NAHUM 2:11 - Lacid Common Language Bible

¹¹ Khang khyi khyung: yhang: te" da" voomoo" gi akhid" kha khyoo: lo" byug bye: lha". Khang khyi nu" joem ri zoo: noem zho" wigi khang: khyi zeing yo' khangkhyi loo: khangkhyi nu" yi gau" jo, jang: gau: nyu: joyoo voomoo" zeing gi akhid" kha: khyoo: loo" bye: lha".

NAHUM 2:11 Referans Kwoze

ESAIA 5:29

Gyizoo: yigi gougnyhoug dadu: ri yo" ngaid boem da" khangkhyi joem yhang: ti" hung: wigi hang" we' hau joem lo, mo ayhe: yo" yu nghoid ago".

YEREMIA 2:15

Nyangnu" gi nyang: ri khangkhyi joem yhang: ti" myeing ago". Nyangnu" gi nya: da" mougmyid ri dain" pyoid yoo koid pyam ago". Houg: lho: nya: da" voogung joem gi jhoid she: pyam zi shoug" lho: byo, yoin" jo, da:.

ZEPHANI 3:3

Houg: mo vhujhung: koid mo, gi myeung nyid da" khangkhyi yhang: ti" nghoid nyid. Nya: da" dang: phyed zoug: yi we' zooyoid nyid da" myeingkhoid" joem yhang: ti" nghoid nyid. Nyangnu" gi vhoo: boo myono, mo nghoid boem yoomo shooyoug: daloem: ri we' thang: nyid" shid re" ga: ateung to" boem.

NAHUM 3:1

Lhoid yu phyo' yu wa da" jonu" joem byeung" jo, lho: mhoug zoo: fain" zo: ziyo' byu said nyid da" voomoo" gi byu xuid" vu yoem: loo" wa nghoid.

YEREMIA 50:44

«Yodan gyung: cang wigi seig moo" pug mo zi nyau young" da" coung" nu" yoo khyoo: do: thu lo da" khang: khyi: dadu: yhang: ti" ngoo Aseing thu lo wigi Babelon byu yiri nyangnu" voomoo" mo nyeigdain tung" tang" phang: loo" nhang: wa. Houg: lho: ngo wigi khyen: to" da" vhujhung: gi byumyu" yiri vhoeb loo wa. Ngoo ri hang" yo" tu' wa la". Cite" da" vhoebkhang" su: gi ngoo ri yo" thougtheung wa la".

YEREMIA 50:17

Aseing tid zigi «Israela byu yigi khangkhyi joem wigi khaid sain" kaid shau" da" yang joem yhang: ti" nghoid da:. Xang: shi" moo nyangnu" ri Asuri khosen wigi khaid zain: zi shau" ago". Houg: lho: Babelon khokham Nebukhadneza gi nyangnu" shooyoug: ri khe" loo bye:.

YEREMIA 4:7

Byumyu" mungdain: ri phyo' shoin' su: gi gau" nyid da" joyoo mo thu' lo da" khangkhyi yhang: ti" thu loo bye:. Nyang: gi Yuda ri phyo' shoin' pyam loo wa. Yuda voomoo" joem gi byo, yoin" jo, da" joyoo moo she: pyam to" zi shoug" loo goo" wa. Houg: lho: hau: voomoo" joem moo hang" anyid goo" wa.

ESAIA 31:4

Aseing gi ngoo ri «Yang zung" bang: khayhi' kyi: nyhoo: nyhoo:- gougnyhoug ri ngaid said da" khangkhyi ri nyangnu" ayo" kyug tang" kaid nghoid ago'. Hougsu" nyang:- Ziun boem ri goem loem nyid da" myhang: thang Aseing nga" lo, mo hang" we' ayo" toem' pyam nghoid ago".

APOEM AYANG: 49:9

Yuda gi khangkhyi dadu: yhang: ti" bue" nyid bye:- Nya: zoo: shoo" ri ngaid said lho: nya: khyung: khyoo: doem tau" lo wigi Gung nyhang: lho: vhoeb nyid bye:. Nyang: ri hang" we' avoem" re" zi" loo.

GYUNG: SOO" 23:24

Israela byumyu" gi yoem: so' bo da" khangkhyi yo' du da:. Hau: zigi nyang: wigi said pyam bang: da" shoo" ri: ayo" phyo' zoo: zoo: gi: atheing:. Suid" ashau" shug shug gi atheing: nghoid da"» ga: lapi: pe: dang: tid.

EZEKIEL 32:2

Nyang: tid zigi «Shid: se' da" byu we"- Egutu khokham ri deing deing tid poin" nyid we'. Nyang: ri he: nga" jang" mo lu dang: ri byid: we'. Nang gi byumyu" yi phung: gung moo khangkhyi dadu: yhang: ti" nyid shug da:. Nghoid loug we' nang gi gyid lang cang lu: leung yen" da" khangse" dadu: yo' daje du da:. Nang gi re" khyid: joem wigi gyid ri thoem" boeb lhu: nhoin: lho: gyid gyung: joem ri dug dug mhei: nhang: da:.

MIKHA 5:6

Nyangnu" gi sham: lham: gyi yoem: yo' Nimrod moug: Asuri mung" ri oung: pyam lho: nyangnu" gi ngoonu" da" mougmyid khyoo: zain: ce" vang lo da" Asuri byumyu" yi lo, khoug: mo ngoonu" ri khyoid yu wa zi nghoid.

NAHUM 2:12

Khang khyi gi nyang: zoo: wa shoo" du: ri ngaid said lho: nya: khangkhyi myhi' yo' nya: zoo: joem shid re" akhyi' khyi' ngaid phyo' too" yoomo nya: khyung: moo hau shoo" khyi' yo' byeung" jo, bye:.

ESAIA 13:7

Yugkhang" moo" da" lo, gi gyau: loo" khare" lho: yugkhang" moo" da" yoem: gi gyau: loo" khari" wa.

YOELA 2:6

Nyangnu" ju" lo" nyid lang" gi yugkhang" moo" gyoug boem ago". Myonhoo: khang" mo" gi shoem" shid: yid bue" lo" byug boem abye: go".