NEHEMIA 12:24 - Lacid Common Language Bible

²⁴ Levi byu yigi Hashabia- Sherebia- Yeshua- Binui- yo' Kasmiela bang: khyoo: shid da" khyo" cang wigi moo" voin phung: kho' to" ago". Mangso byu khokham David byid: to" da" khyoo: shid ziyo' dakhyo" dalheing: ri eig phung: khyo' lho: Mangsoo ri thid lhoo: thid jikhoin" khoin" coung" byid: nyid ago".

NEHEMIA 12:24 Referans Kwoze

NEHEMIA 11:17

Zabdi da" myid: zoo:- Mikha da" yuggi zoo: Matania gi Asab da" amyed ashen' dayug nghoid. Nyang: gi Noku Yhoem: Moo" moo akyu" mho' dang: yo' jeju" boin: jikhoin" khoin" da" jihkoin" phung: ri shu" vhu" shi: su: nghoid da:. Bakbukia gi Matania da" pang" thoug yug nghoid da:. Galala da" myid: zoo:- Shammua da" yuggi zoo: Abda gi Yeduthun da" amyed ashen dayug nghoid da:.

NEHEMIA 9:4

Levi byu yi shid re" gyam" daloem: jo, wigi hau: adang moo Yeshua- Bani- Kadmiela- Shebania- Buni- Sherebia- Bani yo' Khenani bang: yab jo, ago". Nyangnu" gi nyangnu" da" Aseing Mangsoo ri thui: zeing yo' akyu" mho' ago".

NEHEMIA 8:7

Hau: thang: nyangnu" to' re" wigi nyang: yug nya: joyoo moo yab jo, ago". Houg: lho: vhoo: moo bo da" Levi byu yigi nyangnu" ri hau tarha" ri sho' kyo' ago". Yeshua- Bani- Sherebia- Yamin- Akub- Shabethai- Hodia- Maseia- Kelita- Azaria- Yozabad- Hanan yo' Pelaia bang: nghoid ago".

EZRA 2:40

Pyoung" she: loo" shoug" jang" mo doem tau" lo da" Levi akung: joem gi Yeshua yo' Kadmiela (Hodavia kung: mo)- 74 Noku Yhoem: Moo" mo music phung: (Asab kung: mo)- 128 Noku Yhoem: Moo" zung" mo, (Shalum Atera Talamon Akub Hatita yo' Shobai kung: mo)- 139 nghoid.

2 KHOKHAM MHOOMYID: 8:14

Nya: phoo David wigi to" too" kho' da" tarha" joem ri cang wigi nyang: gi coung" nghei ziyo' jikhoin" khoin" jang" moo yo' khainjung yi moo" zei: jang" moo bo pang" tug boem da" Levi byu yi yo' khainjung yi da" nyid" khang" nyid" moo" ri soin' too" byid: da:. Nyang: gi Mangso byu David wigi amyeing" byid: to" ziyo' dakhyo" khoem" duang: khang" moo" moo ayo, adu khyo" cang wigi nyid" khang" nyid" moo" zei: wa shid re" Noku Yhoem: Moo" goem loem bang: ri we' soin' to" da:.

1 KHOKHAM 17:24

Cougmoo" myhi' gi «Nang gi Mangso byu nghoid ziri we' Aseing gi nang khyo" wigi gyeing" nyang: dang: tid nyid ziri we' akhid" ngoo si" bye:» ga: phoug tid.

YOSHU 14:6

Danyid" ri Yuda kung: mo byu dayham" gi Gilgala khyoo: Yoshu jhang re" lo ago". Nyangnu" mo dayug nghoid da" Kenizi kung: mo Yephune da" yuggi zoo: Khaleb gi Yoshu ri «Kadesha Barnea moo nang yo' nga" khyoo: yo' sen: wigi Mangso byu Moshe ri Aseing citid ziri nang si gu nghoid da:.

TARHA" TID POIN" 33:1

He: zigi Mangso da" byu Moshe- nyang: ashid: shi" ri Israela byumyu" yiri tid da" mainkaid dang: joem nghoid.

2 TIMOTHI 3:17

Houg: yoomo Mangso da" moo" ri voin, vu, su: gi ge da" moozoo" ja" khang" moo" ri zei: wa shid re" yoem: so' byeung" sho' kaid' ci: lo" jang" moo Khin' azi akhoo: joeb, loo wa zi nghoid bye.

1 TIMOTHI 6:11

Nang koem gi Mangso da" byu phoo we"- he: khyoo: dangain" ziri yoem: kaid' nyid we'. Deing byeung" khyoo:- tarha" phau" cang khyoo:- loem" jeung" khyoo: jheddab khyoo: moo yoem: kaid' lho: thoug shang" ziyo' nu" nham, da" nheigloem: yo" yu sho' yoem: kaid' nyid we'.

NEHEMIA 12:23

Nghoid loug we' Levi yhoemkhung: joem mo vhujhung: yi zhayhen" ri yung" lhid" xoem" joem moo Eliashid da" nya: myid: Yonathan: pyaid ju" sho' za: dalhid" xoem" to" ago".

NEHEMIA 12:36

Nya: thang: moo nya: kung: mo gootu: Shemia Azarela- Milalai- Gilalai- Maai- Nethanela- Yuda yo' Hanani bang: bo lho: nyangnu" dangain" bang: gi Mangso byu khokham David baid da" teing yhang: te" ja: vu, ago". Jhoem: phajhi" seing: Ezra gi he: phung: bang: ri shu" so" jen yen" da:.

1 KHOKHAM MHOOMYID: 16:4

David gi Dang: Theing Kuid: shidkhoin" moo: jikhoin" khoin" wigi Israela Aseing Mangsoo ri coung" lho: noku wa jang" moo: vhu" she: wa shid re" Levi byu dayham" ri khyen: sain yoovoin foin: to" da:.