Pang Shug 6:11 - Lacid Common Language Bible

¹¹ Nyangnu" yug khang" moo" ri byiphyu: sheing: dayug dakhyab, byid: lho: nyangnu" ri yhang: ti" said' zi shau" wa da" moo" zei: byen cang" yi yo' Khristain mang nhung" yi joeb lo da" bidnyid ju" sho' daso' zoo: doem myen, jham" wa shid re" tid to.

Pang Shug 6:11 Referans Kwoze

Pang Shug 7:9

Hau: thang: ri ngoo doem yu" kaid uri hang" we' ayo" tho' nghab lo: da" byu phung: moo" ri myang kaid- nyangnu" gi byumyu" byu kung:- azhang" cang: joeb ziyo' myeing" acang: joeb, kaid' mo, nghoid nyid boem. Nyangnu" gi byiphyu: sheing: ri void ci: boem lho: nyangnu" da" lo, moo gi zhain lun kyang: ri ci: wigi zhung: tang yo' yang nu" da" shid khoin" moo zheung: yab, jo, boem.

Pang Shug 14:13

Houg: thang: ri moug: khung: mo da" thui: gi " Lhed" xoem" too" we' Aseung: da" moo" ri voin, vu, lho: shid: loo" bang: gi ngi lho, nyid"- ga: tid thui: ri ngoo shau" gyo:- Houg: lang" Venyi we' " Nghoid gyeing" nyang: nghoid- nyangnu" gi sho" jhen: jamjau ziri kham, lho: zei: da" moozoo" mo doug shau" noo: goo" wa", Khasu" wim gari nyangnu" zei: da" moozoo" mo aphoug" gi nyangnu" moo cang loo bye"- ga: tid.

Pang Shug 7:14

" Aseing: we" ngoo ase' Nang dase', ein: ngoo phoug tu". nyang: ngoori tid zigi " Houg: bang: gi sho" jhen: jamjau shen" yhen gyoug pho" akhoug: mo loid byoin thu' loo mo, nghoid- nyangnu" da" byisheing: joem ri yang nu" da" suid" wigi moin: phyu: sho' bain ced" phyu: boem bye.

HEBRE 11:40

Khasu" wim gari Mangsoo gi nyangnu" shid re" je" ge da- nyheung, soin' khyoo: ri koid too" byid: bye- houg: su" nyheung soin' to" da" khyoo: joem gi nyangnu" gi ngoonu" bo ri za: joeb byeung" mo, yo" bue" loo wa shid mo nghoid nyid.

YOHAN 16:2

Nanu" gi Tarha" jung joem mo khaid thu' pyam zi shau" boem lho: Nanu" ri said loo wa hougsu" koid' mo nyangnu" gi Mangso moozoo" voin, vu, khyoo: nyang: nghoid ga: soin: yu wa da" ayo gi ju" loo wa,

DANIELA 12:13

«Houg: lho: Daniela we"- nang we' lo" thang ju" sho' jhug zug nyid we' Hau: thang: nang shid: wa. Nghoid loug we' lo" thang ayo, moo re" da" aphoug" jhungshug kham yu wa khyo" dei to' loo wa» ga: tid da:.

Pang Shug 17:6

Hau: lho: myi: yi: myhi, hau: yug gi Mangso byu yi da" suid" yo' Yesu ri loem" jeing" yoomo said' pyam' zi shug" mo, da" suid" ri shug yed, nyid ziri ngoo myang.

Pang Shug 13:15

Hau: akhyeung" da" gougnyhoug soolhoo: gi dang: yo" tid wa ziyo' hau" soolhoo: ri ano' bang: ri shau" said' pyam wa shid re" eig du: ein: da" akhyeung" gougnyhoug gi hau: xang: shed" makhyeung" da" gougnyhoug soolhoo: moo kangso' yo" moid, kaid' byid: wa da" amyeing" zeing yo.

MATHE 10:21

«Hau: uri gi nya: mang: nya: nhung" nyang: cang" nyang:- said' pyam' wa shid re" ab pyam' go" loo wa zi nghoid. Nya: myid: nya: zoo: yi we' myhi, phoo yi ri gyikoid lho: - said' pyam' lo boem wa.

LUKA 15:22

Nghoidloug we' nya: phoo gi vhoo" kung: zoo: yi ri khe: yu lho:-ge thang da" byisheing: ri myab myab lo" yu wigi nyang: ri foid byid: ge'. Nya: lo, moo we' lo, pain" ri pain byid: ge'. Khyid: baid ri we' nya: khyid: moo zhung" byid: ge' ga: nyang: tid.

ACTS 20:24

Nghoid loug we' nga" kang: so' ri ngoo ce: vhoo" abyid- ngoo gi deung jo" da" moo" ri zei: pain wa ziyo' - Aseing Yesu wigi ngoori byid: to" da" moozoo" nghoid da- Mangso nheing khyeug khyoo: ludang: gi ri tid fu" kyo" da" moozoo" ri kyoeb, sho' zei: wa da" khyoo: riza: kang: lung bu nyid.

2 THESALONI 1:7

Nyang: gi kyi" khyeug jam jau shau" nyid da" nanu" yo' dage" ngoonu" ri we' dajhi' dathang: khyam: sa khyoo: ri shau" yu nhang: wa zi nghoid- nyang: gi yoem: moo" bo da" mau: lagyoo; yi yo" dage" myiyham: doem yo' moug: khung: mo thu re" da" uri.

2 TIMOTHI 4:7

Ngoo gi gei, shi go" pui" moo yoem: so' bain sho' gei loo" bye. gei, wa shid re" ke' to" da" lake, bain: zeing: moo ju" sho' gei bye. Hau: loem" jeung" khyoo: ri ngoo bain' cang bye.

HEBRE 4:10

Khasu" wim gari mangsoo dang: soo" byid: to" da" doug no: khyoo: ri shau" kham: yu mo, hang" nghoid loug we' Mangsoo doug no: nyid yhang: ti"- nya: moozoo" mo doug shau" noo: wa zi nghoid.

HEBRE 12:23

Nanu" gi moug: khung: mo zhayen" moo bo da" - Mangsoo yi da" gau yi phung foem: moo we' byumyu" yi dangain" da" dang: kho' su: ein: da" Mangso jang" moo we' joeb, byeung" nhang: zi shug bye: da" deing: byeung" mo, da" venyi joem jhang khyoo: we' ju" nyid boem abye: go.

Pang Shug 10:6

Apyaid' atoo: moo dadei nyid lho: moug: khung yo' myid jang- panglai yo' ziyoo jo, moo jo, ri phain" to" da" Aseing: ri nghe: lho: jham, tang: yu zigi myang" loo: wa zi anghoid.