NEHEMIA 1:7 - Lacid Common Language Bible

⁷ Ngoonu" gi nang ri thougtheung da" khyoo: akhyeing" ashoeb ziri koid lid lo lho: nang amyeing" byid: too" bye: khyoo: ri acang loo: koid bye:. Ngoonu" gi re" dei zoo: Moshe khyo" nang wigi ngoonu" ri byid: to" da" tarha" joem ri acang loo: koid bye:.

NEHEMIA 1:7 Referans Kwoze

DANIELA 9:11

Israela byu dangain" bang: gi re" da" tarha" joem ri phyo' pyam wigi nyangnu" gi nang tid ziri ngeug pyam ago". Ngoonu" gi nang ri yooboo shoid bye:. Houg: lho: nang gi re" dei zoo: Moshe da" tarha" moo: lhid" to" da" nheing" khoin" ri ngoonu" dang moo khyo' kaid byid: abye:.

DANIELA 9:13

Houg: lho: Moshe da" tarha" moo tid sho' kyo" to" da" yooboo dam dangain" ngoonu" ri byid: abye:. Nghoid loug we' Aseing ngoonu" da" Mangsoo we"- akhid" nghoid loug we' ngoonu" gi ngoonu" da" yooboo joem mo lheing: lo wigi re" deingmain" da" khyoo: ri cang da" khyo" anghoid lang" nang myid vho: da" khyoo: acang shi" goo" nhung:.

COUNG" NGHEI 106:6

Ngoonu" da" phoug" phyid" yi yhang: ti"- ngoonu" gi yooboo ri doem koid shoid boem bye:- ngoonu" gi akhyeung" bang: yo' ashoeb bang: bue" nyid bye:.

Pang Shug 19:2

Nyang: dang: phyed khyoo: gi deingmain" ziyo' nyeung veung" nyid. Mougmyid gyab, goin" ri nya: aved, avhu: khyoo: yo' shoid vhang: nhang: da" shava myhi, ri nya: yoobo dam, kaid' bye- nya: da" dei zoo: yi ri hau" myi: ye: wigi said' pyam' yoomo Mangsoo gi nyang: ri yoobo dam, kaid' abye:,, ga: tid nyid ziri ngoo shau" gyo.

MALAKHI 4:4

Nanu" gi nga" da" join Moshe da" tarha" ri xoem" too" we'. He: zigi Sina boem tho' mo wigi Israela byumyu" yi dangain" mo, cang wa shid re" ngoo nyang: ri byid: to" tarha" nghoid.

ZEPHANI 3:7

Hougsu" wim loo lang" nga" byumyu" yigi ngoo ri gyoug phau" lo boem wigi ngoo byid: to" da" tarha" ri phau" cang loo goo" wa. Nyangnu" ri ngoo jhau" byid: da" khyoo: joem ri we' khanham we' ato" myhid loo: goo" wa ein: ngoo lhoung myid nyid nghoid loug we' nyangnu" gi goonham' yo' dakhyoo" ti" age da" byunyid khyoo: moo danyid ago"» ga: tid.

HOSEA 9:9

Nyangnu" gi Gibea moo yo' dakhyo" nyangnu" koid moo" moo myid byu jang: aboo loo: sho' akhyeing" ashoeb nghoid ago". Mangsoo gi nyangnu" da" yooboo xoem" ci: wigi hau: gang mo nyangnu" ri yooboo dam byid: loo wa.

EZRA 7:6

Ezra gi Israela byumyu" yi da" Aseing Mangsoo Moshe ri byid: da" joeb byeung" lasi laleug da" tarha" phajhi" seing: dayug nghoid nyid da:. Ciwim ga: ri Ezra gi Aseing Mangsoo da" mainkaid jeju" ri shoug" yu ziyo' nya: mho' gu: dangain" ziri khokham gi nyang: ri byid: da:. Artaxaxe khokham koid zi nyhed zain ein: zain ri Ezra gi Babelon mung" mo Yerusalem khyoo: Israela byumyu" daphung: we' khainjung yi we' Levi yi we' Noku Yhoem: Moo" mo music phung: we' Noku Yhoem: Moo" zung" mo, we' moo" zei: mo, we' shu" wigi thu loo bye: zi nghoid.

