Pang Shug 2:3 - Lacid Common Language Bible

³ Nang gi kham, zeung: lho xang: shed" re sho" jhen: kyi khyeug khyoo: ri gye" kham, bye- nghoid loug we' ce" yoem: ashoin:.

Pang Shug 2:3 Referans Kwoze

HEBRE 10:36

Mangsoo myid vho: khyoo: ri cang zei: wa ziyo' nya: da" dang: soo" khoin" joem yo' dakhyoo" ti"- akyu" yo" kham: yu boem sho' nanu" gi gyi: sheung: nheigloem: yo' zeung: kham, ca" nyid boem.

HEBRE 12:1

Akhid" ngoonu" da" shid re" hid: myho, da" sagsi: joem gi ngoonu" ri jhoem: moug" su" thoem" lhoung too" bye. Houg: su" nghoid yoomo ngoonu" gi khyoo: moo lhu: phyo' lhu: keug lang" wa zi ja khang" moo" ri we' ngoonu" moo gye" geing: sho' kyen, dab, jo, da" yooboo joem ri we' shoem" shoung: pyam lho: ngoonu" gei, yhe: loo" wa soin' nyheung to" da" bain: zeing moo ju" sho' yoem: kaid' thoug shang" lho: gei, ju" lo" boem shang.

GALATI 6:9

Hougsu" yoomo ge da" moozoo" ri zei wa shid re" ngoonu" myung: soo" doug asoo" loo: koid nyid boem shang- Khasu" wim gari ngoonu" yoem: a shoin: rigi ayo, akhyeing: ju" lang" shau" yham" yu boem wa zi nghoid.

KOLOSE 1:11

Hougsu" nghoid yoomo nanu" thoung" shau" lo da" khyoo: khaid khang" moo" ri nheigloem: sheung: ziyo' yo" kham, zeung: nyid boem wa shid re" nya: da" phung" yoeb bo da" yoem: so' khoug: mo ju" re" da" yoem: vhoo" dangain" yo' nanu" ri yoem: lung: byid: zi shau" goo" baja".

YOHAN 15:21

Nghoidloug we' nyangnu" gi ngoori nhang: kaid da" Aseing: ri ase' boem yoomo nga" myeing yoomo nanu" ri shen" yhen boem wa zi nghoid.

1Korinthians 13:7

Jheddab da" nheigloem: gi khanham we' asoem" kham' khyoo: ajo,- khanham we' loem" jeung" nyid- khanham we' nheig byu nyid- khanham we' kham' zeung: nyid.

Pang Shug 3:10

Khasu" wim gari nang gi nga" da" dang: ri jhug zug cang nyid yoomo mougmyid gyab, goin" mo xang: su: byu yi ri jham" ca: yu" jam jau byid: lo da" bidnyid ayo, moo nang ri ngoo goem loem zung" lhug yu wa.

HEBRE 6:15

Abraham gi kham, zeung: ziyo' lang" nyid yoomo Mangso dang: soo" khoin" yo' sen:- agyid asoo: ri shau" kham: yu bye.

HEBRE 6:12

Ngoonu" gi nanu" ri nei" mo, abue" loo" nhang: noug- nghoid loug we' loem" jeung" khyoo: yo' nheigloem: sheung: wigi Mangsoo dang: soo" to" da" agyid asoo: ri kham: yu bye: bang: yhang: ti" bue" nyid ge'.

HEBRE 6:10

Khasu" wim gari Mangsoo gi atarha" koid nyid su: anghoid- nyang: gi nanu" zei: so' voin, vu, lid loo bye: da" moozoo" ri we' Aseing: ri jheddab khyoo: toin" shid' wa shid re" lid loo" bye: da" ayo, mo zi akhid" ju" sho' phung byu nyang: cang" pang" thoug go" da" khyoo: ri we' Mangsoo gi to" myhed' pyam byid: wa zi anghoid.

1 TIMOTHI 4:10

Xangsu" byu yi dangain" mo, yo,- je" wigi loem" jeing" mo, ca" khyoid yu Aseing: nghoid nyid da- dadei nyid da" Mangsoo gi ngoonu" da" myid yu" joyoo nghoid yoomo ngoonu" moo" zei: jid: ne: lo" da" jang" moo gye" yoem: kaid' nyid boem.

