Pang Shug 8:3 - Lacid Common Language Bible

³ Hau: thang: rimau: lagyoo: gootu: dayug gi xoin" to' phoin: nam, moo sheing: yo' koid to" da" nam, pyo: shoem: nghe, ja" lang: goin: rici: lho: re" yab, kaid. Nyang: gizhung: tang shid khoin" mo sheing: yo' koid to" da' xoin" to' phoin: tho' moo Mangso byu yi dangain" mo, akyu" mho' da" dang: yo' dage" myi: nghi, xoin" to' nyid jang moo lung: byid: wa shid re" nam, pyo: ja" shoem: myoo" sho' hau: yug ri byid: to.

Pang Shug 8:3 Referans Kwoze

Pang Shug 5:8

Houg: su" yu da" uri gougnyhoug myid: du: yo' ludaid eig xe: myid: youg bang: gi nyang: nya: da" teing joem ri we' Mangso byu yi akyu" myo, ein: da" nam, pyo: shoem: yo' byeung" jo, da" - sheing: goem joem ri ngab, sho' zheung: ci: lho: nyangnu" da" shid khoin" moo goeb khyo' ago".

Pang Shug 8:4

Myi: nghe, to" da" nam, pyo: shoem: myikhoug" gi Mangso shid khoin" moo yab, jo, su:- mauglagyo: da" lo, mo wigi Mangso byu yi da' akyu" mho' thui: yo' dage" neing" do, lo nyid.

COUNG" NGHEI 141:2

Nga" da" akyu" mho' thui: ri nam, pyo: da" xoin" yo' dakhyoo" ti" ngoo tu: ci: da" lo, ri myen" ri ngei" byid: da" xoin" yo' dakhyoo" ti" lhoem: kham: yu byid: we'.

LUKA 1:10

Houg: su" myi: nghi xoin" to" nyid da" uri re" bo noku da" byu myoo" sho' mo, gi nghe: shoid moo Akyu" mho' nyid boem.

Pang Shug 9:13

Hau: thang: ri khyug yug ein: da" moug: lagyoo: gi nya: laboo" ri moid kaid. Mangso shid' khoin" moo jo, da" sheing: xoin" to' phoin: myid: jhoin: mo thu' lo da" thui: ri ngoo shau" gyo.

MALAKHI 1:11

Bid thu shoid mo zi bidvang shoid khyoo: ju" loo" sho' moo nyid da" nga" mung" byu ja: khang" moo" gi ngoo ri phoug" tab ngi: shab byid: lo boem wa joyoo khyi' khang" moo" moo nyangnu" gi ngoo ri nam pyo: da" shoem: nghe' ngei" byid: boem wigi nyangnu" xoin" joem dangain" ngoo ri phoug" tab ngi: shab byid: lo boem wa zi nghoid.

HEBRE 9:4

Hau: jang" moo nam, pyo: ja: nghe, nghei" byid: da" sheing: yo' koid to" da" phoin: yo' dagung goin" sheing: yeing shoin" da" Dang: Theing Kuid: bo jo. Hau" kuid: zei: khoug: moo Mana' zooyho' bo da" dibu: we' afu' nu" toid' lo nyid da" Arun da" lham: dung: we' tung: to" tarha" lhid" to" da" lug yho' eig khyab, we' bo jo.

THU' LO" MOUGSOUG" 40:26

Nyang: gi sheing: phoin: ri zoem" da" akhoug: yabkyo' pain" ruang: shidkhoin" moo to" wigi

HEBRE 7:25

Hougsu" nghoid nyid yoomo-nyhang" gi nyang: ri loem, nghe: khau: lho: Mangso jhang khyoo: yu: tain" vang loo bang: ri-khanham we' khyoid khyu: yu wa da" yoem: moo" bo nyid. Khasu" wim gari" nyang: gi nyangnu" nya: shid re" -Mangso jang" moo mho' tung" bain: byid: wa shid' mo khanham we' dadei nyid.

Roma 8:34

Houg: yoomo nyangnu" ri hang" we' yoobo dam yo" byid: wa zi anghoid. Shid: kham: da" zi za anghoid. Shid: jang" mo doem dei to'' lo da" Aseing Yesu Khristu gi Mangso: da lo yo shoid' moo zhoung: jo lho: ngoonu" da" shid' re" bo mho' tung" bain: byid: nyid.

