NAHUM 3:4 - Lacid Common Language Bible

⁴ Shava myhi' Nineve gi shen" yhen zi shoug" nyid bye:. Yu" yung" yu" ngei ziyo' shid: pho" fa" moo" zoo" wigi nyang: gi byumyu" yiri jhu' phyo' lo lho: nyangnu" ri jhu' phyo' lid loo bye:.

NAHUM 3:4 Referans Kwoze

ESAIA 47:9

Nghoid loug we' daso' kyeing" ri danyid" kyeing" ri Hau: gu: dangain" bue" loo wa Nang fa" da" phajhi" ri ci: yhung: nghoid loug we' nang re" yhoem: seing: phoo yo' re" zooshang: yiri ci: phyug wa.

Pang Shug 18:23

Nang moo khanham we' myibung bang ziri shau" myang loo: wa zi anghoid.myhi, seig yo' phoo seig yi thui: ri we' khanham we' ashaug" gyoo: loo: wa Re" da" phaga byu yi gi mougmyid gyab, goin" jang" moo Pa: va: bo thang mo, bue" lo lho: nanu" da" mhau' fain" goem phain" maintain: yo' nanu" gi moug: myid byu yi dangain" ri khyoo: shu" vhang: pyam boem bye.

Pang Shug 18:9

Nyang: yo' aved, avhu" koid go" lho: nyam, da" moug: myid Khokham" yi gi nyang: ringhe, jhoem" nyid da" myikhoug" rimyang lang" hau" voomo" shid re" ngau, yu: yen" boem wa zi nghoid.

ESAIA 47:8

Pyo: khyoo: ri jheddab su: we"- he: ziri tam" gyoo: we'. Nang gi goug: nyu: tung" za: goem loem nyid ga: jho: nyid da:. Nang gi Mangsoo yhi' gyi: sheung: su: nghoid. Nang yo' du zi gootu: hang: anyid ga: nang tid da:. Nang gi cougmoo" khanham we' abui" wa ga: nang jho: da:. Re" zooshang: yi byug lo" da" kyi" khyeug khyoo: ri khanham we' akham zoo: wa ga: jho: da:.

EZEKIEL 16:35

Houg: lho: sho' ase' da" shava myhi' Yerusalem nang we"- akhid" Aseing tid nyid ziri gyo: yu" we'.