MIKHA 6:9 - Lacid Common Language Bible

⁹ Aseing ri gyoug phau" zigi phajhi" da" apoem: nyang: nghoid. Nyang: voomoo" ri tid zigi «Voomoo" khoug: moo zheung: foem nyid da" mung" byu yi tam" gyoo: ge'.

MIKHA 6:9 Referans Kwoze

Pang Shug 3:19

Ngoo gi ngoo nyang: jheddab mo, dangain" ri jhau" mho' lho: yoobo dam kaid' nyid houg: yoo mo nang gi yhoug: gyen: khyo" koid nyid lho: re" yooboo mo nheigloem: thed' loo re.

ZEPHANI 3:2

Nyang: gi Aseing da" mungdang: ri atam" gyoo:. Jhoug" myeing" jhoug" thui: ri we' akham: yu- nyang: gi Aseing ri we' aloem- nyang: ri akyu" we' amho' yu".

HOSEA 14:9

Phajhi" juyhi: bo mo, gi hid: moo lhid" to" ziri se' gyo: yu lho: nyangnu" nheigloem: khoug: moo xoem" yu goo" baja". Aseing da" khyoo: joem gi jo da:. Houg: lho: deingmain" bang: gi hau: joem ri cang lho: dei nyid ago". Nghoid loug we' yooboo yoo" bang: koem' gi hau: joem ri cishu: anhang: yoomo khyid: vhu" thung" wigi leung lo" ago".

ESAIA 30:27

Aseing da" yoem: so' yo' phung" yoeb gi vi: mo yo" shau" myang da:. Myi: yo' myikhoug" gi nyang: nheig yo: ziri ci: shug byid: da:. Nyang: dang: tid wigi nyang: dang: khoin" gi myi: yhang: ti" nge" da:.

MIKHA 3:12

Hougsu" wigi nanu" yoomo Ziun gi yoothung" yhang: ti" phug sain" pyam zi shoug" wa. Yerusalem gi byo, yoin" jo, wa gyeung" shang: da" Noku Yhoem: Moo" bouggung we' yooyang" no, bue" loo" wa.

AMO 6:1

Ziun boem moo nyid pyo: nyid bang: nanu" we"- Samari voo moo gau: nyu: nyid bang: nanu" we"- Israela mung" zeing mo vhujhung: yi nanu" we"- pang" thoug shoug" wa shid mo byumyu" yi zeing: foem: kham: bang: nanu" we"- nanu" gi joem: lo" abye: go".

AMO 2:5

Houg: yoomo ngoo gi Yuda mung" moo myi: ri khyo kaid lho: Yerusalem mo gyikhoug: zung joem ri nghe' pyam wa» ga: tid.

HOSEA 13:16

Samari gi ngoo ri gyi koid thougtheung yoomo yooboo dam byid: ca". Nya: voobyu yigi meing: zain: jang: moo shid: byug goo" wa zoonu" yigi myidgung moo thung" khyoeb said pyam zi shoug" goo" wa. Houg: lho: zoo: voin da" myiyi: yigi lang: kho' pyam zi shoug" goo" wa.

YEREMIA 26:18

«Hezekia Yuda khokham koid nyid uri Moreshed mo lapi: Mikha gi Myhang: thang Aseing tid da" khyoo: ri byumyu" yiri tid kyo". Hau: zigi ‹Ziun gi yoothung" yhang: ti" phug se: pyam zi shoug" wa. Yerusalem gi byo, yoin" jo, boem wa Houg: lho: Noku Yhoem: Moo" gi seig moo" yoo bue" byug wa› ga: tid.

YEREMIA 26:6

Nanu" xo' wigi atam" gyoo: acang yhi: nghoid rigi ngoo Shilo voogung ri koid yhang: ti" he: Noku Yhoem: Moo" ri we' koid wa. Houg: lho: mougmyid gyab goin" mo byumyu" yi dangain" gi he: voomoo" byumyu" yi dangain" gi he: voomoo" myeing ri nheing" khoin" khyo" ci: loo goo" wa» ga: tid.

ESAIA 66:6

Tam" gyoo: ge'. voomoo" mo thui: zeing- Noku Yhoem: Moo" mo thui: gi Aseing nya: gyivoo ri yooboo dam byid: nyid da" thui: nghoid da: o".

ESAIA 27:10

Gyidab voomoo" gi byo, jo abye:. Hau: zigi dain" pyoid yoo yo' dakhyoo" jham" coug: youg bue" jo, abye:. Hau: zigi nu: joem mhain" zoo: jang: bue" lo lho: nyangnu" hau: joyoo moo: mhain" lham" zo: wigi dougno: nyid ago".

