OBEDIA 1:12 - Lacid Common Language Bible

¹² Yuda mung" mo re" mang: nhung" yi da" nheig byu jang: ajo, loo bue" lo" ziri nang gi yu" gau nyid wa zigi a eung: nghoid da:. Nyangnu" byo, yoin" lo" da" bidnyid moo nang gi age yu" gau nyid nghoid da:. Nyangnu" da" nheigloem: gi yoem: shoin: zi shoug" nyid jang" moo nang gi nyangnu" da" atho' moo yi juang" wa zigi a eung: nghoid da:.

OBEDIA 1:12 Referans Kwoze

MIKHA 4:11

Byumyu" myoo" sho' mo, gi nanu" ri khaid zain: wa shid re" zeung: foem: nyid boem ago". Nyang: tid zigi Yerusalem ri phyo' shoin' pyam ca". Ngoonu" gi «He: voomoo" byo, yoin" jo, ziri myang wa» ga: tid ago".

DANG: ZHOEM 17:5

Nang gi myoung shoo" bang: ri yi, byid: nghoid rigi nyangnu" ri phain" so: to" Mangsoo ri aphoug" akhyoid koid zi nghoid. Dayug youg da" zhafa: age ziri nang yu" ngei nghoid rigi yooboo dam, kaid zi nang moo: shau" loo wa zi nghoid.

1 SAMUELA 2:3

Re" da" phau: khuang nheigloem: ri to" pyam we'. Re" nghoid boin: dang: ri no: pyam we' Aseing gi gye" se da" Mangsoo nghoid yoomo byumyu" yi koid da" khyoo: dangain" ri nyang: gi tarha" dang: phyed byid: wa zi nghoid.

2PETRU 2:18

Nyangnu" gi shoid vang: khyoo: dam: dam: lo" byu phung: khoug: mo aseig shi" daloid thu' loo bang: ri ce: akyu" abo da" nghoid boin: dang: tid lho gungshoo" aco' ajhoid da" nheig" loem: yo' lhoem: tau, yu lho: khyoo shu" vhang: lo" boem.

YUDA 1:16

He: da" byu phung: yi gi khanham we' kyiyang myeung zoore"- byen, cang" ri yooboo za: te: se' foin: nyid bang: nghoid- nyang: nya: da" anyhoin: athoung" akhyeing: ashoeb da" nheigloem: khyo" cang lho: te: se' koid mo, nghoid. Nyang: nya: da" khyoo: ri phau: khuang se' nyid nyang: nya: da" akyu" yo" yu wa jang" moo yen, gi byen, cang" rimhau, coung" byid: se' nyid boem.

COUNG" NGHEI 37:13

Nghoid loug we' akhyeing" ashoeb bang: gi khamyhang amyang" ri phyo' shoin pyam shoug" wa ziri Aseing gi se' nyid yoomo nyang: gi nyangnu" ri yu" yi nyid.

COUNG" NGHEI 31:18

Mhoug foeb, joem gi nghoid boin: lho: cishu: anhang: khyoo: deingmain" mo, da" khyoo: ri gei sang: shang pyang: si' mo, ri tam" loo" nhang: we'.

COUNG" NGHEI 22:17

Nga" shooyoug: dangain" ri myang nyid bye:- gyivoo joem gi ngoo ri yu" zhoug to" lho: gau, nyid boem.

YOBA 31:29

Nga" gyivoo gi kyi" khyeug shoug" nyid uri ngoo khanham we' agau yu". Nyangnu" phyo' shoin' zi shoug" uri ngoo amyed gau yu".

Pang Shug 13:5

Hau" akhyeung" da" gougnyhoug gi phau: khuang lo lho: wigi Mangsoo ri aphoug" akhyoid tid wa da" akhang" yo". Lham" moo" myid: xe: eig khyab, shid mo yoem: so' amyeing" yo" yu ci: abye:.