2 THESALONI 3:13

Nghoid loug we' mang nhung" yi we"- nanu" ge, da" moo" ri; zei: wa shid re" myhung; soo' doug asoo" goo.

2~KORINTHU 4:16

He: da" khyoo: joem yoomo ngoonu" gi khanham we' nheung loem: ayoin"- yoem: agyau: boem. Ngoonu" da" nghizain shoid khyo" yo' shau" myang nyid da" xangsu alhoo: gi yen, yen, za: byo, yoin" lo" nyid bye Nghoid loug we' akhoug: mo Venyi alhoo: gi nyid: khang" moo"- Aseig doem soin' nyeung byid: nyid ziri yo" shau" kham: yu nyid boem.

2~KORINTHU 4:1

Mangsoo gi nya: nyeig khyeig shoo" go: da" nheigloem: yoomo ngoonu ri he: da: moozoo" voin wa moo" ab byid: bye: yoomo ngoonu" moo nheigloem: gyau: -yoem: shoin: wa khyoo: aboo.

Roma 12:12

Nanu" moo nheig nhei: jang: boo yoomo - gau yi ngei pyo: nyid ge'. Koug shu: sho" jhen: lo da bidnyid ri geing: geing: teing teing koid' nyid ge'. Ano: ayab loo: akyu" damho' nyid ge'.

Roma 8:25

Nghoidloug we' ngoonu" gi amyang yu shi" da" zi ri - loem" jeung" nheig byu nyid nghoid ri gi hau da zi ri nheigloem: sheing" sheing" lang" nyid.

LUKA 14:27

Nyang: nya: da" pyang" zeing ri vu, lho: nga" thang: acang su: gi nga" cangzoo: ayo" bui.

COUNG" NGHEI 37:7

Hau: Aseing shidkhoin" moo: sam" zoo: nyid wigi nyang: zei: bui" byid: wa ziri lang" nyid we'. Akhyeung" bang: da" akhyeung" khyo" myid soin: lo" khyoo: moo oung: doid lo" wa ziri we' nyid gi nyid de lo ziri we' seing" ayu" kho" nyid goo.

Pang Shug 1:9

Ngoo gi Aseung: mungdain yo' Aseung: byumyu" yi kham, zo: nyid da" yaukhe" kyi" khyeug shen" yhen khyoo: ri nanu" yo' dage" bo kham, zo: nyid su:- nanu" da" mang: nhung" phoo Yohan nghoid. Ngoo gi Mangso da" mungdang: yo' Yesu toin" shid to" deingmain" da' mungdang: ri kho" kyoo" yoomo Paidmu gugyoo: kang: moo yhe: de" pyam' zi shau" jo.

2PETRU 1:6

Se, jang" moo nyang nya: da" gungdu: ri yo" khang" zi nyang: nya: da" gungdu: ri yo" khang" tho' moo kham' zeung: zi kham' zeung: khyoo: moo tarha" ri phau" cang zi.

1THESALONI 1:3

Khasu" wim ga: ri nanu" da" loem" jeung" khyoo: moo zei: nyang: khasu" zei: yhe: lo" nyid boem ziri we' nanu" da" jheddab e" myed yo' khayhi' gyeing" - moozoo" ri zei: so' nyid boem bye: ziri we' Aseing Yesu Khirstu moo nanu" da"

2~KORINTHU 11:23

Nyangnu" gi Khristu da" deizoo: yi nghoid go" la". koo" su: da" dang: yhang: te" zi gi nghoid. Nghoid loug we' ngoo gi-nyangnu" tho' moo je ge da: deizoo nghoid. Ngoo gi nyangnu" tho' moo moozoo" ri je" zei: su nghoid. Nyangnu" tho' moo je"`wigi myoo" sho' lheung: thung: loung" yu bye. nyangnu" tho' moo voosi" je" shau" kham, zoo: bye: shid: gyoin' noogyoin, myoo" sho' lheung: ngoo shau" yu" bye.