AMO 9:1

Aseing gi phoin: nam moo yab jo, ziri ngoo myang. Nyang: amyeung" byid: da" dang: khoin" gi «Noku Yhoem: Moo" mo khungvoin zeing vhu" joem ri yoem: kaid baid kaid wigi apoem: ayang: dangain" ziri lei" loo" nhang: wa. Hau: ziri gyau: loo" nhang: lho: mung" byu yi da" vhuloem moo gyo" zeig baja". Nyid deung da" mung" byu yiri ngo wigi meing: zain: jang: moo said pyam wa nghoid. Hang" dayug we' yo" phang: loid loo" wa zi anghoid.

1 KHOKHAM 7:50

Khu soo" joem myikug lo, zei: joem khu joem nam pyo: ja: kaid wa shid re" bain joem myi: dab da" myigyu: kaid dang ci: ri" wa shid re" oug" phain' joem gyeung" shang: thang yab mo khoem" shid re" we' Noku Yhoem: Moo" mo yhoem: pain' khoem" moo" zeing shid re" we' paidta: joem nghoid da:. He jonu" dangain" ziri sheing: yo' koid to" da:.

Pang Shug 7:2

Hau: thang: ri apyaid atoo: dei nyid da" Mangso dazid' ri ci: ri" su:- bidthu shoid mo moug: lagyoo: dayug ri ngoo myang- nyang: gi moug myid yo' panglai ri yo" phyo' shoin pyam da" yoem: so'- Mangso wigi byid: to" zi shau" da" moug: lagyoo: myid: yug ri thui: zeing yo' nyho: yoid zigi

Pang Shug 6:9

Hau: thang: ri nyangnu" gi wim: loem: ein: da" dazid' ri doem phang kaid' uri Mangso mungdang: ri kho" kyo" yen" ziyo' jhug zug loem" jeung" da" sagsi: ri kham, yoomo said' pyam' shau" mo, da" soobyoo venyi: joem ri hau: xoin" to' da" phoin: gyid" moo ngoo myang.

Pang Shug 10:1

Hau: thang: ri yoem: moo" bo da' moug: lagyoo: gootu: dayug gi moug: khung: mo gyoo" lo ziri ngoo myang- Nyang: ri jhoem" moug" thoeb, to" lho: nya: da" vhuloem lheing khab, moo- seing: yhang: lheung kham, to. Nya: da" myonhoo: gi bid yo' du lho: nya: da" khyid: gi myizeing joem ti" du nyid.

GYUNG: SOO" 4:11

Hau: thang: nyangnu" gi sheing: phoin: tho' moo: mougnyoug pain" nghoeb wigi hau: adang moo: shooyid gi yo' thoeb lho: dang wa keing: youg: joem jhui: zei wa zi nghoid.

ESAIA 6:6

Hau: thang: gougnyhoug joem mo dadu: gi phoin: dang mo nyab ze" wigi nyham" yu da" myi: dab da" myi: gyu: dakhi' ri ci: wigi nga" jhang dang: gyo" re" da:.

EZEKIEL 41:22

Hau: zigi 5 pi: myhang: wigi 4 pi: gyi: da:. Hau: ajhoin: mo dung" zeing joem dangain" gi seig wigi koid to" zi nghoid da:. Hau: yuggi: ngoo ri «He: zigi Aseing da" shidkhoin" moo jo, da" zoobui" nghoid da» ga: tid.

Pang Shug 8:5

Hau: thang: rimau: lagyoo: gi nam, pyo: shoem: nghe, ja:- sheing: lang: goin: ri yu lho: xoin" to' phoin: tho' mo myi: ri yu kaid wigi moug: myid tho': khyoo: du" sain" khyo' kaid. Houg: lang moug: goem: goem: myeung lo ziyo' lhab, myeug lo asu, bue" loo bye.

Pang Shug 14:18

Hau: thang: ri myi: ri vhoeb, da" moug: lagyoo: dayug gi xoin" to' phoin: khoung: mo thu lo. Nyang: gi gye: tho' da' gyen: goem: ri zhoeb, ci: da" moug: lagyoo: ri " re" da" gyen: goem: ri ci: lho: «mougmyid da" zabyid khyam: mo ashi" ri yham" yu re" zabyid shi" joem bain myheung jo, bye"» ga: thui: zeing yo' tid kaid.