je ge ga: wigi tid nyid.

PHAJHI" DANG: 4:2

Ngoo gi shid: lo" byug bye: mo, ri no" zo nyid. Nyangnu" gi dei nyid shi" bang: tho' je ge ago".

HABAKU 1:3

Ciwim yoomo nang ngoo ri hid: te" yau: khi" ri yu" nhang: nyid lha". Ciwim wigi hid: te" akhyeing" ashoeb moo" zoo" ri nang yu" yab jo, lha". Lhu: phyo' lhu: shoin' ziyo' athoug" akhyoug: zigi ngoo ri lheung khab' too" bye:. Khyi' khang" moo" moo zain: go" byo, go" nyid boem.

YONA 4:3

Aseing we"- akhid" ngoo ri shid: nhang: la- dei nyid wa tho' moo shid: wa zigi je" ge nyid bye:» ga: mho' nyid.

EZEKIEL 3:14

Aseing da" yoem: so' gi nga" atho' moo yoem: moo" yo' ju" re" wigi nya: Venyi: ngoo ri shu" thu loo" lang" nheig kho" ziyo' nheig yoo: nau re" da:.

PHAJHI" DANG: 6:9

Hau: zigi akoem: nghoid da:. Hau: zigi lid ri cang khaid myheig ziyo' du da:. Nang yo" zi moo nheugshid: zigi goonoem daja: ja: ri khanham we myid vho: nyid tho' je ge da:.

PHAJHI" DANG: 3:16

Hau: tho' agoo"- he: mougmyid dang moo tarha" ziyo' jo zi shau" myang wa da" khoo: moo akhyeing" ashoeb da" khyoo: shau" myang ziri ngoo xoem" ci:.

PHAJHI" DANG: 2:22

Nang gi moo" zei: wigi pyaid thang sho' seing" kho" nyid. Hau: shid re" ci: shug byid: wa ci: yo" lha".

PHAJHI" DANG: 1:14

Ngoo gi he: mougmyid gyab moo koid lo zi dangain" ziri shau" myang loo bye:. Houg: lho: ngo wigi nanu" ri tid kyoo" ba. Hau: gu: dangain" gi akoem: za: danghoid ago". Hau: zigi lid ri khaid myheig ziyo' du da:.

COUNG" NGHEI 89:47

Nga" kangso' khayhi' leung" jo, ziri myid boin: we' shid: byug se' da" ngoonu" dangain" mo ri nang phain" so: to" ziri we' boin: so" nyid we'.

YOBA 14:13

Nang wigi ngoo ri moovo moug: moo yo" shoung: too" yhoo: ein: ngoo myid. Re" nheig yoo gyoo" sho' ngoo ri shoung: too" la. Hau: thang: ngoo ri doem myid boin: wa ayo, ri yo" so' too" byid: la.

1 KHOKHAM 19:4

Elia gi siyoo gyoem" khyoo: danyid" goin" so" yhe: loo" bye:. Nyang: theing: wigi seiggam yoeb moo zhung: lho: nyang: gi shid: nau nyid da:. Nyang: gi «Aseing we" he: zigi sung nyang: xoo: bye:. Nga" kangso' ri yu pyam byid: we' o". Ngoo gi shid: nau kyi bye:» ga: mho' nyid da:.

GYUNG: SOO" 11:15

Nang ngoo ri hid: su" koid wa nghoid rigi ngoo ri nheig khyeug wigi said pyam we'. Houg: lang" ngoo gi nang byid: da" yau: khe" kyi" khyeug khyoo: ri azeing: kham: ca" loo: wa» ga: tid.

PHAJHI" DANG: 1:17

Ngoo gi lasi phajhi" yo nheig agyeing: da" agyoo: mo phajhi" juyhi: yo' ko" da" agyoo: mo adu da" ziri myid kho' jhau" yu wa ein: myid phyed bye:. Nghoid loug we' ngoo shau" myang yu zigi lid ri cang khaid myheig zi danghoid nhung:.

PHAJHI" DANG: 4:3

Nghoid loug we' hau: eig ja: goin" tho' je gi mo, gi khanham we' akhu: yu" bang: yo' he: mougmyid dang moo nyeing aveing" tarha" ri khanham we' ashau" myang bang: nghoid da:.