2~KORINTHU 5:9

Hougsu" nghoid yoomo ngoonu" gi hid: moo nyid jo, da" gungshoo" yhoem: moo nghe: khau: nyid shi" ri nghoid loug we' foo: moo nghe: khau: nyid ri nghoid loug we' Nyang: ri vho ngei nhang: wa zigi tootu: dangain" tho moo je" yhoug: gyen: da" moo" nghoid.

Roma 2:7

Ge da" moozoo" ri xo' zei lho: myonho: phung" yoeb ri we' ayo" shid: lo" da" pyaid ri we' -sho: nyid da" byu yi rigi - Mangsoo: gi - aphaid' ato: kangso' ri byid wa nghoid.

LUKA 18:1

Hau: thang: ri Yesu gi nya: cangzoo: yi ri kha: uri we' yoem: ashoin: loo za: ayo, bain sho' moo akyu" mho' ca" da" khyoo: ri dangtu' daja: khyo" jhoug" byid: zigi

LUKA 8:15

Jen" bo da" myidjang: gi moo gyoo" lo" da" amyoug koem gi Mungdang: ri shaug" gyoo: lang" tam" gyoo: nau da" nheigloem: yo"- geing: geing: teing teing kham: yu loem" jeing" wigi Ashi" zei: loo sho' koid: da" byu yi ri tid nau da" zi nghoid.

HEBRE 13:13

Hougsu" nghoid yoomo ngoonu" we' - voogung nghe: shoid mo nya: jhang khyoo: bo thu' yhe: lo" lho: nyang: kham' zo: da" asho, ashid: aphoug" akhyoid' koid ziri coem kham zo: boem shang.

1 TIMOTHI 5:17

Shu" vhu" shu" she: da" moozoo" ri goolhoo: shu" vhu" she: da" phung shu" vhu" bang: gi laga' aphoug" eig zhang kham: yu moin: ein:- soin: yu ge nyid. Je" wigi mungdang: jhoug" byid: da" khyoo: moo yoem: kaid' voinvu, bang: gi houg: su" kham: yu moin: mo, nghoid nyid.

2 THESALONI 3:8

Ngoonu" gi ce: aphoug" abyid: loo: za-hang" da" zoo: noem, ri; we' ayu zo: yu" boem - hau: tho' moo ngoonu" gi hang" ri we' yoo lid: afoin: baja" ngoonu" nyang: nyid" ri we' myen" ri we' bu kyu" thu lho: moozoo" ri zei: lid lo yu" boem bye.

2 THESALONI 3:5

Nanu" gi Mangso da" jheddab nheigloem: ri je" wigi se' gyo: loo wa shid re" yo' Khristu byid: da" yoem: kaid' thoug shang" da" nheig loem: ri je se' gyo: loo wa shid re" we' hau" Aseing: gi nanu" ri shu" vhu" she: nyid baja".

1THESALONI 2:9

mang nhung" yi we"- ngoonu" khayhi' moozoo" zei lid loo bye: khyoo: ri gyeing" nyang: nanu" boin: so" nyid boem- nanu" ri ce" yoolid: we' afoin:- ajoin, zoo: baja"- ngoonu" gi ngoonu" nya: da" voem: doug: khu: moozoo" ri nyid" ri myen" ri yoem: kaid' zei: so' wigi Mangso ngei bu: lu dang: ri kho" kyo" lo boem bye.

PHILIPI 4:3

Nga" da" bo pang" bo thoug da" loem ge" da" byen cang phoo we"- nang khyo" we' hau: myi: yi eig yug ri bo pang" thoug yu we' khasu" wim ga: ri hau: ngei bu: lu dang: kho" kyo" da" khyoo: moo ngoo yo' dage" moo" gye" bo zei: loo bye- nya: eig yug yo' dage" Klemen yo' Mangso kang: so' mougsoug" zhayen" pug moo nyangnu" da" myeing bo- nga" da" moo" voin byen cang" gootu: we' zheung: bo.

PHILIPI 2:16

Nanu" hougsu" koid nyid boem nghoid rigi ngoo yoem: kaid' lho: voin, vu, khyoo: gi akoem: amyed anghoid loo: yoomo Khristu da" bidnyid moo nanu" yoomo ngoo gi gau yi phau: khuang joyoo nghoid.

