Pang Shug 7:2 - Lacid Common Language Bible

² Hau: thang: ri apyaid atoo: dei nyid da" Mangso dazid' ri ci: ri" su:- bidthu shoid mo moug: lagyoo: dayug ri ngoo myang- nyang: gi moug myid yo' panglai ri yo" phyo' shoin pyam da" yoem: so'- Mangso wigi byid: to" zi shau" da" moug: lagyoo: myid: yug ri thui: zeing yo' nyho: yoid zigi

Pang Shug 7:2 Referans Kwoze

Ephesu 4:30

Hau: tho' moo gootu- gyeungshang: da" venyi ri nheig akug nhang: goo"- Khasu" wim gari hau: gyeungshang: da" venyi gi nanu" ri Mangso seung: nyid khyoo-sagsi: dazid' nghoid lho: Mangso wigi nanu" ri lhoid pyoin kaid' shau" da" bidnyid ju" loo wa ziri koo" kham: kham: byid: su: nghoid nyid.

2~KORINTHU 1:22

Mangsoo nyang:- ngoonu" ri goo" zu: xen: khyen: yu wigi-nya: byumyu" yi nghoid bye: da" laxoem" dazid' thoung" tab byid: bye: ziyo' ju" loo wa ayo, moo ngoonu" shau" kham: yu wa da" jeju" dangain" shid re" ama, kham byid: ziyo' ngoonu" da" nheig loem: khoug: moo hau: gyeungshang: da" Venyi foid shoin" kaid byid: bye.

Pang Shug 9:4

Houg: bang: gi seig gam voogam, joem yo' gootu: mhain" nyoug pho, nyoug joem ri ze" shoin, wa da" amyeing" ayoo". Ngeilang: moo Mangso byu yi da" dazid' adab bang: ri za: yo" shen" yhen jamjau byid: wa da" amyeing" yo" boem.

2 TIMOTHI 2:19

Nghoid loug we' Mangsoo zhoug too" byid: bye: geung" teung da" apoem: ayang; koem' gi dei loeb, yu: yen" nhang: zi anghoid. Hau" apoem: ayang: da" atho' moo hau: Aseing: gi nya: da" byu yi nghoid bang: ri se' yu" nyid.ga: wigi we' Aseing: yo' sen: su: nghoid,, ga: wigi tid bang; dangain" mo, gi shoid vhang: da" moo" dangain" ri she: pyam' khook goo" baja"- ga: wigi laxoem" dazid' lhid" tab to.

Ephesu 1:13

Nanu" ri khyoid yu khyoo: byid: da" hau: deungmain" da" mungdang: ein: da" ngei bu: lu dang: ri nanu" tungbau byumyu" yi shau" gyo: boem da" uri nanu" we' Mangso da" byumyu" yi bue" lo abye: go- Khristu ri nanu" loem jeung" boem bye: nghoid rigi nyang: tid too" khare" da" gyeungshang: venyi: ri byid: yoomo nyang: gi nanu" da" Aseing: nghoid nyid bye: khyoo: ri dazid thung" byid: bye.

Pang Shug 5:2

Hau: thang: ri yoem: moo" bo da" moug: lagyoo: dayug gi Hang" su: gi he: da" dazid' joem ri yo" shed, lho: he: mougsoug" deing: ri pei: moin: yi" wa lha". ga: thui: moo" yo' yoid nyho: nyid ziri ngoo myang.

YOHAN 6:27

Boeb' yoin" loo" se' da" zoo: noem shid' re" yoem: akaid goo. Apyaid ato: kangso' yoo" nhang: da" aboeb ayoin" loo" se' da" zoo: noem shid' re" yoem: dakaid nyid ge'. Phoo Mangsoo gi byu da" nya: zoo: ri nyang: vho: ngei da" sag si nyang: moo byid: too" bye. Houg: yoomo byu da" nya: zoo: gi hau: da" zoo: noem nanu" ri byid: wa zi nghoid ga: tid.

