NEHEMIA 1:5 - Lacid Common Language Bible

⁵ «Mougkhung: mo Aseing Mangsoo we"- Nang gi gyi: sheung: yug nghoid wigi nang ri ngoonu" gyoug yab jo, boem bye:. Nang gi nang ri jheddab bang: yo' to" da" dang: theing ri jhug zug tung" zoem: ci: wigi nang amyeing" byid: to" ziri cang da:.

NEHEMIA 1:5 Referans Kwoze

THU' LO" MOUGSOUG" 20:6

Nghoid loug we' ngoo ri jheddab- nga" tarha" ri cang mo, da" byuxeig khyeing" khyeing" moin moin ju" sho' nga" jheddab khyoo: ri ci: shug wa zi nghoid.

TARHA" TID POIN" 7:21

Houg: yoomo hau: byumyu" yiri agyug goo". Nanu" Aseing Mangsoo gi nanu" yo' dage" nghoid. Nyang: gi phung gyi: Mangsoo nghoid lho: gyoug phoug" moin: su: nghoid.

NEHEMIA 4:14

Byumyu" yi seing" kho" nyid ziri ngoo shau" myang wigi nyangnu" yo' nyangnu" da" vhujhung: yi gyizoug: yiri «Ngoonu" da" gyivoo yiri agyug goo"- Aseing gi khayhi' gyi: sheung: lho: khayhi' gyoug dain ca" ziri myid boin: we'. Houg: lho: nanu" da" bidnoem yi shid re" nanu" da" nya: zoo: yi nanu" da" nya: yhoem: seing: myhi' yi nanu" da" yhoem: joem shid re" gyi zain: byid: ziri myid boin: ge'» ein: tid da:.

TARHA" TID POIN" 7:9

Nanu" Aseing Mangsoo gi Mangsoo nghoid ziyo' nyang: gi dang: zung" nyid ziri boin: nyid ge'. Nyang: gi nya: dang: theing ri ci: wa nghoid wigi nyang: ri jheddab lho: nya: amyeing" dang: joem ri tam" gyo: mo, ri byuxeig khyeing" moin ju" sho' abei abyo, da" jheddab myid ri ci: shug wa zi nghoid.

NEHEMIA 9:32

O" Mangsoo we"- ngoonu" da" Mangsoo we"- nang gi gye" gyi: sheung: o". gye" gyoug dain phau" myang: pho" zi nghoid. Gye" yoem: so' bo zi nghoid. Nang gi nang dangsoo" to" da" dang: theing ri jhug zug tung" zoem: ci: da:. Asuri khosen yi ngoonu" ri doin: zeig zo: lid lo da" ayo, mo akhid" nyid" ju" sho' lang" ngoonu" khayhi' kyi" khyeug kham zo: lo la". Ngoonu" khokham yi ngoonu" vhujhung: yi ngoonu" khainjung yi yo' lapi: yi ngoonu" phoug" phyid" yi yo' ngoonu" byumyu" dangain" gi kyi" khyeug zi shoug" kham zoo: bye:. Ngoonu" khayhi' kyi" khyeug shoug" ziri myid boin: byid: la.

1 KHOKHAM 8:23

ziyo' akyu" mho' zigi «Israela Aseing Mangsoo we"- mougkhung: tho' moo we' myidjang vhoo: moo we' nang yo' du da" yu phara" gootu: anyid loo: nhung. Nang gi re" byumyu" yi yo' koid to" da" dang: theing ri pyeing byid: wigi nang ri myid nheigloem: dangain" ziyo' tam" gyo: cang yhe: nyid bang: ri re" jheddab myid ri ci: shug nyid da:.

1 KHOKHAM MHOOMYID: 17:21

Na nya: byumyu" bui" wa shid re" nyangnu" ri join bue" nyid jang" mo khyoid yu da" Israela byu yo' du zi mougmyid tho' moo: ci: byumyu" we' anyid nghoid ago". Nyangnu" shid re" nang koid da" gyi sheing: khyoo: yo' mau" pho" moo" joem gi mougmyid goem: sho' re" myeing gyi: khyoo: fu" pyo: kaid abye: go". Nang gi re" byumyu" yiri Egutu mung" mo khyoid yu wigi re" byumyu" yi shid vhu" khyoo: jhen" yhe: lo" uri gootu: byumyu" yiri nang houg: mo khaid thu pyam da:.

COUNG" NGHEI 47:2

Myhang: thang da" Aseing gi gyoug pho" su: nghoid- nyang: gi mougmyid gyab, dangain" ziri vhoeb ci: da" gyi: thang khokham zeing nghoid.

COUNG" NGHEI 89:2

Re" da" jheddab khyoo: gi pyaid didu moo: geung: jo, wa ziyo' re" da" zung" nheigloem: we' mougkhung: mougdi yhang: ti" geung: jo, ziri ngoo se' nyid.

COUNG" NGHEI 89:3

nang tid to" zigi" ngoo khyen: too" su: yo' ngoo dang: theing too" bye: nga" dei zoo- David ri dang: theing byid: too" bye: ziyo' dakhyoo" ti

TARHA" TID POIN" 7:12

«Nanu" he: amyeing" dang: joem ri tam" gyo: wigi hau: joem ri dang: zung" cang yhe: nghoid rigi nanu" phoug" phyid" yiri nyang: dangsoo" byid: to" yhang: ti" nanu" Aseing Mangsoo gi nanu" yo' to" da" nya: dang: theing ri xo' ci: wigi nya: abei abyo, da" jheddab myid ri nanu" ri ci: shug byid: wa.

EZRA 1:2

He: zigi Persi khosen Kuru da" amyeing" dang: nghoid. Mougkhung: mungdain: mo Aseing Mangsoo gi ngoo ri mougmyid gyab goin" ri vhoeb khang" nhang: wigi Yuda mung" Yerusalem moo we' nya: shid re" Noku Yhoem: Moo" koid wa shid re" ngoo ri yoovoin byid: too" bye: zi nghoid.

NEHEMIA 2:4

Khokham phoo gi «Nang vho: zi ci: nghoid la"» ga: myid: boem. Ngoo gi mougkhung: mo Mangso jhang akyu" mho' lho:

NEHEMIA 4:8

Houg: yoomo nyangnu" dangain" zeing: re" lho: Yerusalem ri coem' zain: wa yo' lhu: shug wa ga: byen phyoo" khau" zain: ago".

COUNG" NGHEI 76:8

Nang gi: re" da" tarha" dang: phyed khyoo: ri mougkhung: mougdi tho' mo wigi si' nhang: nyid. Mougmyid tho' moo: doin: zeig zo: zi shoug" bang: ri khyoid yu wa shid re" nang to' lho: dang: phyed uri mougmyid gi gyoug nain" lho: sam" zoo: tam" to" abye:.

COUNG" NGHEI 89:8

Gyi: myhang: thang da" Aseing Mangsoo we"- nang yhang: ti" yoem zeing so, moo" boo su- hang" we' anyid nyid loo. Aseing we"- nang gi khyoo: khaid gu: khang" moo" moo dang: zung" su: nghoid nyid.