PHAJHI" DANG: 11:2 - Lacid Common Language Bible

² Re" arang" ngei ri joyoo myoo: sho' khyi' khang" moo" moo kaid too" we'. Ciwim gari he: mougmyid dang moo nang joem: lo" khyoo: khasu" thung" shoug" phu" zoo: wa ga: ziri nang khanham ayo" se' too".

PHAJHI" DANG: 11:2 Referans Kwoze

DANG: ZHOEM 6:16

Aseing gi avhoo: angei ziyo' ayo" kham' zeung: khyoo: nyhed ja: bo. Hau: khyoo: joem gi Nghoid boin: da" myonhoo: aved Mhau' fain" da" yhoo:- yooboo adab, su: ri said pyam da" lo, Akhyeung" da" khyoo: ri myid soin" yu" nyid da" nheigloem:- Ashoeb da" moo" zei: wa ga: hain: nyid da" khyid:- mhau, fain' dang: dakhoin" thang: moo: dakhoin" tid lho: sagse: kham nyid su: yo' Zoem" khau: byencang" yi da" agyoo: moo yau: khe" kyi" khyeug joem ri lhu: pau: thu' nyid su: nghoid.

COUNG" NGHEI 112:9

Nyang: gi ca" nyid yo nyid su: ri agoin' ayu: byid: gam nyid wigi nya: da" nheug khyeug khyoo: gi khanham we' yoem: nu: lo" khyoo: ajo. Nyang: gi amyeing" yoem: so' yo' phau" myang: khyoo: ri shoug" yu loo wa zi nghoid.

YOBA 5:19

Dalheing: thang: dalheing: nyang: gi nang ri dam dab jang" mo khyoid yu wa.

DANIELA 4:27

Houg: yoomo aseing: khokham we"- nga" phajhi" byid: dang: ri cang we' yooboo koid ziri theing: pyam we'. Jo ziri koid wigi sho" jhen: bang: ri nheig khyeug we' houg: lang" nang xo' lho: yoo" zoo: shug loo wa» ga: tid.

HEBRE 13:3

Nanu" gi thung: moo loung" jo, mo, ri dage" thung: bo lung" mo, yhang: ti" nyangnu" ri daboin: nyid ge'. Nyhang" nyang: kyi" khyeug zi shau" nyid yhang: ti"- kyi" khyeug shau" nyid mo, ri daboin: so" nyid ge'.

Ephesu 5:16

Khasu" wim gari akhid" da" bidnyid ayo, joem gi akhyeing" ashoeb, da" bidnyid nghoid nyid yoomo nanu" yo" da" ayo, gi ri goolhoo: za: akyu" boo sho' ci: yhoung: nyid ge'.

GALATI 6:1

Mang nhung" yi we"- byu dayug yug gi aboin: asoo" loo: za: yooboo zei: shoid nghoid rigi venyi wigi khyoo: shed" khyo" kangso dei nyid mo, nanu" gi houg: yhang: te" su: ri nu" nham, da" myid yo' khyoo: shed byid: ca" nyid nanu" nyang: we' gunglau" wigi jhu, phyo' zi ashug" baja" nyang: tu: nyang: houg: lhed' zed" nyid ge'.

LUKA 17:4

Danyid" khoug: moo za: nyhed lheing: ju" sho' nang ri shoid lho: nyhed lheing: ju" sho' re" jang" moo re" wigi ngoo nheigloem: thid bye: ga: tid nghoid ri nang gi nya: da" yooboo ri khyoid pyam byid: ca.

MATHE 18:22

Aseing Yesu gi «nyhed lheing: za: anghoid. Nang nyhed, xi: xi: nyhed lheing: ju" sho' yooboo ri khyoid goo" ca"» ga: wigi tid.

MATHE 5:42

Mho' su: ri byid: we' re" jang" mo daja: ja: jhid" nghoo" noug su: ri we' ahe: pyam.

MIKHA 5:5

Nyang: gi myenjham" khyoo: ri byid: loo wa zi nghoid. Asuri byumyu" yigi ngoonu" da" mung" ri zain: ce" vang lo lho: ngoonu" da" gyi khoug: goo zung joem phyo' sain" boem uri ngoonu" yo' ngoonu" da" yoem: bo thang da" vhujhung: yiri zain: wa shid re" nhang: kaid wa zi nghoid.

ESTHA 9:22

He: bidnyid gu: gi Yuda byumyu" yi nyangnu" da" gyivoo yi lo, mo loid byoin yu da" bidnyid nghoid da:. He: lhoo' khyab gi koug shui: ziyo' nheigloem: thang jang" mo ngei pyo: ziyo' myid pyo: da" bidnyid khyoo: phug lo" da" lhoo' khyab nghoid da:. Nyangnu" gi he: bidnyid gu: moo zoo: shug pui" koid wigi nyang: cang" nyang: yo' myung: shoo" bang: ri zooshug jhungshug gam byid: ca" ga: jhoug" shid" to" da:.

ESTHA 9:19

Hougsu" yoomo voozoo: joem moo nyid da" Yuda byumyu" yigi Adara lhoo' xain" daxe: myid: nyid" nyid" ri ngei pyo: da" Dougno: Bidnyid yo' zoo: shug ayo, khyo" koid lho: nyang: cang" nyang: zooshug jhungshug gam byid: ago".

NEHEMIA 8:10

Akhid" yhoem: khyoo: lo" wigi zoo: shug pui" lo" koid ge'. Atham: zoo: shug bang: ri nanu" da" zoo: noem yo' zabyid yhid: ri kaid byid: ge'. Akhid" nyid" gi ngoonu" da" Aseing shid re" gyeung" shang: da" bidnyid nghoid. Houg: lho: akug goo". Ngoonu" ri Aseing byid: da" ngei pyo: khyoo: gi nanu" ri yoem: boo nhang: ri" wa» ga: tid ago".

DANG: ZHOEM 19:17

Myung mo, ri: byid: zigi Aseing ri jhid" byid: ziyo' du nyid. Aseing gi nang ri doem tau" xab, byid: loo wa zi nghoid.

PHAJHI" DANG: 11:3

Seiggam dagam gi khasoid khyoo: leung gyoo" gyoo" nyang: leung lo" jang" moo jo, jo, wa. Jhoemmoug" thei" byeung" jo, lang" moug: voo wa.

PHAJHI" DANG: 11:8

Nang dei nyid da" zain nyid khang" mo" shid re" jeju" boin: soo" we'. Nang gi khamyhang nyid myang" loug we' aca". Hau: tho' je myang" sho' nang shid: jo, wa ein: ziri myid boin: we'. Shid khyo myid lang" wa zi ce: daja: we' ajo,.

PHAJHI" DANG: 12:1

Houg: yoomo nang ngi shi" da" ayo, nang nheigloem: thang da" bidnyid joem yo' «Kangso' gyung khyoo: moo ngoo apyoo:» ga: tid wa zain nyid aju" shi" ri re" phain" so: Aseing ri myid boin: we'.

1 SAMUELA 25:8

Nyangnu" ri myid: yu" we' nyangnu nang ri tid kyoo" wa zi nghoid. Ngoonu" gi zoo: shug pui" moo ju" bye: zi nghoid wigi Ngoonu" ri goolho' za: lhoem: tau yu wa shid re" we' nang ri David pyeing" kaid. Jeju" mo nang ge bue" yhi' re" dei dei bang: ri we' re" jheddab byencang" David ri we' byid: kaid wa shid re" pyeung: kaid» ga: tid ago".