NEHEMIA 3:3 - Lacid Common Language Bible

³ Hosena kung: bang: gi wimdo, khoem" moo" ri zhug ago". Nyangnu" gi khoem" bung joem ri koid tab wigi khoem" moo" joem ri nyang: nya: joyoo moo tab to" ago". Khoem" moo" ri kyang jhid wa shid re" khoem" kyang yo' seig khyung" joem ri tab to" ago".

NEHEMIA 3:3 Referans Kwoze

NEHEMIA 12:39

Hau: joyoo mo Ephrim khoem" moo"- Yeshana khoem" moo"- wimdo, khoem" moo"- Hananela gyi pyuzung yo' gyi pyuzung dashoo: mo zi yang khoem" moo" ju" sho' lid yhe: loo" bye:. Ngoonu" gi Noku Yhoem: Moo" khyoo: vang yhe: da" khoem" moo" nam moo so" thang pyam boem bye:.

2 KHOKHAM MHOOMYID: 33:14

Hau: thang: ri Manashe gi mougzhung: shoid Gihon gyid bug nam lang: khung" akhyoug: mo wimdo, khoem" duang: mo zi Ophela gi myheing da" voomoo" bidthu shoid tunggung pyam: vang khyam: joem ri je myhang: sho' ce" to' kaid da:. Nyang: gi gyi zo: daphung: yo' gyizoug: dayug yug riwe' Yuda mung" mo gyidab voomoo" khang" moo" moo nyid: to" da:.

ZEPHANI 1:10

Aseing tid zigi hau bidnyid moo nanu" gi Yerusalem wimdo, khoem" mo" duang: mo ngoug thui: shau" gyo: boem wa. Voomoo" da" aseig du: to" khyoo: moo kougshu: da" ngoug khyang" fang" thui: yo' bouggung tho' mo yoem: shoin: ngoug thui: ri nanu" shoug" gyoo: wa.

NEHEMIA 2:8

Ngoo gi Noku Yhoem: Moo" lhoug zung" mo, nyid wa gyikhoug: zung khoem" moo" joem koid wa shid re" we' voomoo" vang joem koid wa shid re" we' houg: lho: ngoo nyid wa yhoem: shid re" we' seig voo: pang" thoug byid: wa akhang" ri khokham da" seig moo" yoo lhoug zung" su: Asab mo yo" yu wa mougsoug" dakhyab ri mho' yu bye:. Mangsoo gi ngoo yo' dage" nghoid lho: khosen phoo gi ngoo mho' zi dangain" ngoo ri byid: da:.

NEHEMIA 7:1

Houg: lho: akhid" vang doem bain zhug pyam lho: khoem" moo" joem we' nya: joyoo moo nyang: yo" tab too" bye:. Houg: lho: Noku Yhoem: Moo" zung" bang: gyeung" shang: thui: joeb jihkoin" phung: moo bo boo bang: yo' gootu: Levi byu ri nyang: yug nya: moo" moo khyen: sain' too" bye:.

NEHEMIA 6:1

Ngoonu" gi khoem" moo" joem: moo khoem" joem ayo" tab too" shi" nghoid loug we' vang ri doem bain zhug lho: akyoo: byid zi ajo, loo: ga: ziri Sanbalad- Tobia- Geshem yo' deing da" ngoonu" da" gyivoo yi shau" gyo: lo" ago".

NEHEMIA 3:6

Pasea da" yuggi zoo: Yoiada yo' Besodeia da" yuggi zoo: Meshulam gi Yeshana khoem" moo" ri doem zhug ago". Nyangnu" khoem" bung joem ri koid tab wigi khoem" moo" joem ri nyang: nya: joyoo moo tab to" ago". Khoem" moo" ri kyang jhid wa shid re" khoem" kyang yo' seig khyung" joem ri tab to" ago".

NEHEMIA 3:4

Hakoza da" myid: zoo:- Uria da" yuggi zoo: Meremod gi hau: thang: moo xo' da" du ri zhug da:. Meshezabela da" myid: zoo:- Berekhia da" yuggi zoo: Meshulam gi hau: thang: mo du ri xo' zhug da:. Bana da" yuggi zoo: Zadog gi hau: thang: mo du ri xo' zhug da:.

COUNG" NGHEI 147:13

Nyang: gi re" da" voogung khoem" mo" duang: ri geung: teing nhang: wigi Nyang: gi re" da" byumyu" ri mainkaid byid: nyid.