NAHUM 2:10 - Lacid Common Language Bible

¹⁰ Nineve voomoo" gi phyo' sain" pyam zi shoug" bye:. Phang: cau" to" zi shoug" bye:. Jham" dung" khi" bue" byug bye:. Gyug wigi nheigloem: thang bye:. Myonhoo: we' shoem" shid: yid bue" byug bye:. Poid lug ko' ko' nain" bye:. Yoem: goin so' we' goin byug bye:.

NAHUM 2:10 Referans Kwoze

COUNG" NGHEI 22:14

Nga" da" yoem: vhoo"- myidjang moo: leung shoin: pyam da" gyid yhang: ti" kyoug kain" loo" khari" bye:. Nga" da" shooyoug: dangain" gi youg: xeig byed, jo, bye:. Nga" da" nheigloem: gi byoo shung" yhang: ti" yau, yu: lo" byug bye:.

YOELA 2:6

Nyangnu" ju" lo" nyid lang" gi yugkhang" moo" gyoug boem ago". Myonhoo: khang" mo" gi shoem" shid: yid bue" lo" byug boem abye: go".

DANIELA 5:6

Nya: myonhoo: poo" poo" wim loo" khare" ziyo' sung gyoug yoomo nya: poid lug ko' ko' nain" nyid da:.

YEREMIA 30:6

Akhid" theing: lho: myid yu" ge'. Yuggi dayug gi zooshang: yo" khu: la". Houg ri ciwim yoomo yuggi yugkhang" moo" gi zoo: khu: da" myiyi: yhang: ti" Lo, ri nya: voem doug: dang moo ke" ci: ziri ngoo shau" myang la". Yugkhang" moo" ciwim houg: yhi' boo" boo" wim go" lha".

ESAIA 24:1

Aseing gi mougmyid ri lhu: phyo' pyam wigi jham" coug: youg koid loo wa. Nyang: gi mougmyid ri lheing: kaid wigi hau: byu yiri abyoo: asain" koid pyam wa.

ESAIA 21:3

Ngoo shau" myang shoug" gyoo: da" yoeb myang gi ngoo ri gyoug nhang: wigi zoo khu: noo no da" myiyi yo' dayhang: ti" ngoo ri noo nhang: da:.

ZEPHANI 3:6

Aseing tid zigi «Mung" byu yi dangain" ri ngoo wigi jhoid za: shoem" pyam byid: bye:. Nyangnu" da" voomoo" joem ri ngoo phyo' sain" pyam byid: wigi nyangnu" da" vang khyam: joem yo' gyipyu zung joem ri byo, sain" jo, nhang: bye:. Voomoo" joem ri phang: lhei" too" khare" boem bye:. Fu" moo" khyoo: joem moo: byu hang" we' anyid loo nghoid da:.

NAHUM 3:7

Nang ri myang mo, dangain" nung zoid zoid goo" wa nghoid. Nyangnu" tid zigi ‹Nineve gi byo, yoin" jo, bye: nhung. Nyang: ri hang" wigi nheig khyeug shoo" myen shi" wa lha". Nyang: ri hang" nheig teing byid: noug shi" wa la'› ga: tid lo boem wa nghoid» ga: tid.

YEREMIA 51:62

Hau: thang: ‹Aseing we"- byu we' gougnyhoug we' houg: moo hang" we' anyid lho: apyaid atoo: moo dain" pyoid yoo yhang: ti" bui" wa shid re" he: joyoo ri phyo' shoin' pyam zi nghoid ga: nang tid to" abye:› ein: akyu" mho' ge'.

ESAIA 14:23

Ngoo gi Babelon ri thoem" nhoin: bui" nhang: lho: khung" boeb joem houg mo nyid loo wa. Ja: khang" moo" ri yo" shoem" pyam da" shoem" bain wigi Babelon ri ngoo shoem" pyam wa. Ngoo myhang: thang Aseing tid too" bye:» ga: tid da:.

YOSHU 2:11

Hau: khyoo: ri ngoonu" shau" gyoo: yo' ngoonu" gyoug nain" boem bye:. Nanu" yoomo ngoonu" da" yoem: gi dangain" bei: lo" byug bye:. Nanu" Aseing Mangsoo gi mougkhung: tho' mo yo' he: myidgung: dang mo Mangsoo nghoid da:.

APOEM AYANG: 1:2

Mougmyid gi alhoo: agung ajo, ziyo' dili cen: nghoid nyid. Jo, moojo, ri zeing" lhoung to" da" Nammugdara gyid gi moug: coid wigi thoeb zeing" to" lho: Mangso Venyi: gi gyid tho' moo dei loeb nyid.

YOSHU 7:5

Ai voomoo" mo byu yigi nyangnu" ri voomoo" khoem" moo" duang mo zi: lug kho' jang: joem moo: ju" sho' cang khaid boem wigi hau: boug gyoo" cang byu soem" xe: khyug yug ri said pyam ago". Houg: lho: Israela byumyu" yigi byoo lam" sho' gyoug boem ago".

YEREMIA 8:21

Nga" byumyu" yi khyoeb mhoin' shoug" yoomo nga" nheigloem: we' gyoeb byug bye:. Ngoo gi koug ngau nyid ngoo gi nheigloem: thang wigi yhoem: shoin: nyid.

YEREMIA 49:23

He: zigi Damasku yo' sen: wigi Aseing tid to" zi nghoid da:. Hau: zigi «Nyangnu" gi age da" lu dang: joem shau" gyo: boem bye: yoomo Hamad voomoo" yo' Arpad voomoo" joem gi myid ci' lho: yau: khi" shoug" nyid ago". Myid ci' khyoo: gi panglai: yhang: ti" nyangnu" dang moo deing: nhe' lo wigi nyangnu" doug ashau" noo: nghoid da:.

EZEKIEL 21:7

Nyangnu" nang ri ciwim hougsu" noo kyeing" kyeing" nyid la"› ga: myid: uri ju" lo nyid da" lu dang: yoomo nookyeing" kyeing" nyid ein: tid we'. Hau: lu dang: ju" loo lang" nyangnu" nheigloem: moo gyoug ziyo' byeung" lo boem wa. Nyangnu" lo, joem gi pyoung" lhang" jo, boem wa. Nyangnu" da" voem" myid thang byug wa. Nyangnu" da" poid lug joem gi ko' ko' nain" nyid boem wa ayo, ju" abye:. Hau: zigi hid: moo nyang: nghoid abye:. Yoem: moo" bo Aseing tid bye:.

EZEKIEL 31:15

He: zigi yoem: moo" bo Aseing tid zi nghoid. «Hau: seiggam moovo moug: khyoo: gyoo" lo" da" bidnyid moo ngoo gi koug shu: da" asoo" khyo" hau: ziri myidgung khoug: mo gyid yo' nhe' nghoeb pyam nhang: wa. Ngoo gi gyid gyung: joem ri toem' pyam wigi gyid zoo: gyung: joem ri we' ayau nhang: wa. Hau: seiggam shid: byug bye: yoomo ngoo gi Lebanon boem joem da" adang moo moug: coid jo, nhang: wigi seig moo" yoo mo seiggam joem dangain" ri kyug shid: loo" nhang: wa.

NAHUM 2:2

Aseing gi Israela byumyu" yiri nya: gyivoo joem nyang: ri abyo, sain" alhoid yu pyam shi" uri yhang: ti" nya: myonhoo: phung" yoeb ri doem tu: shab byid: wa zi nghoid.)