NEHEMIA 9:29 - Lacid Common Language Bible

²⁹ Nang gi nyangnu" ri re" jhau" shid khyoo: joem ri cang wa shid re" tid poin" da:. Nghoid loug we' re" tarha" cang zigi kangso' dei khyoo: nghoid loug nyangnu" da" nghoid boin: myid yo' re" tarha" ri ngeug he: pyam ago". Nyangnu" gi myo, yang" ziyo' nheigloem: thain: yoomo anau cang nghoid ago".

NEHEMIA 9:29 Referans Kwoze

NEHEMIA 9:16

Nghoid loug we' ngoonu" da" phoug" phyid" yigi nghoid boin: re" lho: nheigloem: thain: ago". Houg: lho: re" amyeing" dang: ri cang wa shid re" ngeug pyam ago".

XOIN" NGEI" 18:5

Ngoo nanu" ri byid: to" da" moo" yo' tarha" joem ri cang koid nyid ge'. Hougsu" koid khyo" wigi nanu" gi nanu" da" kangso' ri khyoid yu wa zi nghoid. Ngoo gi Aseing nghoid» ga: tid.

NEHEMIA 9:26

«Nghoid loug we' re" byumyu" yigi nang ri thougtheung gyi koid lho: re" da" tid dang: ri atam" gyoo: nghoid ago". Nyangnu" gi re" tarha" ri nungthang phug pyam ago". Nyangnu" gi nyangnu" ri tid poin" da" lapi: yiri said pyam ago". Houg bang: gi nyangnu" ri re" jhang khyoo: lheing: loo: wa khyo" tid boem. Nyangnu" gi dalheing: thang: dalheing: nang ri aphoug" akhyoid koid da:.

NEHEMIA 9:10

Nang gi khokham ri thougtheung khyoo: Nya: mung" mo nya: gyizoug: yi' yo' byumyu" yiri thougtheung khyo" mau" pho" moo" ri zei: bye:. Ciwim gari nang gi re" byumyu" yiri nyangnu" wigi khasu" doin: zeig zo: ziri nang se' da:. Nang gi akhid" ju" sho' yo" seing: nyid shi" da" myeing gyi: khyoo: gi hau: uri shoug" yu zi nghoid.

HOSEA 6:5

Houg: yoomo ngoo gi nga" Lapi: yiri dang: kho' ziyo' phyo' shoin' pyam wa da" lu dang: yo' dage nanu" jhang nhang: kaid byid: bye:. Nanu" jang" mo ngoo vho: zigi gyeing: gyeing: sho' sho' zi nghoid.

YEREMIA 43:2

Hau: thang: Hoshaia da" yuggi zoo: Azaria- Karea da" yuggi zoo: Yohanan yo' gootu: nghoid boin: da" byu gooji dangain" gi ngoo ri «Nang mhau' nyid. Ngoonu" ri Egutu khyoo: ayhe: nyid wa khyo" ngoonu" ri tid wa shid re" ngoonu" Aseing Mangsoo gi nang ri anhang: kaid nghoid da:.

GALATI 3:12

Nghoid loug jhoem: mougsoug" moo toung: to" da" tarha" moo tid too" moo to" gu: ri cang byeung" su: gi kangso' dei nyid wa zi nghoid,, ga: wigi tid yoomo toung: to" da" tarha" gi leom" jeung" khyoo: yo" ci: asen: zi nghoid nyid.

Roma 10:5

Moshe da" tarha" ri cang lho: Mangso: da" shid' moo deingbyeing" mo, yo" bue" lo da" khyoo: yo" lho: - Moshe gi tarha" cang mo gi kangso' dei nyid wa ga tid to".

LUKA 10:28

Houg: lang" Yesu gi nang phoid: zigi joo bye. Nang we' houg: yo' dakhyoo ti" kang so dei nyid yab we'.