GALATI 6:2

Nanu" nyang: cang" dayoug yoovoin, ri dayug- bo pang" voin goo" ge'- houg: su" nghoid lang" gi nanu" Khristu da" Tarha" ri cang pyeung zi nghoid wa.

2~KORINTHU 10:15

Hougsu" nghoid yoomo ngoonu" gi mangsoo: ke' too" byid: da" moozoo" mo lid lho: wigi byu goo" ji yi koid da" moozoo" yo' sen: wigi ngoonu phau: khuang dang: tid zi anghoid. Houg: su" koid wa tho' rigi khanham we'. Mangsoo: ke' phyed too" byid: da" akhoug: moo ngoonu" da" loem" jeung" khyoo: gyi: yang" loo wa ziyo' - nanu" da" agyoo: moo" je" wigi je" gyi da" moozoo" yo" zei: xo' loung: loo" wa shid re" ngoonu" nheig byu nyid boem.

2~KORINTHU 6:5

Ngoonu" gi youg baid zi-thung" lhoung zi mung" byu yi lu: fu: khyoo:- shau". Moo" zei: jang" moo dougnoo: jang: ayo oo"- yhoeb' agyi: khyoo:- zoo: noem ashug" zo: zi thoung" shau" lo boem.

Roma 16:12

Aseing: Mangso: da" moo" bo voin vu su: Truphena yo" Truphosa eig yug ri we' bo u" kaid' ge'. Hau Aseing: moo" moo gye yoem: bo kaid' da" nga" jheddab byen cang" Persi ri bo u" byid ge'.

LUKA 21:19

Nanu" gi geung: geung: teing teing yab, jo, ge' houg: lang" she khyoid yu zi dashau" boem wa.

MARKU 15:21

Houg: lang" nyangnu" gi siyo voogung mo re" lho:-so" lid lo" nyid da" Simun ga: su: ri-Yesu pyang" zeing ri bo vu, byid wa shid mo agyoo: gyo: vu, nhang: ago" (Simun gi Kurenni mung" byu nghoid wigi Alensandru yo' Ruphu eig youg nya: phoo nghoid).

MIKHA 7:9

Ngoonu" gi Aseing ri thougtheung yooboo yoo" bye: yoomo nyang: nheig yo: ziri dayo, zoo: kham zo: boem ca" bye:. Nghoid loug we' lo" thang moo nyang: gi ngoonu" ri goem loem byid: wigi ngoonu" tho' mo shoid vhang: khyoo: ri doem nyheung foin: byid: loo wa nghoid. Nyang: gi ngoonu" ri bidbang khyoo: khe: thu yu wigi nyang: ngoonu" ri khyoid yu khyoo: shau" myang wa nghoid.

COUNG" NGHEI 69:7

nang yoomo ngoo gi aphoug" akhyoid zi thoung" shau" nyid ziyo' ngoo gi sho' thu zi shoug" nyid bye:.

1THESALONI 5:12

Mang nhung" yi we" nanu" moo moo" voin, nyid banhg: ri we' nanu" ri khyoo: shed, vhu" she: - jhoug" byid: mhoo, byid: wa shid re" Mangso wigi nyheung soin' too" bang: ri goolhoo: za: zei: eung: ziyo' dakhyoo" ti"- phau" myang: nyid ge" ein: ngoonu" joug jhoin" yoe: byid: kaid.

1Korinthians 16:16

Hid: yhang: te" da' byu yi yo' nyangnu" yo' dage" pang" thoug doo" zhoo" doo" jhoug nyid bang: da" khyoo: shu" lo" jang" moo- bo cang yhi: ge" ein: ngoo nanu" ri mho' sang: kaid.

LUKA 5:5

Simun gi Aseing: we" hid: moo gi ngoonu" damyen goin" yoem: kaid kuang nghoid loug we' ngoo: dadu: we' ayo" boem. Nghoidsho' loug we' Aseing: tid zi yo' dakhyoo" ti"- goin joem ri ngoo khyoo wa" ga: tid.