Pang Shug 16:12 - Lacid Common Language Bible

¹² Hau: thang: ri khyug yug ein: da" moug: lagyoo: gi nya: da" goem, ri Uphraid gyid lang moo foid zei, kaid- Houg: lang" bidthu shoid mo Khokham" yi ri" wa da" khyoo: bang" loo" baja" ga: gyid moo" lang gi kyoug kain" loo" bye.

Pang Shug 16:12 Referans Kwoze

Pang Shug 9:14

Hau: da" thui: gi khyug yug ein: da" moug: lagyoo: ri Uphraid' gyid moo" lang moo tei" to" da" moug: lagyoo: myid: yug ri phoid: kaid' we"- ga: tid.

YEREMIA 51:36

Hau: thang: Aseing gi Yerusalem byu yiri «Ngoo gi re" khyoo: ri shu" vhu" shi: wa wigi nang ri koid bye: da" khyoo: shid re" re" gyivoo yiri aphoug" byid: nhang: wa. Ngoo gi Babelon mung" mo gyid thu' ri kain" loo" nhang: lho: gyid gyung: joem ri kyug hei' loo" nhang: wa.

ESAIA 44:27

Amyeing" dakhoin" wigi ngoo gi nammugdara ri kyug kain" loo" nhang: da:.

ESAIA 41:25

«Ngoo gi bidthu shoid moo nyid da" byu dayug ri khyen: yu bye:. ngoo gi nyang: ri mougzhung: shoid mo khaid zain: wa shu" loo wa. Nyang: gi vhoebkhang" bang: adang moo nyangnu" thoem" boeb nghoid rigi oug" koid su: zhoonhau: ri nang: nhe" yhang: ti" nang: nhe" pyam wa.

ESAIA 42:15

Ngoo gi bouggung joem yo' boem joem ri phyo' shoin' pyam lho: myo, gam yo' seiggam joem ri kyug loo" nhang: wa. Ngoo gi gyid gyung: lang khung" joem ri dain" pyoid yoo koid pyam wigi gyid thoem" mo gyid ri kyug hei' loo nhang: wa.

ESAIA 11:15

Aseing gi Thoem" ni ri kain" hei' loo" nhang: lho: Uphrad gyung: we kain" hei' loo" nhang: wa shid re" lid lung ri nhang: kaid byid: da:. Hang" we' hau: ziri yo" so" phyed yhi: wa shid re" gye" nge da" gyid gyung: zoo: nyhed gyung: ri za: teing too" khoo wa.

Pang Shug 17:15

Hau: thang: ri mau: lagyoo: ngoori doem tid zigi shava myi: yi: myhi, zhoung: jo, da" gyid lang gi mungdain joem mo myeing" cang: joeb, da" byumyu" yi yo' meing: byu yi nghoid boem ago".

Pang Shug 7:2

Hau: thang: ri apyaid atoo: dei nyid da" Mangso dazid' ri ci: ri" su:- bidthu shoid mo moug: lagyoo: dayug ri ngoo myang- nyang: gi moug myid yo' panglai ri yo" phyo' shoin pyam da" yoem: so'- Mangso wigi byid: to" zi shau" da" moug: lagyoo: myid: yug ri thui: zeing yo' nyho: yoid zigi

ESAIA 46:11

Ngoo gi bidthu shoid mo byu dayug ri ri" wa shid re" khe: nyid. Nyang: gi zoin yhang: ti" dang: gyo" re" wigi ngoo soin' to" da" moo" ri re" zei: pain' wa Ngoo tid too" bye:- hau: zi bue" ri' wa nghoid.

Pang Shug 11:14

Eig ja: ein: da" joem: lo" khyoo: gi thang loo" bye- nghoid loug we' soem" ja: ein: da" joem: lo" khyoo: gi amyang" ri doem, ju" loo wam: bye.

ESAIA 8:7

Ngoo Aseing gi Asuri khosen yo' nya: gyidab joem dangain" ri Yuda mung" ri khaid zain: wa shid re" shu" loo wa. Nyangnu" gi hau: gyid yam dangain" ri yau nhe' pyam da" Uphrad gyid khyoid lang yhang: ti" ju" loo goo" wa.