PHAJHI" DANG: 12:13 - Lacid Common Language Bible

¹³ He: gu dangain" thang: ri tid wa zi daja: kyeing" dajo, lo. Mangsoo ri gyoug phoug" lho: nya: da" amyeing" dang: joem ri tam" gyo: cang yhe: nyid we'. Ciwim gari hau: shid re" nyang: byu ri phain to" zi nghoid.

PHAJHI" DANG: 12:13 Referans Kwoze

TARHA" TID POIN" 10:12

«Akhid"- Israela byumyu" yi we"- nanu" Aseing Mangsoo nanu" mo ce: ja: mho' da: ein: ziri tam" gyoo: ge'. Aseing ri ngi: shab byid: lho: nyang: amyeing" byid: da" ja: dangain" ri koid nyid ge'. Nanu" emyed nheigloem: dangain" yo' Jheddab wigi dei byid: nyid ge'.

MIKHA 6:8

Anghoid- Aseing gi ngoonu" ri ge da" khyoo: ri toin" shed too" bye:. Nyang: ngoonu" mo vho: nyid zigi tarha" dain: khyo" zei: so' khyoo:- geung: teing jheddab khyoo: ri toin" shed wa ziyo' nheigloem: khyo' nyhoem: khyoo: Mangsoo yo' zoem" khau: wa khyoo: nghoid.

TARHA" TID POIN" 6:2

Nanu" kangso' dei nyid myhang nanu" yo' nanu" amyed ashen yigi nanu" Aseing Mangsoo ri ngi: shab byid: lho: ngoo nanu" ri byid: nyid da" nya: tarha" dangain" ri tam" gyo: cang yhe: nyid ge'. Houg: lang" nanu" gi hau: mung" moo apyaid sheing: sho' dei nyid boem wa.

COUNG" NGHEI 111:10

Aseing ri gyoug phau" nyid khyoo: gi ung: gyeing: phajhi" bo loo wa khyoo: nghoid- nya: da" dang: khoin" dangain" ri tam" gyo: cang loo" mo, dangain" ri nyang: gi deungmain" da" dang: phyed khyoo: ri byid: nyid. Nyang: gi apyaid atoo: moo coung" nghei khyoo: ri shoug" kham: yu wa zi nghoid.

YOBA 28:28

Mangsoo gi ngoonu" xangsu: byu yiri «Nanu" phajhi" boo wa shid re" Aseing ri gyoug phoug" ca" da:. Lasi phajhi" yoo" sho' akhyeing" ashoeb jang" mo nanu" lheing: loo ca" da» ga: tid.

COUNG" NGHEI 145:19

Nyang: ri gyoug phoug" bang: da" ca" yo, nyid khyoo: joem dangain" ri nyang: jhoeb, byeing byid: nyid wigi nyangnu" da" mho' yoid thui: ri shau" gyo: lho: nyangnu" ri khyoid yu bye:.

PHAJHI" DANG: 8:12

Yooboo yoo" su: gi yooboo moo" ri dashoo: ja: koid loug dei ri dadei nyid shi" wa. O" nghoid bye:- nyangnu" citid ziri ngoo se'. Mangsoo ri nang tam" gyo: nghoid rigi ja: khang" moo" ci: aca" wa.

LUKA 1:50

Aseing: ri phau" myang: gyoug voem da" byu dangain" ri Byu ngoug xi: yam: nya: nheig khyeig da" nheigloem: dabo nyid baja".

DANG: ZHOEM 19:23

Aseing da" dang: ri tam" gyoo: we' Houg: lang" nang kang: sheing: wa nghoid. Dam loem wa jang" mo, nheugshid: ziyo' loid byoin gau: nyu: khyoo: shoug" wa zi nghoid.

DANG: ZHOEM 1:7

Nang gi lasi phajhi" yo" yu wa shid re" xang: shed" moo: Aseing ri gyoug phau" nheigloem boo ca" nyid. Byugang: yigi phajhi" ri ce" aphoug" ase' tab boem ziyo'-hau: ziri jhau" yu wa khyoo: ri ngeug pyam nyid boem.

COUNG" NGHEI 147:11

Nghoid loug we' nyang: ri gyoug phau" nyid mo, yo' Nya: da" jhed khyeing: kang: khyeing: ri loem khau: nyid mo, ri nyang: vho: ngei nyid.

PHAJHI" DANG: 5:7

Nang khanhoo' yhoebmo, myang nghoid loug we' moo" koem: khanhoo' zei: nghoid loug we' khanhoo' dang: tid nghoid loug we' nang gi Mangsoo ri gyoug phoug" zoo" ri nyid yhi: ca" shi" wa.