YAKU 3:5

Yhoo: we' houg: yo" dakhyoo" ti" nghoid- hau: zigi gunggoin" jang" moo nge thang da" ako zoo: te: nghoid loug we' gye" yo" phau: khuang nyid. Houg: yo' dakhyoo: ti" dajhi' kyeung" da" myi: we' houg: yhi' gyi: da" siyoo zeing ri yo" nge" pyam' ziri myid, yu" ge'.

LUKA 19:41

Nyang: gi Yerusalem voo yam moo ju" lo" wigi hau: voo ri myang lang" ngau lho: tid nyid zigi.

NGOUG JI: 4:21

Edom yo' Uza voobyu yi we"- yi nyid ge'. Nanu" yo" ngei pyo: uri ngei pyo: nyid ge'. Nanu" da" yau: khe" kyi" khyeug khyoo: gi ju" lo nyid bye:. Nanu" gung cen: so" leung baid yen" ziyo' sho' thu' goo" wa.

ESAIA 37:24

Re" da" gyi myang: rheing" joem dangain" wigi myhang: thang da" Lebanon boem joem ri oung: pyam da" khyo" ngoo ri phau: kyoo" wa re" lagyoo: joem ri nang nhang: kaid da:. Houg moo nang gi sheing: thang da" shamu gam joem yo' ge thang da" gyoin: gam joem ri thoug pyam lho: no, thang da" seig moo" yoo khoug: khyoo: ju" yhi: bye: da" khyoo: nang phau: tid da:.

COUNG" NGHEI 92:11

Nga" gyivoo joem gi soem" joem: gyo" lo" boem ziri ngoo nyang: shau" myang bye: ziyo' akhyeung" bang: da" yoid, ngau, thui: ri shoug" gyoo: bye:.

COUNG" NGHEI 59:10

Nga" Mangsoo gi ngoo ri jheddab nyid wigi nga" jang" moo: ju" ri" wa nghoid. Nga" gyivoo joem soem" lo" khyoo: nyang: ngoo ri myang nhang: wa zi nghoid.

COUNG" NGHEI 54:7

Nga" da" yau: khe" khyoo: dangain" jang" mo nang ngoo ri xue: yu abye:. Nga" gyivoo joem soem" joem: lo" ziri ngoo myang bye:.

YOBA 18:20

Nyang: bue" da" vhu" pi: lo, kyo' ri shau" gyo: da" bid thu bidvang mo bang: dangain" gi gyoug dain ziyo' ko' ko' nain" ago".

COUNG" NGHEI 35:15

Hougsu" nghoid loug we' ngoo yau: khi" zi shoug" nyid uri nyangnu" gi gau, lho: ngoo ri juang" yi wa shid re" zeung: foem: to" boem. Ngoo asi, mo, ngoo ri: nhoug lho: thoug" thoin: ago".

NGOUG JI: 2:16

Re" da" gyivoo joem dangain" gi nang ri coem' juang" lho: zhoug yu" to" boem. Nyangnu" da" nhoid ri pyoin" lho: ngoonu" gi hau: ziri phyo shoin pyam bye:. He: bidnyid gi ngoonu" nheig byu to" bidnyid nghoid ga: coem nyhab ago".

EZEKIEL 35:12

Houg: lho: Israela boem joem gi jham" coug: youg nghoid wigi hau: joem gi nang myhau: pyam: wa shid re" nghoid ga: nang aphoug" akhyoid tid ziri ngoo Aseing shoug" gyoo: bye: khyoo: ri nang se' loo wa.

EZEKIEL 36:5

«Ngoo yoem: mo" bo Aseing gi nheigloem: lung ziyo' aqei: ayam mo byumyu" yi je wigi Edom ri tid too" bye:. Nyangnu" atho' tid gau ziyo' yu" juang" lho: nga" da" mougmyid ri lhoid seing: yu lho: houg: mo coung" yoo ri we' seing: yu pyam bye:.