NAHUM 1:14 - Lacid Common Language Bible

¹⁴ He: zigi Asuri byumyu" yiri Aseing amyeing" byid: da" dang: nghoid. Nyangnu" gi nyangnu" da" myeing xo' voin wa nya: akung: ako' yi nyid loo goo" wa zi anghoid. Nyangnu" da" yu phara" jung yhoem: mo da" soolhoo: joem ri we' ngoo phyo' sain" pyam loo: wa zi nghoid. Ngoo gi Asuri byumyu" yi da" shid re" loeb duang: ri soin' du: nyid bye:. Nyangnu" gi kangso' xo' dei nyid wa zi amoin: yi" loo.

NAHUM 1:14 Referans Kwoze

COUNG" NGHEI 109:13

Nya: amyed ashen" yi dangain" we' shid: doem: lo" byug goo" baja" nya: myeing: ri thang: phyang" pyaid moo: aboin: soo" loo: goo" baja".

MIKHA 5:13

Ngoo gi nanu" da" soolhoo: joem yo' gyeung" lho da" lug zeingboung: ri phyo' sain" pyam byid: wigi nanu" nyang: koid to" da" zi joem ri ayo" goeb pid boem loo wa.

DANG: ZHOEM 10:7

Byu gi yigi mainkaid jeju" daloem: khyo" xoem" to" zi shoug" loug we' akhyeung" da" byu yigi daso, nghoid lang" to" myhed pyam, zi shau" boem wa.

2 KHOKHAM 19:37

Danyid" ri noku yhoem: khoug: mo nya: yu phara" Nisrog ri nyang: no' nyid uri. Nya: yuggi zoo: eig tang: nghoid boem da" Adrameleg yo' Sharezera tang: gi nya: tang: da" shamcoin" yo' nyang: ri said pyam ago". Hau: thang: Ararad mung" khyoo: phang: loid lo" ago". Nya: yuggi zoo: gootu: dayug nghoid da" Esahadon gi nya: khoo: moo: khokham xo' koid da:.

DANIELA 11:21

Moug: lagyoo: xo' lho: tid sho' kyo" da:. Thang: lheing: mo Suri khokham gi khokham bue" wa ce: akhang" ayo" da" akhyeing" ashoeb su: nghoid da:. Nghoid loug we' nyang: gi nyeigdain tung" dalheing: dam nyid thu re" wigi yoem: so' ri we' mhoug fain" da" khyo" lhoid yu pyam wa.

YEREMIA 50:2

Hau: zigi «Byumyu" yiri lu dang: tid kyoo" we'. Hau: ziri tid fu" we'. Avoid alhoo: ri byid: wigi lu dang: joem ri tid fu" we'. Hau: ziri azau" too" goo". Babelon gi gyoeb gyo" byug abye:. Nya: da" yu phara" Madug gi gyoeb mhoin' byug bye:. Babelon yu phara" soolhoo: joem gi sho' phu" nyid. Nya: aco' ajhoid da" soolhoo: joem gi baid khyoeb mhoin' pyam zi shau" abye:.

ESAIA 33:13

Vi: moo jang" moo nyid da" yugkhang" moo" ri ngoo koid da" moo" ri shoug" gyoo: nhang: lho: nga" yoem: so' ri yhen: yu nhang: ge'» ga: tid da:.

ESAIA 19:1

He: zigi Egutu yo' sen: da" mungdang: nghoid. Aseing gi myab da" jhoem: thei" adang moo zhung: wigi Egutu mung" khyoo: re" lo nyid da:. Egutu byu yi da" yu phara" soolhoo: joem gi nya: shidkhoin" moo ko' ko' nain" lho: Egutu byumyu" yigi nyangnu" da" voem" myid thang byug abye: go".

COUNG" NGHEI 71:3

Nga" da" gau: nyu: nghe: khoug: joyoo yo' ngoo ri goem loem byid: wa da" gyidab, nghoid. Yoem bo da" nang gi nga" khoug: loo lug ug yo' theung shang" joyoo nghoid.

2 KHOKHAM MHOOMYID: 32:21

Aseing gi moug: lagyoo: dayug ri nhang: kaid lho: Asuri gyidab mo gyizoo: yi yo' gyizoug: yiri said pyam da:. Houg: yoomo khosen phoo gi Asuri mung" khyoo: sho' phu" wigi tau" lo" da:. Danyid" ri nyang: gi nya: yu phara" no' yhoem: moo nyid nyid uri nya: yuggi zoo: yi dayham" gi nyangnu" da" shamcoin" wigi nyang: ri said pyam boem.

1 SAMUELA 3:13

Nya: zoo: tang: gi ngoo ri aphoug" akhyoid da" dang: tid bye:. Hougsu" tid ziri Eli si' nghoid loug we' hau: tang: ri atoem' yoomo nya: ikoin deungkhu: ri dapyaid goin" dam byid: wa ein: ngoo nyang: ri tid too" bye: zi nghoid.

XOIN" NGEI" 26:30

Bau gung joem tho' moo jo, da" nanu" da" noku joyoo ri phyo' pyam byid: wa. Nanu" da" shoem: nam pyo: ja: shugbyid: da" phoin: joem ri we' phyo' khyo' pyam byid: wigi nanu" da" shid: mang joem ri byo, gyo" jo, da" nanu" yu phara" soolhoo: joem moo du" zei pyam wa. Ngoo gi nanu" ri dam xoo: sho' yu" co' yu" ngheing" pyam wa.

THU' LO" MOUGSOUG" 12:12

Hau: myen ri Egutu mung" goin" khyoo: ngoo jang: sho' lo" wigi byu yi yo' gougnyhoug joem da" yuggi zoo: zooshid" yiri said pyam byid: wa zi nghoid. Egutu mo yu phara" dangain" zi riwe' dam byid: wa zi nghoid. Ngoo gi Aseing nghoid.

YOBA 18:17

Nya: da" myeing gyi: khyoo: gi nya: yhoem: moug: moo yo' labau meing: moo shoem: byug bye:. Nyang: ri hang" we' amyid boin: loo nghoid da:.

MIKHA 5:14

Ngoo gi nanu" da" mougmyid mo Ashera yu phara" myhi' da" soolhoo: joem ri phoin' pyam lho: nanu" da" voomoo" joem ri we' phyo' sain" pyam byid: wa nghoid.

HABAKU 2:10

Nghoid loug we' nang gi byumyu" myoo" sho' ri phyo' sain" pyam' yoomo nanya: gung ri nanyang: phyo' sain" pyam' abye:. Nang myid phyed to" khyoo: gi re" yhoem: bang: ri sho' thu nhang: abye:.

DANIELA 5:27

Janglug- nang ri jang moo leig yu" ri gye" soem" nyid ziri shau" myang.