OBEDIA 1:21 - Lacid Common Language Bible

²¹ Yerusalem mo meing: zain: oung: loo" mo, gi Edom ri zain: oung: lho: vhoebkhang" nyid boem wa zi nghoid. Hau: lho: Aseing nyang: gi khokham bue" loo wa zi nghoid.

OBEDIA 1:21 Referans Kwoze

Pang Shug 11:15

Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.

YAKU 5:20

Hougsu" yooboo shoid su: dayug yug ri khyoo: vhang: lo" jang" mo doem yo" khe: shu" loo su: gi hau: yug da" kangso' ri shid: loo" bye: jang" moo deom yo" khyoid yu lho: nya: yooboo dangain" khyoid pyam byid: zi shau" wa shid re" voin, vu, zei: so' byid: su: nghoid ein: myid boin: nyid ge'.

ZEKHARIA 14:9

Hau: bidnyid moo Aseing gi moug: gyab goin' jang" moo khokham koid loo wa nghoid. Byu yugkhang" moo" gi Mangsoo ri kyeing" goeb noku lho: nya: myeing ri kyeing" dasi' loo: wa.

DANIELA 7:27

Mougmyid tho' moo mungdain: dangain" da" yoem: so' yo' gyi: sheung: ziri gyi: sheung: myhang: thang Mangso da" byumyu" yiri byid: pyam wa. Nyangnu" da" khokham yoem: so' gi khanham we' thang byug wa anghoid. Houg: lho: mougmyid tho' mo vhoebkhang" bang: dangain" gi nyangnu" ri coem' dei byid: ziyo' tid dang: gyo: loo: goo" wa.

1 TIMOTHI 4:16

Nanya: gung ri we' re" da" jhoug" myeing" jhoug" thui: ri we' lhed zed" zoore" goin, coung: nyid we' nang gi he: d a" khyoo: joem ri d acang zei: nyid we' Khasu" wim gari hougsu" koid nyid nghoid rigi nanya: da" gung du: ri we' nang kho" da" mungdang: ri shaug" gyoo: mo, ri we' yo" khyoid yu wa zi nghoid.

COUNG" NGHEI 22:28

Aseing gi khokham zeing nyang: nghoid yoomo byumyu" bain sho mo, ri vhoeb khang nyid.

LUKA 22:30

Nanu" gi nga" mungdain: khoug: moo-zo: shug nyid doem wa. Hau: tho' moo gootu: Tarha" zhungtang tho' moo zhoung: lho: Israela byu daxe: eig koung: bang: ri yo" vhoeb khang" ci: boem wa zi nghoid.

DANIELA 2:44

Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.

ESAIA 19:20

Hau: joem gi Egutu mung" moo myhang: thang Aseing shidkhoin" mo alhoo: joem nghoid loo wa. Houg moo nyid boem da" bang: doin zeig zo: zi shoug" kham zo: boem lang" bo pang" yu wa shid re" Aseing ri mho' wigi nyang: gi houg bang: ri khyoid yu wa byu dayug yug ri nhang: kaid byid: wa.

TARHA" AGYI 2:16

Hau: thang: Aseing gi nyangnu" ri phyo' zoo: bang: da" lo, mo khyoid yu wa shid re" Israela byumyu" vhujhung: yiri byid: da:.

Pang Shug 20:4

Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: Aseing Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.

Pang Shug 19:6

Hau" thang: rigibyu phung moo" zeung thui: yhang: te" zi gyid lung" gyo" myheung da" thui: yhang: te" zi moug: goin' myheung da" thui: yhang: te" ziri ngoo shau" gyo. "Nyang: nu" Mangsoo ri coung" nghei boem zigi Ngoo nu" da" yoem: moo" bo Aseing: Mangsoo gi Khokham" nghoid nyid.

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

MATHE 6:10

Re" mungdain: we' ju" loo baja". Mougkhung: tho' moo nang nheig deig nyid yhangti"- myidjang: tho' moo we' re" nheig deig jang: bue" loo baja".

YOELA 2:32

Nghoid loug we' Aseing jang" mo pang" thoug khyoo: mho' yu mo, dangain" bang: koem' gi khyoid yu zi shau" boem wa nghoid» ga: tid to". Yerusalem voomoo" mo mo, dayham" gi loid byoin loo" goo" wa. Houg: bang: gi ngoo khyen: yu too" bang: nghoid wigi ashid: loo: nyid deung jo, boem wa» ga: Aseing tid nyid.

DANIELA 12:3

Phajhi" bo da" vhu" shi: bang: gi mougkhung: moo bang jo, ja: yo' dage" dug bang nyid wa. Houg: lho: byumyu" myoo: sho' bang: we' jo ziri koid wa shid re" jhau" yu loo bang: gi kyi: joem yo' dakhyoo" ti" khanham we' dabang jo, wa» ga: tid da:.

