Pang Shug 14:3 - Lacid Common Language Bible

³ Hau: da" byu 144000 bang: gi zhung: tang shid khoin" mo gougnyhoug myid: du: yo' ludaid' yi da" shid' khoin" moo yab, jo, lho: nyangnu" za: dayo" jhau" yu da" jikhoin" seig ri khoin" nyid boem houg: bang: gi xangsu: byu yi dangain" mo, khyoid khyi: yu zi shau" mo, nghoid.

Pang Shug 14:3 Referans Kwoze

Pang Shug 5:9

Nyangnu" khoin" thu' lo da" jikhoin" seig gi nang gi gung leig xoin" bui" wa shid re" said pyam' zi shau" wigi myeing" cang: joeb, azhang cang: joeb mo, yo' byumyu" yi bain sho' mo, ri Mangso byumyu" yi bue" loo wa shid re" qei yu too" bye: yoomo nang gi he: da" mougsoug" deing: yu lho: dazid' joem ri phang wa zi gimoin: yi" nyid bye.

Pang Shug 14:1

Hau: thang: moo ngoo doem yu" kaid' ri-Zion boem tho' moo yang nu" yab, jo, zirimyang Nya: myeing yo' nya: pho, da" myeing ri ngeilang: moo lhid" tab ci: da" byu yi 144000 yug bang: gi nyang: yo' dage" nyid boem.

Pang Shug 15:3

Nyangnu" gi Mangso dei zoo: Moshe yo' Yang nu" da" shid khoin" moo zheung: yab, jo, boem wigi " Moug: thu' xang: poin: mo wigi danyid nyid da" Mangsoo we"- Nang koid da" moozoo" gi gyi: thang lho: mau" pho" zi nghoid nyid nhung: Byumyu" yi bain' sho mo, da" Khokham" phoo we"- Re" da" moozoo" joem gi jo ziyo' deingmain" zi za: danghoid nhung:.

Pang Shug 2:17

Venyi gi phung yi ri khasu" ga" tid nyid ziri nukhyab' dab, mo, gi gyo: yu goo" baja"- oung: doid loo" mo, rigi yhoem" to" da" Mana, zoo: yho' ngoo byid: lho: yug du: ngab, ri moin: moin: phyu: da" kyi: myhoo: lug daloem: loem byid: wa. Hau" lug boem mo myeing rigi shau" kham: yu su: mo lid wigi hang" we' ase' bo nghab.

ESAIA 42:10

Aseing gi jilkhoin" seig yo' jikhoin" khoin" ge' mougmyid gyab goin" we' nyang: ri coung" nghei jikhoin" khoin" ge'. Panglai: ri gu: bang: nanu" we"- nyang: ri coung" ge'. Panglai: mo dei noem dangain" we"- nyang: ri coung" ge'. Ve: da" mungdain: joem yo houg moo nyid bang: dangain" we"- jikhoin" khoin" ge'.

COUNG" NGHEI 149:1

Aseing ri coung" byid: ge'. Aseing ri jikhoin" dang: seig yo' khoin" ge'. Nya: nheigloem: zung" da" byumyu" yi mo, phung: gung moo nyang: ri coung" byid: we'.

COUNG" NGHEI 98:1

Aseing ri jikhoin" dang: seig yo' khoin" nyid ge'- nyang: gi mau" pho" moo" zeing ri zei: too" bye:. Nya: da" zoug: myeing" yo' gyeung" shang: da" yoem moo" yoomo nyang: gi oung: doid lo" ziri yo" kham: yu bye:.

COUNG" NGHEI 40:3

Nyang: gi ngoo ri jikhoin" dang: aseig khoin" wa shid re" jhau" byid: bye:. Hau: zigi ngoonu" da" Mangsoo ri coung" da" jikhoin" daloem: nghoid. Byu myoo" sho bang: gi hau: ziri myang lho: gyoug lhed zed" zoore" Aseing ri nyangnu" gi loem khau: nyid boem ago".

COUNG" NGHEI 144:9

Mangsoo we"- jihkoin" dang: seig yo' ngoo nang ri coung" ngei byid: wa nghoid. teing baid lho: nang ri: ngoo jihkoin" khoin" nyid wa nghoid.

COUNG" NGHEI 96:1

Aseing ri jikhoin" dang: seig thui: yo' coung" byid: ge'. Mougmyid gyab, goin" hau: Aseing ri coung" nghei nyid we'.

COUNG" NGHEI 33:3

Jikhoin" dang: seig yo' nyang: ri khoin" we'. teing ri jhang: jhang: baid lho: ngei pyoo: tung" nyho: yhang: nyid we'.

1Korinthians 2:14

Hau: Venyi khyo" kangso adei mo, hang" nghoid loug we'- Mangso Venyi wigi: byid: da" jhung: shug ri ashau" kham: yu boem. Hau: gu: gi nya: shid re" akoo" apyoid da" khyoo: za: nghoid wigi- Venyi nheigloem: wigi: za:- hau: khyoo: ri yo" tid pang byid: nyid yoomo- nyang: gi hau: gu: ri se' gyoo: su: anghoid.

COUNG" NGHEI 25:14

Aseing gi nya: mungdang: ri tam" gyo: cang nyid mo, yo' zoem" khau: nyid lho: nyang: gi houg: bang: yo' nya: dang: theing khoin" ri geung: teung jo, nhang:.

1Korinthians 1:18

Khasu" wim ga: ri Khristu gi pyeing:" zeing tho' moo: shid: kham: ein: da- hau: pyeing:" zeing da" dang: kang: gi kangso venyi: soem" loo" mo, shid re" gi ce" akhyoo" avang da" dang: za: bue" nyid. Nghoid loug we' khyoid khyi: yu zi shoug" bang: da" shid re" koem gi Mangso da" yoem: moo" so' moo" nyang: nghoid bye.

Pang Shug 7:4

Hau: thang: ri dazid' bain tab too" bye: bang: da" nghab youg ri ngoo shau" gyo:- Hau: nghab youg joem gi 144000, bo lho: - Israela daxe: eig kung: mo bang: nghoid.