PHAJHI" DANG: 11:9 - Lacid Common Language Bible

⁹ Zoomyi: zooyam yi we"- nanu" da" zoomyi: zooyam akhyeing" ri pyoo: pyoo: nyid we'. Nanu" zooyam nghoid shi" uri ngei pyo: nyid ge'. Nanu" koid nau ziri koid lho: nanu" nheigloem: myid vho: khyo" cang ge'. Nghoid loug we' Mangsoo gi nanu" koid zi ci: nghoid loug we dang: phyed byid: loo wa ziri myid boin: we'.

PHAJHI" DANG: 11:9 Referans Kwoze

PHAJHI" DANG: 12:14

Mangsoo gi nanu" koid zi ja: khang" moo" ri ge zi nghoid nghoid age zi nghoid nghoid zheig zoo: khau" koid da" moo" joem rilang" dang: phyed byid: loo wa.

PHAJHI" DANG: 12:1

Houg: yoomo nang ngi shi" da" ayo, nang nheigloem: thang da" bidnyid joem yo' «Kangso' gyung khyoo: moo ngoo apyoo:» ga: tid wa zain nyid aju" shi" ri re" phain" so: Aseing ri myid boin: we'.

NGOUG JI: 3:27

Houg: yoomo he: khyoo: ri ngoonu" vedyam" yo, moo yo" jhau" yu wa zigi ge thang khyoo: nghoid.

PHAJHI" DANG: 3:17

Ngoo gi ngoo nya: gung ri hid su" ein: tid «Mangsoo gi deungmain" su: yo' akhyeing" ashoeb su: ri dakhyo" za: dang phyed loo wa. Ciwim gari ja: khang" moo"- lo, moo" khang" moo" gi nyang: nya: shid re" asoo" to" to" da" ayo, moo bue" loo goo" wa.

2~KORINTHU 5:10

Khasu" wim gari ngoonu" dangain" mo, gi tarha" dang: phyed zi shau" wa shid re" Khristu da" tang myhang shid moo thu' yab, ca" boem wa zi nghoid. Hau: da" uri ngoonu" dayug yo" dayug gi He" da gungsho" yhoem: moo nyid nyid shi" uri zei so" lid loo bye: da" ge da" moozoo"- age da" moozo" shid re" eung: ziyo' dakhyoo" ti" shau":" kham, zo: boem wa nghoid.

HEBRE 9:27

Xang: su: byu yi yug khang" moo" gi dalheing: za: shid: lo" lho: hau: thang: ri Mangso da" dang: phyed zi shau" shi" wa nghoid.

YOBA 31:7

Ngoo gi jo, da" khyoo: mo lheing: tau" thu lo" la. Anghoid lang" akhyeing" da" khyo" ngoo nya: gung ri myhi' nyid la. Houg: lho: nga" lo, moo yooboo dab nghoid ri

Roma 14:10

Houg: yoomo nanu" gi ciwim wigi re" mang: nhung" ri dang: phyed' nyid go" lha". Ciwim wigi nyanu" ri aphoug" akhyoid' koid' nyid go". Ngoonu" dangain" mo gi tarha" dang: phyed' zi kham: wa shid' re" Mangso: da tarha" zhoug: tang shid' khoin" moo ju" yab boem wa.

MATHE 5:28

Ngoo nanu" ri tid zigi nheigloem: moo yu" ngei ziyo'- myiyi: zoo: ri yu" yu" lho: vho: da" nheigloem: boo su: gi nya: da" nheigloem: khoug: moo hau: da" myiyi: zoo: yo' myi: lhoid' da" moo" zei bye.

PHAJHI" DANG: 2:10

Ngoo vho: zi ci: nghoid loug shau" yu bye:. Ngoo gi pyo: ja: daja: ri we' alid: pyam. Ngoo zei: lo da" moo" zoo" ja: khang" mo" da" gang mo ngoo nghoid boin nyid houg: lho: he: gu dangain" gi nga" da" aphoug" jhungshug nghoid.

APOEM AYANG: 6:2

Mougkhung: mougdi nu" yi dayham" gi myiyi: nu" yi yung" ziri myang yoomo yu" ngei yug ri yhoem: seing: myhi' khyo" khyen: yu boem ago".