DANIELA 7:14

Nyang: ri akhang" aya- ngi: shab khyoo: yo' khokham yoem: so' byid: to" zi nghoid yoomo mungdain: dangain" byumyu" yi myeing" cang: joeb bang: wigi nyang: ri dei byid: ago". Nya: da" amyeing" akhang" gi apyaid atoo: jo, jo, wigi nya: mungdain: gi khanham we' byo, thang loo" wa zi anghoid.

DANIELA 2:35

Houg: jang: joto'- zhoo" nhau:- gyid: mid"- ngei yo' sheing: joem gyoeb gyo" wigi xung" gung gug nang: jang: mo pheilhoug: yo' dakhyoo" ti" bue" lo ago". Houg: zi dangain" ri lid hau' wigi moid tang" pyam lho: ce: khoo: we' ateing too" khoo' nghoid da:. Nghoid loug we' hau: lugzeing gi gyi: re" lho: mougmyid dangain" ziri nghoeb pyam da" boem bue" lo da:.

COUNG" NGHEI 102:15

Byumyu" yigi Aseing ri gyoug phau" myang: lo boem wa. Mougmyid mo khokham yi dangain" gi Nya: da" yoem moo" ri gyoug phau" myang: lo boem wa nghoid.

2 KHOKHAM 13:5

Aseing gi Israela ri vhujhung: dayug nhang: kaid byid: da:. Hau: yug gi Suri byu yi lo, mo nyangnu" ri loid byoin nhang: da:. Houg: yoomo Israela byumyu" yigi shid phyang" yo' dakhyo" ngei pyo: yug yoo za: yo" nyid ago".

TARHA" AGYI 3:9

Hau: thang: Israela byumyu" yigi Aseing ri yoid mho' boem yoomo nyangnu" ri lhoid pyoin' kaid wa da" byu dayug ri Aseing nhang: kaid byid: da:. He: yug gi Othniela nghoid. Othniela gi Khaleb da" nya: nhung" Kenaza da" nya: yuggi zoo: nghoid da:.

NEHEMIA 9:27

Hougsu" yoomo nang gi nyangnu" da" gyivoo yi wigi nyangnu" ri vhoeb zoo: nhang: bye:. Nyangnu" gi nyangnu" yau: khi" shoug" nyid da" akhoug: mo bo pang" wa shid re" nang ri yoid nyho: ago". Houg: lho: nang gi nyangnu" ri mougkhung: mo tu" byid: da:. Nang gi re" gyi: sheung: da" nheig khyeug myid yo' Nyangnu" ri nyangnu" da" gyivoo yi lo, mo khyoid yu wa vhujhung: yiri nhang: kaid byid: da:.

COUNG" NGHEI 47:7

Mangsoo gi moug: gyab, dangain" ri vhoeb da" khokham nghoid wigi jikhoin" dang: joem yo' nyang: ri coung" nghei nyid we'.

COUNG" NGHEI 67:4

Byumyu" yiri nang deungmain" da" tarha" yo' dang: phyed byid: wigi moug: gyab, mo byumyu" bain sho' mo, ri khyoo: shed vhu" shu" she: nyid yoomo mung" byu bain sho bang: gi gau, yi coung" nghei jikhoin" khoin" nyid goo" baja".

APOEM AYANG: 25:23

Aseing nyang: ri «Re" da" ung: khoug: moo byu eig myu" lung" jo,. Nang gi shi' goo" wa da" byu eig myu" ri khu: wa nghoid- dayug su: gi dayug su: tho' je yoem: boo wa nghoid je gyi: su: gi nge yug jang" moo dei zoobui" wa nghoid» ga: tid.

COUNG" NGHEI 22:29

Nghoid boin: lho: nheigloem: gyi: nyid bang: dangain" gi nyang: ri goeb pid lo boem wa. Shid: loo" se' da" byu yi dangain" mo, gi re" shidkhoin" moo: goeb pid lo boem wa.

ESAIA 24:23

Lhammoo" no, loo" khari" wa. Bid azhoo: loo: wa. Ciwim gari myhang: thang Aseing gi khokham bue" loo wa. Nyang: gi Yerusalem ri Ziun boem mo vhoebkhang" wa. Byumyu yi da" vhujhung: yigi nya: da" phung" yoeb ri myang loo goo" wa.

MIKHA 4:7

Nyangnu" gi khyid: yoin" wigi yhoem: moug: mo ve: gang: nyid boem nghoid loug we' nyid deing bang: mo ngo wigi aseig doem nyheing lho: nyangnu" gi gyi: sheung: da" byumyu" doem bue" loo goo" wa. Hau: ayo, mo thang: phyang" apyaid atoo: moo ju" sho' ngoo gi nyangnu" ri Ziun boem tho' moo vhoeb nyid loo wa» ga: tid.