NEHEMIA 2:19 - Lacid Common Language Bible

¹⁹ Ngoonu" cikoid wa zi byen phyoo" soin' kyam: lo" nyid ziri Sanbalad- Tobia yo' Geshem myheing da" Arab bang: shoug" gyoo: lang" nyangnu" gi ngoonu" ri yi juang" pyam lho: «Nanu" koid nyid ziri khasu" shau" myid go" lha". Nanu" gi khosen ri thougtheung gyi koid zi danghoid anghoid re" » ga: myid: boem.

NEHEMIA 2:19 Referans Kwoze

NEHEMIA 6:6

Hau: jang" moo hid: su" ga: dab da- «Nang yo' Yuda byumyu" yigi thougtheung gyi koid wa soin' wigi vang ri doem zhug nyid ago" ga: da" lu dang: lam" gi aqei: ayam yhoem: kyoo" cang" byumyu" yi da" phung: moo lu dang: thu nyid da ga: Geshem ngoo ri tid kyo" da:. Nang gi nanya: gung ri khokham koid yu wa ga: we' nyang: tid da:.

MARKU 5:40

Nyangnu" gi nyang ri juang" yi pyam byid: boem. Houg: lang" yesu gi nyangnu" ri tung: gung khyoo: nhang: thu' pyam lho: wigi zoo: myi zo: nya: myhi' yo' nya: phoo- nya: cangzoo: soem" yug ri shu" lho: hau: zoo: shang leung jo, da" yab khyoo: vang lo" ago".

HEBRE 11:36

Dayham" ri gi juang" yi gei sang: lho: youg baid' said pyam wigi dayham" rigi myheug tei" thung moo lhoung pyam zi shau" nyid ago".

ACTS 24:5

Byu he: yug gi ayoug: akhi" bui" nhang: su: nghoid ziyo' mougmyid gyab, goin" jang" mo Yuda Byumyu" yi ri mo, thei" mo, yug bui" nhang: wa shid mo pui: su: nghoid yoomo Nazared phung: mo vhu" jhung: dayug nghoid ziri ngoonu" shau" myang bye.

YOHAN 19:12

Hid: su" ga: tid yoomo Pilaid khokham" gi Yesu ri doem lhoid kaid wa da" khyoo: sho: nyid. Nghoidloug we' Meing: byu yi gi he: yug ri doem lhoid kaid nghoid rigi Aseing: zoug moo" gi Ketha khokham" da" bidnoem anghoid loo. Hang" nghoid loug we' nyang: nya: da" gungdu: ri khokham" ga: tid su: gi Ketha khokham" ri tu: lhei" su: nghoid- ga: je nyho: lo ago".

LUKA 23:2

Hau: thang: ri nyangnu" gi he: yug gi byu phung: yi ri khyoo: vhang: nhang: wa shid' re" Ketha khokham" ri khang" dug ayo" kaid ga: tid khyoo: ri we' ngoonu" nyang: myang boem bye: ga: tid - Hau: lho:» ga: tid yoomo ngoonu" nyang;r i: myheig lho: nyang: ri yooboo foin boem.

YEREMIA 20:8

Ngoo dang: tid khang" moo" «Pyi: joem: sho: ziyo' phyo' shoin' zi nghoid o"» ein: nyho: yoid ca" da:. Aseing we"- re" mungdang: ri ngoo tid fu" yoomo Ngoo gi ayo, byeung" juang" ziyo' nyhab' zi shau" nyid.

COUNG" NGHEI 80:6

Nang gi ngoonu" da" mougmyid yoosoo" ri ayam: aqei: mo mungdain joem wigi re zain: yu nhang: nyid da:. Ngoonu" da" gyivoo joem gi ngoonu" ri aphoug" akhyoid koid nyid boem bye:.

COUNG" NGHEI 79:4

Bid noem mungdain: mo byumyu" yigi ngoonu" ri aphoug" akhyoid koid pyam boem ziyo' Nyangnu" gi ngoonu" ri juang" yi lho: yu" nge pyam nyid boem ago".

YOBA 30:1

Nghoid loug we' akhid" koem gi nga" tho' je nge da" yuggi yi wigi ngoo ri yi noug ci: tu' ago" Nyangnu" da" nya: phoo yigi ce: akyu" aboo- ce: phoug" adab yoomo nga" yang" joem ri lhoug zung" da" lakhuid" joem ri pang" wa shid re" lang" nyangnu" ri alhoung nhang: zi nghoid.

NEHEMIA 6:9

Nyangnu" gi ngoonu" ri moo" zoo" mo theing: pyam wa shid re" kyug nhain' khyoo: sho: ago". Ngoo gi «Mangsoo we"- akhid" ngoo ri yoem: boo nhang: la,» ein: akyu" mho' da:.

NEHEMIA 4:1

Vang khyam: ri ngoonu" Yuda byumyu" yi doem zhug shid" nyid bye: khyoo: ri Sanbalad shoug" gyoo: lang" nyang: nheig joem: yo: lho: ngoonu" ri tid phue: juang" lo da:.

NEHEMIA 2:10

Nghoid loug we' Bed Horon mo Sanbalad yo' Amon moug: mo moo" voin ludaid Tobia gi Israela byumyu" yi shid re" gi koid wa byu dayug ju" re" ziri shoug" gyoo: lang" gye" nheigloem: gyo: lung nyid ago".

MATHE 9:24

«Khyoo: shu, kaid ge'. He: zoomyi: zoo: gi shid: jo, zi anghoid- yhoeb' pyo: nyid zi nghoid» ga: tid. Nyangnu" gi Yesu ri gye" juang" yi nyid boem ago".

NEHEMIA 13:28

Yoiada gi khainjung moo" Eliashab da" yuggi zoo: nghoid da:. Nghoid loug we' Yoiada da" yuggi zoo: yi mo dayug gi Bed Horon voogung mo Sanbalad da" myiyi: zoo: ri lo, xo' yu da:. Houg: yoomo ngoo gi Yoiada ri Yerusalem mo phang: thu loo" nhang: bye:.

COUNG" NGHEI 123:4

Ngoonu" gi yoo" mo, di mo, wigi juang" yi ziyo' phau: khuang mo, da" doin: zeig mo, wigi aphoug" akhyoid koid zi thoung" shoug" nyid boem bye:.

YEREMIA 41:10

Hau: thang: nyang: gi khokham da" myiyi: zoo: yiri thung: byu koid pyam lho: gyizoug: moo" Nebuzaradan wigi Gedalia yu" coung: da" lo, khoug: moo nyhid: too" kho' shau" boem da" Mizpa mo deing nyid da" byu dangain" ri myheig yu da:. Ishmaela gi thung: byu yiri shu" wigi Amon moug: shoid khyoo: to' lo" ago".

COUNG" NGHEI 80:7

Athang agoin yoem moo" bo da" Mangsoo we"- ngoonu" ri doem shu" tau" loo" re o". Re" da" nheug khyeug shoo" myen: khyoo: ngoonu" ri toin" shed re- houg: lang" ngoonu" gi khyoid yu zi shau" boem wa nghoid.

ESAIA 36:5

Nyang: gi «Nhoid dang thui: joem gi gyi yo' sen: wigi jhang: ziyo yoem: so' joyoo moo yo" thid yu wa ein: nanu" jhoo: go" rhe". Asuri ri thougtheung gyi koid wa jang" moo nanu" ri hang" yo" pang" byid: loo wa la" ein: jhoo: go" rhe".