ESAIA 26:11

Nang wigi nyangnu" ri yooboo dam byid: wa ziri re" gyivoo yi asi nghoid ago". Aseing we"- nyangnu" ri sho' phu" nhang: wigi kyi" khyeug kham zoo: nhang: we' nang soin' to" da" yooboo dam nyangnu" ri kyi" khyeug kham zoo: nhang: wa. Re" byumyu" yiri nang khayhi' jheddab ziri nyangnu" ri ci: shug byid: we'.

ESAIA 9:13

Israela byumyu" yigi nheigloem: athid boem nghoid ago". Myhang: thang Aseing gi nyangnu" ri yooboo dam byid: nghoid rilang" nyangnu" nya: jhang aphoug loo nghoid ago".

DANG: ZHOEM 22:3

Aphyoo" athang: se' myid yu" bang: gi yau: khe" khyoo: ju" lo nyid da"' uri myang lho: wigi jang" pyam, boem wa zi nghoid. Amyed, yu" su: koem gi houg: khyoo: dain" za: yhe: lho: thoung" shoug" thang: ri she' nung myid yo" loo wa zi nghoid.

COUNG" NGHEI 107:43

Phajhi" boo bang: gi he: moo" zo" da" akhyoo" ri myid soin: yu" nyid goo" baja". Nyangnu" gi Aseing da" geung: teung jhed khyeing: kang khyeing: ri myid yu" nyid goo" baja" o".

COUNG" NGHEI 83:18

Nang za: Aseing danghoid nyid da" khyoo: yo' mougmyid gyab goin" jang" moo myhang: thang su: nghoid nyid khyoo: ri nyangnu" se' yu loo" goo" baja" o".

COUNG" NGHEI 48:10

Nang gi joyoo khang" moo" mo byu yi bain sho bang: coung" nghei byid: zi shau" nyid. Re" da" myeing khyang" gi moug: gyab, goin" fu" nhoin: to" ziyo' nang gi nyeung veung" da" tarha" yo' vhoebkhang" nyid.

COUNG" NGHEI 9:16

Aseing gi: deungmain" khyo" dang: phyed nyid wigi nya: gung du: ri pang shug bye:. Akhyeung" da" byu yigi nyangnu" nya: da" moo" zoo" khyo" nyang: khyo' tei" moo: nyang: myi" jo, boem abye:.

YOBA 10:2

Mangsoo we"- ngoo ri dang: aphyed byid:. Ngoo ri tid kyoo" la. Ngoo ri yooboo zhug zi ce: sei: yoomo nghoid lha".

YOBA 5:17

Mangso wigi jhau" shid zi shoug" su: gi ngei bu: nyid da:. Nyang: wigi nang ri nheig yo: uri nheig aphoug yoo:.

2 SAMUELA 21:1

David vhoeb khang" da" ayo, khoug: moo soem" zain nyang: gye" thain: da" phang" khoug ju" loo bye:. Houg: yoomo David gi hau: akhyoo: yo' sen: wigi Aseing ri myid: yu" ri Aseing gi «Sholu yo' nya: ikoin deungkhu: byu yigi byu said da" youg: shoug" nyid da:. Nyang: gi Gibeon byumyu" yiri said pyam da» ga: tid. (

YEREMIA 47:7

Nghoid loug we' ngoo hau: ziri zei: wa moo" byid: to" uri khasu" doug yo" noo: wa la". Ngoo gi Askhelon ri yo' gyid yam cang nyid da" byu yiri khaid zain: wa amyeing" byid: bye:.

MIKHA 6:8

Anghoid- Aseing gi ngoonu" ri ge da" khyoo: ri toin" shed too" bye:. Nyang: ngoonu" mo vho: nyid zigi tarha" dain: khyo" zei: so' khyoo:- geung: teing jheddab khyoo: ri toin" shed wa ziyo' nheigloem: khyo' nyhoem: khyoo: Mangsoo yo' zoem" khau: wa khyoo: nghoid.

MIKHA 6:10

Akhyeung" ashoeb mo, da" yhoem: khoug: moo adeing amain" khyo" yo" yu to" da" jonu" joem jo, da:. Nyangnu" gi ngoo ngheung" da" amain" jang lug laki ci: ago".

YOBA 23:14

Nyang: gi nya" shid re" ga: soin' to" ziri koid pyeing" loo wa. Hau: myid soin' to" da" zigi nya: jhang myoo" sho' jo, jang" mo daja: ja: nghoid da:.

EZEKIEL 7:9

Ngoo gi khyam" sa: abyid: wa anghoid lang" nheig khyeug myid dajhi we' aci: shug wa. Nang koid lid: lo da" aco' ajhoid moo" zoo" joem gang mo nang ri ngoo yooboo dam byid: loo: wa. Houg: lang" ngoo Aseing nghoid ziyo' nanu" ri yooboo dam byid: su: nghoid ziri se' loo wa» ga: tid.