Pang Shug 21:11 - Lacid Common Language Bible

¹¹ Hau: voogung mo doug bang zigi kyi: myhoo: lug yhang: ti" gyeung" lho, wigi gye" phau" da" dain: lug lung nyoug yhang: ti" du nyid.

Pang Shug 21:11 Referans Kwoze

Pang Shug 22:5

Hau: voogung moo myen" khanham we' ajo, yoomo nyangnu" gi myiboung: da" bidbang we' bid da" boo" bang we' aca" loo: wa Khasu" wim gari Aseing: Mangsoo gi nyangnu" da" bidbang bue" lo wigi nyangnu" gi apyaid atoo: moo Khokham" yi yhang: ti" vhoeb khang" lo" boem wa.

Pang Shug 4:6

Zhung: tang shid' khoin" moo kyi: myhoo: lug gyeing" yhang: te" da" paid' gyid thoem" deung jo. Hau: tho' mo gootu: zhung: tang da" loem: lheing khab, shoid khang" moo" moo shid' khyoo: thang: khyoo we' dagung goin" su. myojid" koem: da" gougnyhoug myid: ja: we' zheung: nyid nyid.

Pang Shug 22:1

Hau: thang: ri moug: lagyoo: gi Mangsoo yo' yang nu" da" zhung: tang mo yau, thu' lo lho: kyi: myhoo: lug su" bang young" jo, da" kangso' gyid moo" lang ngoori toin" shid' wigi

EZEKIEL 1:22

Dei noem joem da" vhuloem tho' moo lug phyu: yi yi wim da" ziyo' koid to" da" mougkhung: yo' du zi daja: jo, da:.

Pang Shug 4:3

Hau: youg da' myonhoo: gi Nagathoi lug nyoug yo' Paiddamya" lug nyoug yhang: ti" lo, lo, bang nyid. Zhung: tang da" loem: lheing khab, moo gi mya' lug nyoug yhang: te" da" seing: yhang: tei" to.

EZEKIEL 48:35

voomoo" vang myid: shoid goin" da" sheing: phyang" gi 30240 pe: bo da:. Voomoo" da" myeing ri akhid" mo thang: phyang" «Aseing gi hid: moo nyid» ga: myheing loo wa.

EZEKIEL 1:26

Hau: mougkhung: tho' moo Nila lug yo' koid to" da" zhungtang te" zi daloem: jo, da:. Hau: zhungtang tho' moo byu yhang: te" zi dayug zhung: jo, da:.

ESAIA 4:5

Hau: thang: Ziun boem yo' houg mo zeing: foem: nyid da" bang: adang moo Aseing gi nyid" gung moo jhoemmoug" phung- myen" ri myikhoug" yo' bang da" myi yam: ri nhang: kaid byid: wa.

YOBA 28:17

Hau: zigi sheing: tho' je phoug" dab lho: sheing: yam pu yo' ge thang bang teing tho' je phoug" da:.

Pang Shug 15:8

Noku yhoem: moo" gi Mangso myonhoo: phung" yoeb, yoomo myikhoug" byeung" nheung: jo. Houg: yoomo moug: lagyoo: nyhed yug zheung: ci: re" da" nooboug: joem athang thang gi hau: noku yhoem: moo" moo hang" we' ayo" vang loo.

EZEKIEL 43:2

Houg: lho: hau: joyoo moo Israela da" Mangsoo shidkhoin" mo yi: yi: bang da" bidbang gi bidthu shoid khyo" ju" re" ziri ngoo shau" myang. Mangso da" thui: gi panglai: being lhung" myeing yhang: ti" myeing da:. Houg: lho: mougmyid ri yi: yi: bang da" bidbang ri ci: shug byid: da:.

EZEKIEL 28:16

Nang gi qei qei oung” oung" moo" myo: nyid wigi hau: ze wigi nang ri athoug" akhoug: khyoo: yo' yooboo khyoo: shu" yhe: lo" da:. Hougsu" yoomo ngoo gi nang ri nga" gyeung" shang: da" boem mo agyoo: atho' khaid thu kaid lho: nang ri lhoug zung" lid: lo da" moug: lagyoo: gi nang ri yi: yi: wim da" phoug" dab lug joem jo, jang" mo vi: khyoo: khaid pyam abye:.