MIKHA 6:16 - Lacid Common Language Bible

¹⁶ Nanu" gi Omri khokham yo' nya: zoo: Ahab khokham da" akhyeing" ashoeb da" moo" zoo" moo bo cang yoomo hid: su" bue" loo" goo" wa. Nanu" gi nya: phatang: da" akhyoo" joem moo xo' koid nyid boem yoomo ngoo gi nanu" ri byo, yoin" nhang: lho: yugkhang" moo" gi nanu" ri aphoug" akhyoid koid lo boem wa nghoid. Khyi' khang" moo" mo byu joem gi nanu" ri anoug akhyoid zoem" khau: lo boem wa nghoid.

MIKHA 6:16 Referans Kwoze

YEREMIA 51:51

Nanu" tid zigi «Ngoonu" sho' phu" wigi ngi: yoem" bye:. Tungbau byu yigi Noku Yhoem: Moo" mo gyeung" shang: da" joyoo joem khyoo: shu" loo" shau" wigi ngoonu" bain sho' asho" ajhen: kham zoo: bye:» ga: tid.

YEREMIA 7:24

Nghoid loug we' nyangnu" gi acang atam" gyoo: nghoid ago". Hau: gungthid nyangnu" gi nyangnu" da" nheigloem: thain: ziyo' akhyeing" da" myid wigi nyangnu" ri koid nhang: da" ci ri we' koid lho: nyangnu" gi je ge loo wa gungthid je agi loo dam xo: lo" ago".

YEREMIA 19:8

Ngoo gi he: voomoo" ri so" lid: loo" bang: yugkhang" moo" moug" wigi dain byug boem goo" wa da" yu" gyoug yu" lhung: sho' da" phyo' shoin' zi bui" nhang: wa.

ESAIA 25:8

Gyi sheing: da" Aseing gi shid: ziri apyaid atoo: mo phyo' shoin' pyam wa. Nyang: gi yugkhang" mo" da" ngoug byid joem ri soid pyam byid: lho: mougmyid goin" mo nya: byumyu" yi kham zo: lo da" ngi: yoem" ziri yu pyam byid: wa. Aseing nyang: tid bye:.

COUNG" NGHEI 44:13

Ngoonu" da" yhoem: kyoo" cang" yigi nang ngoonu" ri khasu" koid nyid ziri myang pyam byid: yoomo nyangnu" gi ngoonu" ri yi foo: khyo" juang" yi nyid boem bye:.

Pang Shug 2:20

Nghoid loug we' nang gi nya: jhoug" myeing" khyo" nga" cangzoo: yi ri avoid avhu: koid nhang: lho: soolhoo: ri teing: byid: da" zoo: noem zo: shug da" yooboo shoid sho' khyoo: shu" vhang: nhang: su:- myiyi: myhi, Yezebela ri nyid nhang: nyid shi" yoomo, nang ri yooboo foin: jang: jo.

HOSEA 5:11

Israela gi doin zeig khyoo: ri kham zo: nyid. Nyang: seing da" mougmyid ri ci: phyug pyam bye:. Ciwim gari nyang: gi nyang: ri byid: wa ci: ayo" bang: jang" mo pang" thoug zi yo" yu wa shid re" agyoo: atho' jhen" yhe: da:.

DANIELA 9:16

Nang gi lid loo bye: da" ayo, moo ngoonu" ri goem loem byid: loo bye:. Houg: yoomo Yerusalem ri nheig ayoo: loo: hau: zigi re" voomoo" nghoid da:. Re" da" younglho' bouggung nghoid da:. Ngoonu" da" yooboo joem yoomo yo' ngoonu" phoug" phyid" bang: koid lid lo da" akhyeing" ashoeb moo" zoo" joem yoomo aqei: ayam mo mungdain: byumyu" yi wigi Yerusalem ri yu" jhung" yu" nge pyam ago".

EZEKIEL 39:26

Nyangnu" gi nyangnu" da" mougmyid moo hang" wigi we' akyug nhain' loo: goem loem tung" dalheing: doem" lo" nyid boem uri nyangnu" gi ngoo mo phug lo" byug boem yoomo nyangnu" ngi: yoem" shoug" khyoo: ri yo" to" myhid pyam boem goo" wa.

NGOUG JI: 5:1

O" Aseing we"- ngoonu" moo: bue" lid: loo: bye: ziri myid boin: we'. Ngoonu" ri yu" lho: ngoonu" da" ngi: yoem" khyoo: ri myang byid: we'.

YEREMIA 25:9

‹Ngoo gi mougzhung: shoid mo byumyu" dangain" ri yo' nga" dei zoo: Babelon mo khokham Nebukhadneza ri khi: nhang: kaid wa. Ngoo gi nyangnu" ri Yuda yo' houg moo nyid bang: mougkyoo" cang" yi dangain" mo byumyu" dangain" ri gyi koid wa shid re" shu" loo wa. Ngoo gi he: byumyu" mungdain: ri yo' hau: mougkyoo" cang" yiri phyo' shoin' pyam wigi apyaid atoo: moo yu" gyoug yu" lhung: sho' byo, jo, nhang: wa. Ngoo Aseing tid too" bye:.

ESAIA 9:16

He: mung" byu yi da" vhujhung: yigi nyangnu" ri khyoo: vhang: shu" vhang: wigi bain sho' anhung akhoid koid pyam ago".

