PHAJHI" DANG: 1:17 - Lacid Common Language Bible

¹⁷ Ngoo gi lasi phajhi" yo nheig agyeing: da" agyoo: mo phajhi" juyhi: yo' ko" da" agyoo: mo adu da" ziri myid kho' jhau" yu wa ein: myid phyed bye:. Nghoid loug we' ngoo shau" myang yu zigi lid ri cang khaid myheig zi danghoid nhung:.

PHAJHI" DANG: 1:17 Referans Kwoze

PHAJHI" DANG: 2:3

Ngoo gi phajhi" ri shau" yu wa myid vho: ziyo' zabyid yhid: shug lho: ngoo nya: gung ri pyoo: sho' nyid yu" wa ein: myid phyed bye:. He: zigi mougmyid tho' moo re" nyid da" ayo, moo ge thang khyoo: nghoid nyid bye: ein: ngoo shau" myid.

1THESALONI 5:21

Dangain" ziri leug kyeung yu" lho: wigi ge da" khyoo: ri lhoem: yu wigi lhei, teung too" ge'.

PHAJHI" DANG: 2:17

Houg: yoomo byu kangso' gyung: khyoo: gi nga" shid re" ce: dang: kang: athu. Ciwim gari hau: ayo, mo ja: khang" moo" gi ngoo ri yau: khi" mo lid: wigi ce: daja: we' aci: ri" byid: nghoid da:. Dangain" gi akoem: nyang: nghoid da:. Ngoo gi lid ri dalhung khaid nhung:.

PHAJHI" DANG: 4:4

Byumyu" yi oung: doid wa shid re" gye" yoem: kaid ein: ziri ngoo yo" se' yu bye:. Hau: zigi nyangnu" da" yhoem: kyoo" cang" yiri no" zo myid boo yoomo nghoid ago". Nghoid loug we' hau: zigi akoem: za: danghoid. Hau: zigi lid ri cang khaid myheig ziyo' du da:.

PHAJHI" DANG: 4:6

Hougsu" nghoid ein: shang- nghoid loug we' eig lo, goin" ge ayo, byeung" sho' atheing: ano: moo" zei: nyid lho: lid ri cang khaid wa tho'- nheigloem: yug yoo tung" yo' dajhi kyeing" yoo" wa zigi je ge da:.

PHAJHI" DANG: 6:9

Hau: zigi akoem: nghoid da:. Hau: zigi lid ri cang khaid myheig ziyo' du da:. Nang yo" zi moo nheugshid: zigi goonoem daja: ja: ri khanham we myid vho: nyid tho' je ge da:.

PHAJHI" DANG: 9:3

Dangain" bang: jang" moo vhu" pi: lo, kyo' daja: za: ju" re" da:. Houg: lho: he: ziri mougmyid dang moo bue" da" ja: khang" moo" yo' dakhyo" shoid nyid da:. Byu joem dadei nyid nyid gi nyangnu" da" myid gi akhyeing" ashoeb ziyo ko" zi byeung" jo, ago". Houg: lho: nyangnu" gi nyeigdain tung" za: shid: lo" ago".

COUNG" NGHEI 73:16

He: da" sei: joem ri ngoo yoem kaid myid phoid sho: yu" bye:. Nghoid loug we' hau: khyoo: gi nga" shid re se' gyo: phoid yu wa zi gye" yau: nyid.

PHAJHI" DANG: 3:19

Lo" thang moo byu xangsu: yo' gougnyhoug joem shid re" vhu" pi: lo, kyo' daja: kyeing" lang" nyid da:. Byu xangsu: gi gougnyhoug yo' dakhyo" za: shid: lo" da:. Nyangnu" daja: kyeing" da" dei noem nghoid ago". Byu xangsu: dayug gi gougnyhoug dadu: tho' ci: aje: jain" nghoid da:. Ciwim gari byu yo' gougnyhoug kha: ja: shid re" we' kangso' gi ce: dang: kang: athu nghoid da:.

PHAJHI" DANG: 8:16

Ngoo gi phajhi" boo wa shid re" yo' he: mougmyid dang moo ci bue" nyid ziri jhau" zhang: yu wa shid re" yoem: kaid khang" moo" byu gi myen" ri nyid" ri ayhoeb acoem" gyeing: lho:

PHAJHI" DANG: 12:8

Myid phajhi" si' su: gi hau: zigi akoem: akoem: ga: tid da:. Hau: zi dangain" gi akoem: za: nghoid da:.