APOEM AYANG: 3:6

Myiyi: myhi' gi shigam ri gye" yung" nhung:- nya: ashi" we' gye" zoo: ngham" wa myang ga: yu" thu lho: nyang: gi phajhi" boo su: to' bue" lo nghoid rigi khayhi' gyeing" gi wa lha" ga: myid. Houg: yoomo myiyi: myhi' gi shi" ri phyo' zoo: bye:. Hau: thang: nya: yhoem: seing: phoo ri byid: wigi yhoem: seing: phoo we' hau: shi" ri zoo: bye:.

GYUNG: SOO" 15:30

Nghoid loug we' byu dayug gi mungdain: byu nghoid ri nghoid tungbau byu nghoid ri nghoid pa: yhi: koid wigi yooboo shoid nghoid rigi Aseing ri aphoug" akhyoid koid da" yooboo yoo" su: nghoid wigi nyang: gi said pyam zi shoug" wa zi nghoid.

2PETRU 3:7

Nghoid loug we' Mangsoo gi akhid" jo, da" moug: khung: mougdi yo' Moug: myed yoosoo" ri myi: yo' phyo' soin' pyam wa shid re-goo" nham, da" mungdang: yo' nyang: dakhu: shoung: to. Nyangnu" gi Mangsoo: ayo" da" byu yi ri - tarha" ang: phyed' lho: phyo' soin' pyam wa bidnyid ju" sho' dakhu: myhu: too" shi.

YEREMIA 23:17

Ngoo tid to" da" dang: ri atam" gyoo: loo: he: pyam da" byu yiri nyangnu" dangain" nyid gi yab ge loo goo" wa ga: nyangnu" xo' tid ago". Nyangnu" gi nheigloem: thain: bang: yugkhang" moo" ri yau: khe" kyi" khyeug zigi nyangnu" ri khanham we' ayo" ju" zang" wa» ga: tid ago".

YEREMIA 7:24

Nghoid loug we' nyangnu" gi acang atam" gyoo: nghoid ago". Hau: gungthid nyangnu" gi nyangnu" da" nheigloem: thain: ziyo' akhyeing" da" myid wigi nyangnu" ri koid nhang: da" ci ri we' koid lho: nyangnu" gi je ge loo wa gungthid je agi loo dam xo: lo" ago".

COUNG" NGHEI 81:12

Hougsu" nyangnu" da" nheigloem: thain: da" khyoo: khyo" yhe: loo" goo" baja". Ngoo gi nyangnu" ri akhang" byid: kaid bye:.

TARHA" TID POIN" 29:19

He: tarha" moo jhau" to" da" joem ri akhid" nyid" hid: moo shoug" gyoo: yug hang" nghoid loug we' nyang: vho: da" khyo" nheigloem: thain: yhe: lo" nghoid rilang" nyang: moo dangain" ge zigi bui" wa ein: nyang: nya: gung ri amyed loem goo". Hau: zigi nanu" mo gi bang: yo' akhyeing" bang: dangain" ri dakhyo" za: joem: loo" nhang: loo wa.

GYUNG: SOO" 15:39

Hau: bain: byau gi myid boin: nhang: nyid wa shid re" nghoid wigi nanu" hau: bain: byau ri myang khang" moo" nga" amyeing" dang: ri boin: so" re" wigi hau: joem ri cang koid boem wa nghoid. Houg: lang" nanu" gi nga" jang" mo aphug lo" byug wigi nanu" nyang: vho: ngei shoid khyoo: acang yhi: goo" wa zi nghoid.

ACTS 24:25

Nghoid loug we' - Polu gi ge, shoeb da" khyoo: ri nyang: nya: da" gung du: ri vhoeb, khang" da" khyoo: ju" loo wa da" tarha" dang: phyed' bidnyid da" khyoo: ri kho" kyo" nyid lang" gi Philid' gi gyo: gyoug lo wigi akhid" nang loo" re' - thang: phyang" agoo ngab lang" Nang ri doem khi: wa ga: tid.

ACTS 14:16

Lai loo" bye: da" apyaid' moo Mangsoo gi xang: su: byu dangain" ri nyangnu" nyang: vho: khyoo" koid wa da" akhang" byid: too" bye.

1 KHOKHAM 22:15

Khokham Ahab shidkhoin" moo nyang: thu ri" lang" khokham gi nyang: ri «Mikhaia we"- khokham Yehoshaphad yo' ngoo gi Ramod voogung ri yhe: zain: wa la"- ayhe: zain: wa la"» ga: myid: bye:. Mikhaia gi «Yhe: zain: ge'. re" tang: gyeing" nyang: oung: wa. Aseing gi re" tang: ri oung: doid khyoo: byid: wa» ga: tid.

