NEHEMIA 9:32 - Lacid Common Language Bible

³² O" Mangsoo we"- ngoonu" da" Mangsoo we"- nang gi gye" gyi: sheung: o". gye" gyoug dain phau" myang: pho" zi nghoid. Gye" yoem: so' bo zi nghoid. Nang gi nang dangsoo" to" da" dang: theing ri jhug zug tung" zoem: ci: da:. Asuri khosen yi ngoonu" ri doin: zeig zo: lid lo da" ayo, mo akhid" nyid" ju" sho' lang" ngoonu" khayhi' kyi" khyeug kham zo: lo la". Ngoonu" khokham yi ngoonu" vhujhung: yi ngoonu" khainjung yi yo' lapi: yi ngoonu" phoug" phyid" yi yo' ngoonu" byumyu" dangain" gi kyi" khyeug zi shoug" kham zoo: bye:. Ngoonu" khayhi' kyi" khyeug shoug" ziri myid boin: byid: la.

NEHEMIA 9:32 Referans Kwoze

NEHEMIA 1:5

«Mougkhung: mo Aseing Mangsoo we"- Nang gi gyi: sheung: yug nghoid wigi nang ri ngoonu" gyoug yab jo, boem bye:. Nang gi nang ri jheddab bang: yo' to" da" dang: theing ri jhug zug tung" zoem: ci: wigi nang amyeing" byid: to" ziri cang da:.

TARHA" TID POIN" 7:9

Nanu" Aseing Mangsoo gi Mangsoo nghoid ziyo' nyang: gi dang: zung" nyid ziri boin: nyid ge'. Nyang: gi nya: dang: theing ri ci: wa nghoid wigi nyang: ri jheddab lho: nya: amyeing" dang: joem ri tam" gyo: mo, ri byuxeig khyeing" moin ju" sho' abei abyo, da" jheddab myid ri ci: shug wa zi nghoid.

DANIELA 9:8

Ngoonu" da" khokham yi ngoonu" da" vhoebkhang" bang: yo' ngoonu" da" phoug phyid" yigi asho' ashid: da" moo" koid lid lo lho: Aseing nang ri yooboo shoid boem abye:.

DANIELA 9:4

Ngoo gi Aseing nga" Mangsoo ri akyu" mho' lho: nga" byumyu" yi da" yooboo joem ri yhen: yu bye:. Ngoo mho' zigi «Aseing Mangsoo we"- nang gi gyi: sheung: wigi nang ri ngoonu" ngi: shab byid: da:. Nang gi dang: theing adang moo jhug zug zi we' nang wigi jheddab da" bang: ri jheddab myid ci: shug byid: lho: nang amyeing" khyo' to" ziri koid da:.

DANIELA 9:6

Ngoonu" da" khokham yi ngoonu" da" vhoebkhang" bang:- ngoonu" da" phoug" phyid" yi yo' ngoonu" da" byu damyu" goin" ri re" myeing khyo" dang: ji da" re" dei zoo: lapi: yi da" dang: ri ngoonu" atam" gyoo: loo koid bye: goo" nhung:.

COUNG" NGHEI 66:5

Mangsoo nyang: koid shug bye: da" moo" zoo" yo' byu xangsu: yi da" agyoo: moo nya: da" mau" pho" moo" zoo" joem ri re" wigi yu" yu" we'.

COUNG" NGHEI 66:3

Nang koid da" moo" zoo" joem gi khayhi' mau" pho" khyoo: nghoid lha". Nang ci: da" zoug: myeing" yoem: vhoo" gi yoem: so' gye" boo yoomo Re" gyivoo joem gi re" shid moo: gyoug nain" zoore dagoeb, jo, lo: boem.

COUNG" NGHEI 47:2

Myhang: thang da" Aseing gi gyoug pho" su: nghoid- nyang: gi mougmyid gyab, dangain" ziri vhoeb ci: da" gyi: thang khokham zeing nghoid.

EZRA 9:13

Khanham we' ngoonu" shoid da" youg: noo yooboo shid re" dam shoug" ziri yu" ri nang ngoonu" Mangsoo gi ngoonu" kham' eung: da" dam ri khyo' nyhoem' byid: wigi kangso' dei wa da" akhang" byid: too" bye: zi nghoid» ein: ziri ngoonu" yo" si' bye:.

2 KHOKHAM 25:7

Zedekia da" myonhoo: shid moo nyang: nya: yuggi zoo: yiri said pyam shug ago". Hau: thang: Nebukhadneza gi Zedekia da" myojid" ri thau" phug pyam nhang: lho: jangcoo" yo' tei" wigi nyang: ri Babelon khyoo: shu" lo" da:.

2 KHOKHAM 23:29

Yoshia khokham koid nyid uri Egutu khokham Nekho gi Asuri khosen ri pang" wa shid re" Uphrad gyid lang khyo" gyidab daloem ri shu' yhe: lo" da:. Khokham Yoshia gi Megido joyoo moo Egutu gyidab ri toem' pyam lho: gyi khaid jang: moo said pyam zi shau" da:.

2 KHOKHAM 17:3

Asuri khosen Shalmanesa gi nyang: ri meing: re" zain: da:. Hoshea gi Shalmanesa ri asoem" byid: wigi zain khang" moo" khang" doug byid: da:.

2 KHOKHAM 15:29

Peka khokham koid nyid ayo, moo Asuri Khosen Tiglad Pilesa gi Iyon- Abela Bed Makha- Yanoa- Kedesha- Hazora voomoo" joem yo' Gilead- Galile- Nabthali mougmyid joem ri seing: yu pyam wigi voobyu yiri thung: byu khyo" Asuri mung" khyoo: shu" lo" ago".