Pang Shug 19:5

Hau: zhung: tang mo thui: zeing thu' lo zigi Mangsoo dei zoo: yi ga: da" nyang: ri gyoug phau" nyid da" ngi, mo, gyi: mo, dangain" bang: we"- yha" da" Mangsoo ri coung" nghei nyid ge' ga: tid.

1PETERU 2:17

Byu danghoid moo nghoid rigi phau" myang: nyid ge'- loem" jeung" da" mang nhung" gootu: yi ri jheddab nyid ge'- Mangsoo ri gyoug phau" nyid ge'- Khokham" yi riphau" myang: nyid ge'.

DANG: ZHOEM 23:17

Yooboo yoo" bang: ri ayu" no" nyid re" da" pyaid moo: Aseing ri gyoug phau" khyoo: ri yhouggyen: too" we'.

TARHA" TID POIN" 4:2

Ngoo nanu" ri amyeing" byid: to" jang" mo ce: daja: we' alung: goo". Ce: daja: ri we' ayu pyam goo". Ngoo nanu" ri byid: bye: da" nanu" Aseing Mangso amyeing" dang: ri tam" gyo: cang yhe: nyid ge'.

APOEM AYANG: 22:12

«Zooshang: ri azang" thung"- nyang: ri ci: we' akoid» ga: tid thu lo lho: «Nang gi Mangsoo ri gyoug phau" myang nyid su: nghoid ziri akhid" ngoo si' bye:. Khasu" wim gari nang gi re" zooti" zoo: ri ngoo ri byid: wa ci: vhoo" abyed nghoid da:» ga: tid.

PHAJHI" DANG: 6:12

Yoeb byoo yo' dayhang: ti" lid: loo" bye: kangso' gyung: khyoo: nghoid da" nya: kangso' gyung: khyoo: akoem:- he: aleing" kyeing" da" ayo, moo byu dayug shid re" ce: ja: ge thang ziri khasu" yo" si' wa la". Byu dayug shid: byug thang: ri mougmyid dang moo cibue" wa ziri khasu" yo' si wa la".

PHAJHI" DANG: 2:3

Ngoo gi phajhi" ri shau" yu wa myid vho: ziyo' zabyid yhid: shug lho: ngoo nya: gung ri pyoo: sho' nyid yu" wa ein: myid phyed bye:. He: zigi mougmyid tho' moo re" nyid da" ayo, moo ge thang khyoo: nghoid nyid bye: ein: ngoo shau" myid.

1 SAMUELA 12:24

Aseing gi nanu" da" Emyed dangain" yo' loem: lug tung" moo" voin tam" gyo: nyid mo, nanu" shid re" nyang: koid shug da" moo" zoo" zeing ri boin: so" nyid boem ge'.

PHAJHI" DANG: 3:14

Mangsoo koid zi ja: khang" moo" apyaid atoo: moo geing: teing jo, wa ziri ngoo se' da:. Nang wigi houg: moo daja: we ayo" lung kaid- daja: we ayo" yu pyam wa. Houg: lho: Mangsoo koid zi daja: gi ngoonu" wigi nyang: ri gyoug phoug" wa zi nghoid da:.

PHAJHI" DANG: 7:18

Sung xo: zi eig shoid goin" ziri jang" pyam we'. Nang gi Mangsoo ri gyoug phoug" myid bo nghoid rigi khasu" nghoid loug we' nang oung: doid wa.

PHAJHI" DANG: 8:5

Nya: amyeing" dang: ri nang datam" gyo: nyid nyid gi nang moo goem loem da:. Houg: lho: phajhi" boo su: gi kha: ayo, ri khasu" koid wa ein: ziri se' da:.

TARHA" TID POIN" 10:20

Nanu" Aseing Mangsoo ri gyoug phoug" lho: nyang: ri kyeing" noku ge'. Nyang: moo jhug zug nyid ge'. Nanu" da" dangsoo" joem ri nya: myeing ri kyeing" lang: lho: koid ge'.

1 KHOKHAM 2:3

Nang koid wa shid re" re" Aseing Mangsoo amyeing" byid: to" da" moo" zoo" ri koid nyid we'. Nang so" yen" da" joyoo khyi' khang" moo" nang koid da" moo" zoo" dangain" shoug" zoo: shoug" shug baja". Moshe da" tarha" moo lhid" to" da" ziyo' dayhang: ti" nya: tarha" joem yo' amyeing" dang: joem dangain" ri tam" gyo: wigi cang yhe: nyid we'.