1 KHOKHAM 18:27

Nyid" gung mo gi nyangnu" ri Elia juang" yi shid" loo bye:. «Yoem: kaid yoid mho' ge'. Nyang: gi yu phara" nghoid. Nyang: gi nyid" gung yhoebmo, mo, nyid la'- anghoid lang" nyang: nghi: yhe: la'- anghoid lang" gyung: thu so" loo" sam"- anghoid lang" nyang: gi yhoeb jo, wa nghoid. Nanu" nyang: ri nhoug" yu ca" wa nghoid» ga: tid.

1 KHOKHAM 18:12

Ngoo thu loo" yo' dage" Aseing da" Venyi: gi nang ri ase' da" joyoo gootu: khyoo: shu" lo" nghoid rigi khasu" koid wa la". Hau: thang: nang hid: moo: nyid khyoo: ri ngoo Ahab ri tid kyo" wigi nyang: nang ri amyang lang" nyang: ngoo ri said pyam wa zi nghoid. Ngoo gi zooyam pyaid mo Aseing ri loem khau: noku su: nghoid ziri boin: we'.

GYUNG: SOO" 22:32

Moug lagyoo: gi «Nang ciwim yoomo hid yhang: ti" re" loo zei: ri soem" dam baid lha". Nang he: gyung: ri asoo" eung: yoomo re" gyung: khyoo: ri toem' wa shid re" re" lo zi nghoid.

1Korinthians 4:5

Houg: su" nghoid yoomo ayo, aju" shi" ri- nanu" dayug yo' dayug gi hang" ri nghoid loug we' tarha" dang: aphyed byid: nyid goo. Lo" thang bidnyid moo: tarha" dang: phyed wa da" Aseing ju" ri" sho' dalang" nyid ge'. Nyang: gi moug: coid khoug: moo: yhoem" to" da" moozoo" ri we'- byu yi da" nheigloem: khoug: moo: zau" to" da" myid soin: khyoo: ri we'- thoid' shoug thu' loo wa zi nghoid. Hau: bidnyid ri byu yug khang" moo" gi nyang: yo' moin: yi" da" Mangso wigi: coung" nghei ngi: shab, khyoo: ri shau" kham: yu boem wa zi nghoid.

YOSHU 7:21

Ngoonu" shau" shoem" yu da" zi joem mo yung" da" Babelon byisheing: dakhyab- ngei soem: kyen" koo: yo' daxe: darung koo: bo da" sheing: thung" dathung" ri myang. Hau: joem ri ngoo gye" vhoo: yoomo yu pyam bye:. Hau: joem ri nga" zoem" akhoug: moo: myhoeb to" wigi ngei ri athi" moo kaid to" ziri nanu" shau" myang wa» ga: tid da:.

LUKA 12:19

Houg: lang" nang gi zain ved myoo" sho' zo: shug wa shid' re" ziyoo jonu" ri young: too" bye: yoomo nheigloem: pyoo" pyoo: danyid re'- zo: pyoo shug pyoo: nyid re- ein: ngoo nga" gung ri tid wa" ga: tid.

PHAJHI" DANG: 6:9

Hau: zigi akoem: nghoid da:. Hau: zigi lid ri cang khaid myheig ziyo' du da:. Nang yo" zi moo nheugshid: zigi goonoem daja: ja: ri khanham we myid vho: nyid tho' je ge da:.

PHAJHI" DANG: 7:14

Re" shid re" ja: noem joeb gi gi za: nghoid lo nyid ri ngei bu we'. Houg: lho: yau: khi" ju" re" da" uri we' ngei bu: khyoo: yo' yau: khe" khyoo: eig ja: goin" ziri Mangso wigi nhang: kaid byid: zi nghoid ga: ziri we' thang: moo ci: xo' pui" wa ein: ziri nang khanham we ayo" si' ein: ziri myid boin: we'.

PHAJHI" DANG: 3:12

Houg: yoomo ngoonu" khyo" yo" bue" thang koid wa khyoo: gi ngoonu" dei nyid shi" uri ngei pyoo: tung" nyid wigi ge bue" yhi' koid wa nghoid ziri ngoo myid boin: bye:.