Pang Shug 1:3

He: moozoo" gi bue" loo wa da" ayo, jhang loo bye: yoomo he: mougsoug" ri nghab su: gi ngi: lhoo' wa. Hau: lho: he: da" lapi: dang: ri tam" gyoo: su: yo' he: mungdang: moo lhid" too" moo too" ri cang yhe: loo" su: gi ngi lho, nyid.

Pang Shug 10:4

Houg: lang" - moug: goem: thui: mo tid nyid da" dang: khoin" ri ngoo lhid" xoem" too" wa ein: soin' nyid uri moug: khung: mo tid thu' lo da" thui: gi alhid" xoem" too"- moug: goem: thui: nyhed loem: mo da" dang: gi zau" too" we' ga: tid ziri ngoo shau" gyo.

Pang Shug 10:1

Hau: thang: ri yoem: moo" bo da' moug: lagyoo: gootu: dayug gi moug: khung: mo gyoo" lo ziri ngoo myang- Nyang: ri jhoem" moug" thoeb, to" lho: nya: da" vhuloem lheing khab, moo- seing: yhang: lheung kham, to. Nya: da" myonhoo: gi bid yo' du lho: nya: da" khyid: gi myizeing joem ti" du nyid.

Pang Shug 8:3

Hau: thang: rimau: lagyoo: gootu: dayug gi xoin" to' phoin: nam, moo sheing: yo' koid to" da" nam, pyo: shoem: nghe, ja" lang: goin: rici: lho: re" yab, kaid. Nyang: gizhung: tang shid khoin" mo sheing: yo' koid to" da' xoin" to' phoin: tho' moo Mangso byu yi dangain" mo, akyu" mho' da" dang: yo' dage" myi: nghi, xoin" to' nyid jang moo lung: byid: wa shid re" nam, pyo: ja" shoem: myoo" sho' hau: yug ri byid: to.

SHOLUMON JIKHOIN" 8:6

Nang gi nga" re" nghoid nyid yoomo gooyug ri jheddab myid acang byid: yen". Re" lo, gi hang" ri we' azei: ngoo ri za: zei: we'. Jheddab myid gi shid: gyoin' noo gyoin da" yoem: so' yo' du nyid da:. Jheddab kang: tei" khyoo: gi nyang: gung nyang: ri yo" shid: nhang: da" yoem: so' bo nyid da:. Hau: zigi myi: yhang: ti" nge" boug lo lho: gye" thain: da" myi: yo' du nyid da:.

HEBRE 12:22

Nanu" koem gi Sina, boem da" gung khoo: - Zion boem yo' moug: lagyoo: yi moin, sen, nyid da" dadei nyid Mangso voogung ein: da" - moug: khung: mo Yerusalem moo ju" nyid boem abye: go.

1THESALONI 1:9

Nanu" jang" moo ngoonu" ju" re" da" uri nanu" gi kha: khyo" ngoonu" ri lhoem: tau yu boem bye: da" khyoo: ri we' nanu" gi dadei nyid ziyo' deingmain" nyid da" Mangsoo ri noku loem, khoug: wa shid' re" gug ngu soolhoo: joem rinung phoug pyam lho: Mangso jhang khyoo: khasu" phoug leung: lo boem khyoo: ri we'.

MATHE 26:63

Nghoidloug we' Aseing Yesu gi sam" zoo: tam" to" khainjung agyi moo" gi da" dei nyid da" Mangso myeing yo" nang ri myid: yu" ba"- nang Mangso nya: zoo: Meshia nghoid. la". Ngoonu" ri tid kyoo" we' ga: myid: yu.

MALAKHI 4:2

Hougsu" nghoid loug we' nga" dang: ri tam" gyo: nyid mo, nanu" shid re" koem' gi nga" khyoid yu khyoo: gi nanu" tho' moo bid su" xain" thu lo lho: bid lo, beug lo yhang: ti" noo phyoo" joem ri ze: gi byid: wa zi nghoid. Lhoung to" da" nujung zoo: ri phang kaid ziyo' dakhyoo" ti" nanu" gi loid byoin gau yi go" xang" loo" goo" wa zi nghoid.