2 KHOKHAM 15:19

Asuri Khosen Tiglad Pilesa gi Israela mung" khyoo: jhen" vang re" lho: Menahem gi khokham pho wigi pang" thoug byid: ziyo' mungdain: dang moo Menahem da" yoem: so' ri yoem: boo nhang: ziri shoug" wa shid re" nyang: ri ngei joem: soem" xe: shed tain: byid: da:.

1 KHOKHAM 8:23

ziyo' akyu" mho' zigi «Israela Aseing Mangsoo we"- mougkhung: tho' moo we' myidjang vhoo: moo we' nang yo' du da" yu phara" gootu: anyid loo: nhung. Nang gi re" byumyu" yi yo' koid to" da" dang: theing ri pyeing byid: wigi nang ri myid nheigloem: dangain" ziyo' tam" gyo: cang yhe: nyid bang: ri re" jheddab myid ri ci: shug nyid da:.

TARHA" TID POIN" 7:21

Houg: yoomo hau: byumyu" yiri agyug goo". Nanu" Aseing Mangsoo gi nanu" yo' dage" nghoid. Nyang: gi phung gyi: Mangsoo nghoid lho: gyoug phoug" moin: su: nghoid.

XOIN" NGEI" 26:28

Ngoo nheigloem: yoin ziyo' nanu" jang" khyoo: phug lo lho: xang: shi" tho' je xo: da" yooboo dam ri nyhed zhang doem xo' byid: wa zi nghoid.

XOIN" NGEI" 26:24

Ngoo gi nanu" ri gyi koid lho: xang: shi" tho' je lid: da" yooboo dam ri nanu" atho' moo: nyhed zhang doem lung: byid: wa.

XOIN" NGEI" 26:21

Nanu" gi ngoo ri ngeug pyam wigi ngoo ri phau" myang: tam" gyoo: wa ziri ngeug pyam shi" nghoid rigi Ngoo gi nanu" yooboo dam ri nyhed zhang doem lung: byid: wa.

XOIN" NGEI" 26:18

Hid su" bue" thang: rilang" nanu" nga" dang: ri atam" gyo: nghoid rigi ngoo gi nanu" da" yooboo dam ri nyhed zhang lung: loo nhang: wa.

THU' LO" MOUGSOUG" 18:8

Moshe gi Yethru ri Israela byumyu" yiri khyoid yu wa shid re" Aseing gi Egutu khokham yo' byumyu" yiri khasu" koid bye: ga ziri dangain" tid kyoo" bye:. Nyang: gi byumyu" yi gyung: khyoo: moo thung" shau" da" yau: khe" kyi" khyeug yo' Aseing gi nyangnu" ri khasu" khyoid yu da" khyoo: ri we' nyang: ri tid kyoo" bye:.

EZRA 4:2

Houg: lang" nyangnu" Zerubabela yo' akung: ako' yi da" vhujhung: yi jhang yhe: wigi nyangnu" tid zigi ngoonu" ri we' nanu" da" Noku Yhoem: Moo" koid jang" moo bo vang nhang: we'. Ngoonu" we' nanu" noku da" Mangsoo ri noku wigi he: mung" khyoo: shu" lo da" Asuri khosen Esarahadon apyaid mo nyang: ri xoin" to' nyid bye: zi nghoid ga: tid ago".

EZRA 4:10

Gyi: sheung: wigi yoem: so' bo da" Osnapa khyo" wigi Samari voomoo" yo' Uphrad moug" du bidvang shoid cang moo khe: shu" nyhid: to" da" bang jang" mo mougsoug" lhid" foin: kaid.

ESAIA 9:6

Ngoonu" shid re" zooshang: khu: byid: abye:. Ngoonu" ri yuggi zoo: byid: to" abye:. Houg: lho: nyang: gi ngoonu" da" vhoebkhang" yug nghoid loo wa. Nyang: ri «Mau" pho" phajhi" byid: yug» «Myhang: thang Mangsoo» «Apyaid atoo: mo phoo» «Ngei pyoo: yug yo da" khokham nu"» ga: myheing loo goo" wa.

TARHA" TID POIN" 7:12

«Nanu" he: amyeing" dang: joem ri tam" gyo: wigi hau: joem ri dang: zung" cang yhe: nghoid rigi nanu" phoug" phyid" yiri nyang: dangsoo" byid: to" yhang: ti" nanu" Aseing Mangsoo gi nanu" yo' to" da" nya: dang: theing ri xo' ci: wigi nya: abei abyo, da" jheddab myid ri nanu" ri ci: shug byid: wa.

TARHA" TID POIN" 7:13

Nyang: gi nanu" ri jheddab wa nghoid wigi nanu" ri mainkaid byid: wa. Houg: lang" nanu" gi myo: loug loo wa nghoid lho: zoo: du myoo: sho' yoo" wa. Nyang: gi nanu" yoothung" ri mainkaid byid: wa. Houg: lang" nanu" gi gug shi" mei: shi" zabyid yo' zhainloin: xu: joem yo" loo goo" wa. Houg: lho: nyang: gi nanu" da" nu: yo' yang joem ri: myo: loug je: be: loo nhang: wa. Nyang: nanu" ri byid: wa ga: nanu" phoug" phyid" yiri dangsoo" byid: to" da" mungdain: moo nyang: gi nanu" ri he: mainkaid jeju" dangain" gam khain" byid: wa.

2 KHOKHAM 17:6

Hoshea vhoeb zi goug: zain ein: zain moo Asuri khosen gi Samari ri seing: yu lho: thung: byu yi khyo" Israela byu yiri Asuri mung" khyoo: shu" lo" ago". Dayham" ri Hala voomoo" moo dayham" ri Gozan mung" du mo Habora gyid lang nam moo dayham" rigi Media byu yi voomoo" joem moo nyhid: to" ago".