MIKHA 7:1 - Lacid Common Language Bible

¹ Nheig byu jang: ajo, loo: o". Ngoo gi shigam, moo ce: shi" we' azei: loo: yoomo zabyid nei moo zabyid shi" azei: lo zi shau" myang da" zooyoid su: yo' du byug bye:. Zabyid shi" dangain" yo' ngham" da" lafoem' shi" we' bain phyo' pyam abye: go".

MIKHA 7:1 Referans Kwoze

HOSEA 9:10

Aseing gi «Israela ri ngoo xang: shi" shoug" sho: myang uri dain" pyoid yoo mo zabyid shigam ri sho: ziyo' du da:. Nanu" da" phoug" phyid" yiri ngoo xang: shi" shau" myang da" uri lafoem shi myheing yo, ri myheing shid" re" ziri shau" myang ziyo' du da:. Nghoid loug we' nyangnu" Peora boem moo ju" lo uri nyangnu" Bala yu phara" ri no' shid" lo ago". Houg: lho: khamyhang amyang" ri nyangnu" gi nyangnu" jheddab da" yu phara" joem yo' dakhyoo" yu" co' tung" bue" re" ago".

ESAIA 28:4

Nghoid boin: da" vhujhung: yi da" phung" yoeb shoem: lo" zigi myheing yo' dage" phyo' zo: pyam da" lafoem' shi" amoin" yo' dakhyo" byug lo" byug wa.

ESAIA 24:13

He: zigi mougmyid dang mo byumyu" khang" moo" moo bue" loo wa. Agam khang" moo" mo zhainloin: shi" joem baid shui: khyo' lho: zabyid nei moo zabyid shi" athang: amyed" phyo' yu pyam shoug" lang" hau: zigi shivoo yhoem" da" lo" thang ayo, yhang: ti" nghoid loo wa.

ESAIA 17:6

Byu dajhi' za: nyid deing goo" wa. Israela gi agam vhu" moo eig soem" cab- anghoid lang" vhoo: mo akung joem moo dajhi' za: dadeing loo sho' zhainloin: shi" dangain" ri phyo' pyam da" zhainloin: gam yo' du loo wa. Ngoo Israela Aseing Mangsoo tid too" bye:» ga: tid.

YEREMIA 45:3

nang gi ‹Ngoo asoem" byid:- Aseing gi nga" yau: khe" kyi" khyeug shid re" kougshu: khyoo: lung: byid: da:. Nga" kougshu: khyoo: gi thang byug bye:. Ngoo gi dougnoo: wa dajhi' we' ajo,» ga: tid nyid da:.

YEREMIA 15:10

Hid yhi' apyo: da" ngoo we". Nga" myhi' gi ciwim yoomo ngoo ri mougmyid moo khu: kaid lug la". Ngoo gi he: mougmyid moo: nyid da" yugkhang" moo" yo' myeing" myo: wigi ngeig go" ca" da:. Ngoo gi ngei we' ajhid" byid: yu"- subi" mo we' ajhid" yu yu"- nghoid loug we' yugkhang" moo" gi ngoo ri nheing" ago".

YEREMIA 4:31

Ngoo gi zookhu: noo no nyid da" myiyi: dayug kyi: ngoug ziri shau" gyo:. Zooshid" ri khu: nyid da" myiyi: dayug kyi: nyho: nyid da" thui: yhang: te" ziri shoug" gyo. Hau: zigi so' moo" she: nyid da" Yerusalem da" ngoug myheing" thui: nghoid da:. Nyang: gi nya: lo, ri yhoin" kaid wigi «Ngoo gi joem: bye:. Nyangnu" gi ngoo ri said pyam wa ga: re" lo nyid bye: go"» ga: tid nyid da:.

ESAIA 24:16

Deingmain" da" byumyu" Israela da" coung" nghei jikhoin" thui: ri mougmyid tho' mo ve: thang da" joyoo mo ngoonu" shau" gyo: loo wa. Nghoid loug we' nga" shid re" myid byu khyoo: ajo,. Ngoo gi thang lo" nyid bye:. Goemlu yigi xo' lho: ngoo ri ab pyam wigi nyangnu" loem age" jhug azug zigi je je xo: loo nyid da:.

ESAIA 6:5

Ngoo gi «Nga" shid re" myid byu khyoo: ajo, ngoo gi joem bye:. Ciwim gari nga" nhoid mo thu da" dang: khoin" khang" moo" gi yooboo byeung" jo, da:. Houg: lho: ngoo gi yooboo dang: kyeing" tid da" byu phung: khoug: moo nyid nyid. Nghoid loug we' ngoonya: myojid" wigi nyang: myhang: thang Aseing khokham ri shau" myang bye:» ein: tid bye:.

COUNG" NGHEI 120:5

Nanu" da" mo, gyoo: moo: nyid nyid zigi Mesheg meing: moo: nyid yhang: ti" we' Kedara byumyu" yi da" agyoo: moo: nyid yhang: ti" we' yau: nyid.

YEREMIA 24:2

Xang: shi" gyoin moo no' mo phyo' to" da" lafoem' shi" ge zi bo da:. Gootu: dagyoin moo zoo: age da" lafoem' shi" age zi bo da:.

GYUNG: SOO" 18:13

Hau: zi dangain" gi nang seing: wa zi nghoid. Thung" khyo" younglho' da" re" yhoem: byu dangain" gi hau: ziri ge zoo: wa nghoid.

DANG: ZHOEM 20:6

Byu yugkhang" moo" gi nyang: nyang: khayhi' deingmain" da" khyoo: yo'-nheigloem: zung" khyoo: ri tid ago". Nghoid loug deingmain" nheigloem: zung" su: ri hang" shau" myang wa la".

YEREMIA 5:1

Yerusalem voobyu yi we"- nanu" fu" moo" khyoo: cang wigi tang" phang: ge'. Aqei: ayam khyoo: lheing: yu" kaid ge'. Nanu" nyang: yu" myang yu ge'. Kid" oung” jang: cang yu" yu ge'. Jo zi koid wigi Mangsoo ri jhug zug wa yoem: kaid zi dayug rilang" shau" myang go" la". Nanu" shau" myang nghoid rigi Aseing gi Yerusalem ri yooboo khyoid byid: wa.