DANIELA 5:20

Nghoid loug we' nyang: gi nghoid boin: nheigloem: thain: lho: anoug akhyoid koid yoomo nyang: ri nya: khokham zhungtang mo yu pyam byid: wigi nya: phung" yoeb ci: phyug pyam da:.

EZEKIEL 20:11

Ngoo gi nyangnu" ri nga" amyeing" dang: yo' tarha" joem ri byid: bye:. Hau: ziri cang pyeing bang: yugkhang" moo" gi kangso' yo" da:.

YEREMIA 44:10

Nghoid loug we' akhid" nyid" ju" sho' nanu" gung ri nheigloem: anyhoem: khyoo' nghoid ago". Nanu" ngoo ri ngi: ashab byid:. Nanu" yo' nanu" da" phoug" phyid" yiri ngo wigi byid: to" da" tarha" joem dangain" ri cang wigi kangso' adei goo" nghoid da:.

YEREMIA 19:15

Myhang: thang Aseing Israela da" Mangsoo gi «Nanu" nheigloem: thain: wigi ngoo tid dang: atam" gyoo: goo" wa ngoo koid wa ein: tid to" da" yooboo dam dangain" ri ngoo gi he: voomoo" yo' aqei: ayam voogung khang" moo" adang moo bue" loo nhang: wa ga: tid to" ziri byu dangain" bang: ri tid kyoo" bye:.

YEREMIA 17:23

Nyangnu" da" phoug" phyid" yigi nga" da" dang: ri atam" gyoo:. Ngoo ri cishu: anhang: nghoid da:. Hau: gungthid- nyangnu" nheigloem: thang: lo ago". Nyangnu" gi nga" tid dang: agyoo:. Ngoo mo we' ajhau" yu nghoid ago".

YEREMIA 7:26

Nghoid loug we' hang" we' atam" gyoo: cishu: we' anhang: nghoid ago". Hau: gungthid- nanu" gi nanu" phoug" phyid" yi tho' je nheigloem: thain: wigi je goemlu too' wa myid bo ago".

2 KHOKHAM MHOOMYID: 36:15

Nyangnu" phoug" phyid" yi da" Aseing Mangsoo gi nya: byumyu" yiri tid poin" wa Lapi: yiri xo' wigi nhang: kaid da:. Ciwim gari nyang: gi nyangnu" ri yo' Noku Yhoem: Moo" ri teung too" noug yoomo nghoid da:.

2 KHOKHAM MHOOMYID: 24:19

Aseing gi nya: jhang doem phug lo wa shid re" nyangnu" ri tid poin" byid: wa Lapi: yiri nhang: kaid da:. Nghoid loug we' byumyu" yigi atam" gyoo: nghoid da:.

2 KHOKHAM 17:13

Aseing gi Israela yo' Yuda ri tid poin" byid: wa shid re" nya: lagyoo: yi yo' lapi: yiri nhang: kaid da:. «Nanu" da" akhyeing" khyoo: joem ri to' pyam lho: nanu" phoug" phyid" yiri ngoo byid: to" da" tarha" moo yo' nga" dei zoo: yi nhoid khyo" nanu" ri byid: to" da" tarha" moo bo da" nga" amyeing" dang: joem ri tam" gyo: cang yhe: nyid ge'» ga: zi nghoid.

TARHA" TID POIN" 31:21

Houg: lho: gyoug pho" byo, yoin" khyoo: myoo" sho' nyangnu" adang moo ju" loo wa. Nghoid loug we' he: jikhoin" ri dakhoin" nyid shigoo" wa. Houg: lho: hau: zigi nyangnu" ri sagse: bue" jo, wa. Akhid" nghoid loug we' ngoo nyangnu" ri byid: wa ein: dangsoo" byid: to" da" mung" khyoo: ngoo ashu" vang loo" shi" ri nyangnu" cimyid nyid ziri ngoo se' nyid» ga: tid.

