Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: Aseing Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.
Pang Shug 13:16 - Lacid Common Language Bible16 Hau: akhyeung" goug: nyhou, gi gyi: mo, yo' ngi mo, di mo, yo' myung mo loid byoin, bye: mo, yo' join, koid nyid mo, -byu yi bain sho' ri lo, yo lo, moo anghoid lang" gi ngeilang: moo- nya: da" laxoem" dazid' ri agyoo" gyoo: tab nhang: to. Gade chapit la |
Pang Shug 13:16
26 Referans Kwoze
Hau" akhyeung" da" gougnyhoug ni, zeing gi nya: shid khoin" moo mau" pho" alhoo: again joem ri toin" shid mo, mhau' da" lapi: yi yo' dage" thung: myheug lhoung pyam' zi shau" bye. (Nyang: gi akhyeung" goug nyhoug zeung: da" soolhoo: dab, mo, yo' akhyeung" gougnyhoug da" soolhoo: rinoku goeb, pid' bang: ri mau" pho" alhoo: again joem yo' mhau' yu su: nghoid) Nya: eig yug gi fang yo' nge" nyid da" myimi: thoem" khoug: khyoo: - adei phab' phab' du" zei kaid' zi shau" nyid ago".
He: thung" ri: gi nanu" lo, anghoid lang" ngilang: moo tei" tab to" da" ja: yhang: ti" poin" byid: da" khyoo: nghoid loo wa. Hau: zigi xo' lho: nhoid khyoo yoo" sho' nghab xoem" wa ziyo' Aseing tarha" ri jhau" yu wa shid re" nanu" ri poin" byid: loo wa. Ciwim gari Aseing gi nya: yoem: so' moo" khyo" wigi Egutu mung" mo shu" thu loo yoomo nghoid da:.
Hau: lho: wigi shid: lo" byug bye: mo, gyi: zoo: nge, zoo: gi hau: zhung: tang shid khoin" moo to' yab, jo, boem ziri ngoo myang. Houg: lang" mougsoug" bug joem ri we' phang to" boem Kangso' mougsoug" ga: da" mougsoug" bug gootu: ri we' phang to. Shid: loo" bye: mo, gi nyang: nya: da" aved' asam" yo' dakhyoo" ti"- moug soug" bug moo lhid" to" khyo" canglho:- tarha" dang: phyed' zi shau" nyid boem ago".
Hau: thang: moo ngoo gi myi: yo' lheug to" da bang teing gyid thoem" daja: ri myang- xo' lho: wigi akhyeung" da" gougnyhoug zeing yo' nya: soolhoo: ri we' nya: da" nghab youg dazid' ri tab ci: mo, ri we' yo" oung: pyam' bye: su: ri we' ngoo myang. Nyangnu" gi Mangsoo byid: da" teing joem ri ci: lho: bang teing gyid thoem" nam, moo zheung: yab, yoin" to" wigi
Tung: boug ginheig khoo" yo: nyid ago"- Khasu" wim gari nang nheig yo: da" ayo, ju" lo lho: shid: bye: bang: ri dang: phyed' wa da" ayo, ju" bye:. Re" da" dei zoo: lapi: yi yo' Re" da" byumyu" yi nang ri gyoug phau" nyid mo, nge zoo: gyi: zoo: dangain" ri ngi shab, jhung: shug byid: wa da" ayo, we' mougmyid' ri lhu: phyo' bang: ri phyo' shoin, pyam wa da" ayo, we' ju" loo bye: o"» ga: wigi tid nyid boem.
He: khyoo: yoomo Yuda byumyu" yi yo' Heleni byumyu" yi gi athang: yham" kham' su: yo' akham' su: siyoo soogam: byu yi-byu kyang: byu lam" joem- join, yi yo' loid byoin, byu yi ga- nyangnu" da" akhoug: moo kho' go" koin, nyid wa khyoo: ajo, loo- Khristu gi nanu" dangain" bang: tho' moo-je" yhoug: gyen: su: nghoid wigi nanu" dangain" bang: yo' dage" nyid nyid.
Houg: yo' dakhyoo" ti"- nyhang" dangain" mo, gi Yuda yi nghoid loug- Yuda byumyu" yi anghoid loug we'- join' yi nghoid loug join' anghoid mo, nghoid loug we'- Venyi: dayug mo za: Babtisma ri zheung: kham' yu lho: dagung dashoo" za: bue" lo boem bye: ziyo'- dangain" bang: da" nheigloem: ung: khoug: moo: hau: Venyi dayug riza: coem, kham: yu boem bye.
Piblisite