2 KHOKHAM MHOOMYID: 27:2

Nyang: gi nya: phoo koid lo ziyo' dayhang: ti" Aseing ri vho: ngei nhang: da" moo" ri koid da:. Nghoid loug we' nya: phoo yhang: ti" Noku Yhoem: Moo" moo shoem: nam pyo: ja: nghe' ngei" da" khyo" wigi yooboo akoid nghoid da:. Nghoid loug we' mung" byu yigi yooboo xo' koid ago".

2 KHOKHAM MHOOMYID: 25:4

Nghoid loug we' nyang: gi houg: bang: da" zooshang: yiri gi asaid pyam nghoid da:. Aseing wigi Moshe tarha" moo amyeing" byid: to" da" gu: ri cang pyeing da:. Hau: zigi «Nya: myhi' nya: phoo yigi nya: zoo: yi shoid da" yooboo yoomo said pyam zi age shoug"- nya: zooshang: yigi nya: myhi' nya: phoo bang: shoid da" yooboo yoomo said pyam zi age shoug" wa. Byu dayug gi nyang: nya: shoid da" yooboo yoomo za: said pyam shoug" wa nghoid da» ga: zi nghoid.

1 KHOKHAM 2:3

Nang koid wa shid re" re" Aseing Mangsoo amyeing" byid: to" da" moo" zoo" ri koid nyid we'. Nang so" yen" da" joyoo khyi' khang" moo" nang koid da" moo" zoo" dangain" shoug" zoo: shoug" shug baja". Moshe da" tarha" moo lhid" to" da" ziyo' dayhang: ti" nya: tarha" joem yo' amyeing" dang: joem dangain" ri tam" gyo: wigi cang yhe: nyid we'.

TARHA" TID POIN" 6:1

«Hid: joem gi nanu" ri jhau" byid: wa shid re" nanu" Aseing Mangsoo wigi ngoo ri amyeing" byid: da" tarha" dangain" nghoid da:. Hid: joem ri nanu" vang yhe: wigi seing: yu wa za: danghoid lo: da" mung" moo yhe: tam" gyo: cang yhe: nyid ge'.

TARHA" TID POIN" 5:1

Moshe gi Israela byumyu" yi dangain" ri dage" khe: zheing" yu lho: nyangnu" ri «Israela byumyu" yi we"- akhid" nyid" ngoo nanu" ri byid: wa da" tarha" joem dangain" ri tam" gyoo: ge'. Hau: joem ri jhoug" yu wigi hau: joem ri gyeing" nyang: tam" gyo: cang yhe: nyid ge'.

TARHA" TID POIN" 4:5

«Nga" Aseing Mangsoo ngoo ri koid wa tid to" ziyo' dakhyo" ngoo gi tarha" dangain" nanu" ri jhau" byid: bye:. Nanu" jhen" vang yhe: wigi yhe: nyid loo: wa za: danghoid lo: da" mung" moo: hau: joem ri tam" gyo: cang yhe: nyid ge'.

TARHA" TID POIN" 4:1

Hau: thang: Moshe gi byumyu" yiri «Ngoo nanu" ri jhau" byid: da" tarha" dangain" ri tam" gyo: cang yhe: nyid ge'. Houg: lang" nanu" phoug" phyid" yi da" Aseing Mangsoo nanu" ri byid: wa ga: da" mougmyid ri yhe: yo" seing: yu nyid wa zi nghoid.

XOIN" NGEI" 27:34

He: joem gi Israela byumyu" yi shid re" Sina boem dang moo: Moshe ri Aseing wigi byid: da" amyeing" dang: joem nghoid da:.

ESAIA 1:4

Yooboo koid da" byumyu" byo, yoin" ziyo' akhyeing" da" byumyu" nanu" we"- nanu" gi joem: byug abye:. Nanu" yooboo joem gi nanu" ri she: khyoid khyo' pyam abye:. Nanu" gi Israela da" gyeung" shang: da" Aseing Mangsoo ri ngeug he: pyam lho: nanu" gi nyang: ri nungthang phug pyam abye: go".

COUNG" NGHEI 89:31

Nga" da" jhoug" myeing" jhoug" thui: ri nyangnu" cishu: anhang: boem nghoid wigi Nga" da" Dang: theing khoin" joem ri acang lo" boem nghoid loug we'

COUNG" NGHEI 89:32

Ngoo gi nyangnu" zei: shoid bye: da" yooboo joem yoomo nyangnu" ri yooboo dam kaid wa zi nghoid. Nyangnu" da" shoid vhang: lo" khyoo: joem yoomo ngoo gi nyangnu" ri kyi" khyeug khyoo: phu" zoo: nhang: wa zi nghoid.