COUNG" NGHEI 1:1

Akhyeung" da" byu yi phajhi" khyau" da" khyoo: ri he: pyam bang:- yooboo dab, mo, da" akhyoo" again moo abo cang bang:- Mangso shid re" ce: akyu" aboo mo, yo' dage" abo zhung: bang: gi ngilho' nyid boem.

2 KHOKHAM MHOOMYID: 34:25

Nyangnu" gi ngoo ri he: pyam wigi yu phara" gootu: ri xoin" ngei" byid: abye: go". Houg: lho: nyangnu" koid bye: da" moo" dangain" gi nga" nheig yo: khyoo: ri lhu: zhang" kaid da:. Houg: yoomo Ngoo gi Yerusalem ri nheig yo: thougtheung wigi houg: gi nheig yoo: agyoo" wa.

2 KHOKHAM 21:3

Nyang: gi nya: phoo Hezekia wigi phyo' pyam bye: da" tungbau yu phara" ri no' da" joyoo joem ri doem koid da:. Nyang: gi Israela khokham Ahab koid ziyo' dakhyoo" ti" Bala ri noku da" joyoo phoin: joem yo' yu phara" myhi' Ashera da" soolhoo: ri koid da:. Manashe gi kyi: joem ri we' noku da:.

2 KHOKHAM 16:3

Nyang: gi Israela khokham yi da" leig ri cang da:. Nyang: gi Israela byumyu" yi shid khyoo: yhe: lo" ri mungdain: mo Aseing wigi khaid thu kaid da" byumyu" yi da" aco' ajhoid lo, moo" ri leig yu" wigi nya: yuggi zoo: rilang" yu phara" soolhoo: joem ri nghe' ngei" byid: da" xoin" khyo" xoin" ngei" byid: da:.

1 KHOKHAM 18:4

Yezebela gi Aseing da" lapi: yiri said lo uri Obadia gi nyangnu" mo dashoo: yug ri wim xi: xi: khyo" eig phung: khyo" wigi lug khyung: joem cang gau" shoung: to" lho: nyangnu" ri zoo: noem yo' gyid ri pang" thoug byid: bye:.)

1 KHOKHAM 9:8

He: Noku Yhoem: Moo" gi byo, yoin" boem lho: hau: anam khyo" lid loo" bang: yugkhang" moo" gi dain lho: mau" ziyo' ‹Aseing gi he: mungdain: ri we' he: Noku Yhoem: Moo" ri we' ciwim yoomo hid su" koid pyam la'› ga: nyangnu" myid: goo" wa zi nghoid.

YEREMIA 25:18

Yerusalem yo' Yuda voogung dangain" nyangnu" khokham yi vhujhung: yi dangain" gi houg: mo shug nhang: zi shoug" ago". Houg: yoomo nyangnu" gi dain" pyoid yoo- yu" gyoug yu" lhung: sho' da" joyoo bue" lo wigi nyangnu" akhid" ju" sho' ci: boem ziyo' dayhang: ti" nyangnu" da" myeing ri nheing" khoin" khyo" byumyu" yi ci: da" myeing bue" lo ago".

YEREMIA 29:18

Ngoo gi nyangnu" ri gyipui"- zooyoid khyoo:- noo bue" khyoo: wigi cang khaid lho: mougmyid goin" mo byumyu" dangain" gi nyangnu" ri shau" myang wigi gyoug dain byug goo" wa. Khyi' khang" moo" khyoo: ngo wigi nyhid: sain" kaid wigi nyangnu" adang moo bue" ziri byu joem gi mo, byug wigi gyoug dain byug goo" wa. Byu yigi nyangnu" ri juang" wigi nyangnu" myeing ri nheing" khoin" khyo" ci: loo goo" wa.

HOSEA 12:14

Israela byumyu" yigi Aseing ri nheig khoo" sho' nheig yoo: nhang: lho: nyangnu" gi nyangnu" shoid vhang: da" byu said youg: moo" yoomo shid: wa moin: yi" ago". Aseing ri nyangnu" wigi ngi: yoem" nhang: da" gang mo nyangnu" ri yooboo dam byid: loo wa.

MIKHA 2:6

Meing: byu yigi ngoo ri tarha" kho" kyo" lho: tid zigi «Ngoonu" ri tarha" akhoo" noo". Hau: joem dangain" ri akho" kyo" noo". Mangsoo gi ngoonu" ri myonhoo: shoem: nhang: wa zi anghoid.

MIKHA 6:13

Houg: yoomo nanu" da" yooboo yoomo nanu" da" byo, yoin" byo, bei: lo" khyoo: ri ngoo koid shed too" byid: bye:.

2 KHOKHAM MHOOMYID: 22:4

Nyang: Aseing ri thougtheung yooboo shoid bye:. Ciwim gari nya: phoo shid: thang: ri Ahab da" yhoemkhung: byu gootu: yi nya: da" phajhi' byid: bang: bue" loo yoomo nyangnu" gi nyang: ri shu" gyoeb gyoo" nhang: da:.

COUNG" NGHEI 44:14

Sube" byumyu" yi da" mo, phung: gung moo nang gi ngoonu" ri yinoug tu pyam byid: joyoo koid pyam yoomo nyangnu" gi ngoonu" da" vhuloem ri: lhei, byid: wigi ngoonu" ri juang" yi gei sang: nyid boem.