TARHA" TID POIN" 4:26

Nanu" nga" amyeing" dang: ri atam" gyoo: goo" nghoid rigi nanu" hau: mung" moo amyang ” ri bei: lo" boem goo" wa ein: akhid" nyid" nanu" shid moo sagse: khyo" wigi ngoo gi mougkhung: yo' myidjang ri khe: wigi tid bye:. Yodan gyid lang ri gu: dab wigi nanu" yhe: seing: yu wa da" mung" moo nanu" gye" myang" sho' anyid boem goo" wa. Nanu" gi bain sho' said toem" pyam zi shau" boem wa zi nghoid.

THU' LO" MOUGSOUG" 10:3

Houg: yoomo Moshe yo' Arun khokham jhang yhe: wigi nyang: ri «Hebre byumyu" yi da" Aseing Mangsoo tid ‹Nang ngoo ri yhen: loo wa shid re" kha: myhang ngeug he: nyid shi" wa la". Nga" byumyu" yi ngoo ri yo" noku wa shid re" yhi: wa akhang" byid: we'.

MATHE 19:17

Yesu gi «nang gi ge da" moo" yo" sen: lho: cikoid: ngoori myid:- gi su: gi dayug za: date: nyid. Nang apyaid ato: da" kangso' yoo" nau nghoid rigi Mangso da" amyeing" tarha" ri cang we'» ga: tid.

2 KHOKHAM MHOOMYID: 33:10

Manashe yo' nya: mung" byu yiri Aseing wigi tid poin" byid: sho' nghoid loug we' nyangnu" atam" gyoo: nghoid ago".

NEHEMIA 9:30

Dazain thang: dazain nang gi nyangnu" ri nheigloem: sheing: sheing: to" wigi tid poin" da:. Nang gi re" lapi: yiri dang: ji wa shid re" nheigloem: soozoo: lheing: nhang: da:. Nghoid loug we' re" byumyu" yigi nu jid ago". Houg: yoomo nang gi gootu: byumyu" yi wigi nyangnu" ri oung: pyam nhang: da:.

NEHEMIA 13:15

Hau: ayo, moo Yuda mung" mo mung" byu yigi Dougno: Bidnyid ri zabyid shi" joem mo ayeing pyeig nyid boem ziri ngoo shau" myang da:. Gooji dayham" gi nyangnu" da" loo zei: joem too: moo shivoo:- zabyid yhid:- zabyid shi" joem lafoem' shi" joem yo' goo" ja: joem ri koid: soin' tho' lho: Yerusalem khyoo: yhe: lo" boem da:. Ngoo gi nyangnu" ri Dougno: Bidnyid moo ci: we' aoung" zoo: goo" ein: tid poin" bye:.

YEREMIA 42:19

Hau: thang: ngoo gi xo' lho: «Yuda mung" moo nyid deing nyid da" nanu" we' Egutu mung" khyoo: ayhi: wa shid re" Aseing tid da:. Houg: yoomo akhid" ngoo nanu" ri

TARHA" TID POIN" 31:27

Nyangnu" khayhi' nheigloem: thain: ziyo' gyi koid wa ziri se'. Nyangnu" gi nga" apyaid moo Aseing ri gyi koid lo boem abye: go". Houg: lho: ngoo shid: thang: ri nyangnu" gi je wigi gyi koid loo goo" wa.

TARHA" AGYI 6:10

Ngoo gi nanu" Aseing Mangsoo nghoid wigi akhid" nanu" nyid da" mung" moo nyid boem da" Amori byumyu" yi yu phara" joem ri ano' wa khyoo: ri ngoo tid bye:. Nghoid loug we' nanu" nga" dang: ri atam" gyoo: goo" nghoid ago"» ga: da:.

2 KHOKHAM 17:14

Nghoid loug we' nyangnu" atam" gyoo: nghoid da:. Nyangnu" Aseing Mangsoo ri aloem da" nyangnu" phoug" phyid" yi yo' dakhyo" nyangnu" nheigloem: thain: ago".