2 KHOKHAM 19:4

Asuri khosen phoo gi dei nyid da" Mangsoo ri aphoug" akhyoid rui" wa shid re" nya: gyizoug: moo" yiri nhang: kaid abye:. Re" Aseing Mangsoo gi he: aphoug" akhyoid tid da" dang: ri shau" gyo: wigi hougsu" tid bang: ri yooboo dam byid: goo" baja". Houg: yoomo dei deung nyid da" ngoonu" mung" byu yi shid re" Mangsoo jhang akyu" mho' we'» ga: zi nghoid.

1 SAMUELA 17:36

Ngoo khangkhyi joem yo' voem joem ri said pyam yu bye: wigi Dei nyid da" Mangso gyizoo: yiri thougtheung nyid da" he: shooyid thang: ayham" da" Philisti byu ri we' houg: yhang: ti" ngoo koid wa zi nghoid.

1 SAMUELA 17:26

David gi nya: nam moo nyid da" byu yiri «Hau: Philisti byu ri said pyam wigi aphoug" akhyoid koid nyid da" jang" mo Israela byumyu" yiri khyoid yu lang" ce: noem yoo" wa ga: o". Dei nyid da" Mangsoo gyizoo: yiri thougtheung wa he: shooyid thang: ayham" da" Philisti byu gi khasu" te" yug nghoid lha"» ga: myid: bye:.

TARHA" TID POIN" 5:26

Kangso' dei Mangsoo gi myi: khoug: mo dang: ji ziri shau" gyo: thang: ri byu yugkhang" moo" gi kangso' yo" dei wa la".

MALAKHI 3:1

Yoem: moo" bo da" Aseing gi hid: su" ga: phug tid to" «Nga" shid re" khyoo: nyheing byid: wa nga" lagyoo: ri ngoo nhang: kaid wa. Houg: lang" nanu" sho: nyid da" Aseing gi yhoem: moo" moo nyeigdain tung" ju" ri" wa. Nanu" myang nau da" lagyoo: gi nga" dang: thang" cab ri tid fu" byid: loo wa zi nghoid.

ESAIA 41:2

Oung: doid yug ri bidthu shoid mo shu" lo su: hang" nghoid. nyang: yhe: da" joyoo khang" moo" moo nyang: ri oung: myug nhang: su: hang" nghoid la". Khokham yi yo' byumyu" yi atho' moo nyang: ri hang" wigi oung: pyam nhang: la". nyangnu" ri pheilhoug: ri yhang: ti" shamcoin" wigi zain: khyo' pyam da:. nya: myoo: joem gi nyangnu" ri lid vhu" mo khoofoo: yhang: ti" dang: loo" nhang: wa.

EZEKIEL 9:4

«Yerusalem voo goin" jang" khyoo: yhe: wigi dain ci' bang: yo' kyi" khyeug shoug" bang: yugkhang" mo" da" ngilang: laxoem" yhe: tab too" we'. Ciwim gari voomoo" khoug: moo aco' ajhoid moo" dangain" bue" nyid da»

MATHE 16:16

Simon Petru gi «Nang gi kangso' dei nyid da" Mangso nya: zoo: ein: da" Khristu nghoid» ga: phoug tid.

Pang Shug 9:14

Hau: da" thui: gi khyug yug ein: da" moug: lagyoo: ri Uphraid' gyid moo" lang moo tei" to" da" moug: lagyoo: myid: yug ri phoid: kaid' we"- ga: tid.

Pang Shug 16:12

Hau: thang: ri khyug yug ein: da" moug: lagyoo: gi nya: da" goem, ri Uphraid gyid lang moo foid zei, kaid- Houg: lang" bidthu shoid mo Khokham" yi ri" wa da" khyoo: bang" loo" baja" ga: gyid moo" lang gi kyoug kain" loo" bye.