MIKHA 5:7 - Lacid Common Language Bible

⁷ Ashid: loo nyid deung jo, da" Israela byumyu" yigi byumyu" myoo" sho' mo, shid re" Aseing wigi khyoo' byid: da" nghain: jhu" yo' nyau young" lo da" shivoo: joem da" atho' moo voo byid: da" moug: gyid yhang: ti" bue" loo wa nghoid. Nyangnu" gi byu yiri anghoid Mangsoo ri khau: nghe: lo boem wa nghoid.

MIKHA 5:7 Referans Kwoze

MIKHA 5:3

Hougsu" nghoid wigi myhi' zeing gi zoo: khu: re" jang" moo ju" sho' Aseing gi nya: byumyu" yiri nyangnu" da" gyivoo joem lo, khoug: moo she: pyam too" wa zi nghoid. Hau: thang: ri tungbau moug: moo pyoung" to" zi shau" da" Israela byumyu" yi gi nya: da" moug: moo nyid yam: cang" yi yo' dage" doem shoug" shoin" nyid wa nghoid.

ESAIA 44:3

«Ngoo gi gyid shed da" mougmyid ri gyid byid: wa. Kyug hei' da" myidgung moo gyid zoo: gyung: yau nhang: wa. Ngoo gi re" zooshang: yi adang moo nga" Venyi: foid shoin" byid: wa. Re" amyed ashen yi adang mo nga" mainkaid jeju" foid shoin" byid: wa.

TARHA" TID POIN" 32:2

Nga" jhau" shid dang: gi moug: cab' joem yhang: ti" gyo" ri" wa. Houg: lho: nghain: yo' dakhyo" myidjang moo boem too" wa. Nga" dang: khoin" joem gi seig zoo: gam joem adang moo vo gyo" da" moug: gyid yo' du wa. Mhain" nu" joem moo gyo" da" moug: cab yo' du wa.

HOSEA 14:5

Ngoo gi Israela byumyu" yi shid re" kyug hei' da" mougmyid mo moug: gyid yo' dakhyo" nghoid loo wa. Nyangnu" gi bain: joem yo' dakhyoo" ti" bo" yung" loo goo" wa. Nyangnu" gi Lebanon mo seiggam joem yo' dakhyoo" ti" agyi: teing za: cen' loo goo" wa.

COUNG" NGHEI 72:6

Yoothung" dain" moo: moug: vo yhang: ti" myidjang tho' moo: byoem: loem: moug: vo gyo" nyid yhang: ti" khokham phoo we' hougsu" nghoid nyid baja".

Roma 10:20

Mangsoo gi Esaia khyo" tid to" zigi ngoori; ashoo; mo, gi shau" nyang beom- nga" da khyoo: ri amyid aphoid: sho: mo, gi ngoori shau" myang boem. ga wigi gyeing" nyang: tid to.

ZEKHARIA 14:8

Hau: bidnyid ju" loo lang" gi Yerusalem voomoo" mo gyid gyeing" yau thu loo wa. Dayham" gi xoo" thoem" khyoo:- dayham" gi Meing: gung panglai khyoo: yau loo" wa. Hau: gyid lang gi zain ri xung" ri dayau nyid wa zi nghoid.

HOSEA 6:3

Ngoonu" gi Aseing ri si' wa shid re" yoem: kaid shang. Nyang: gi nab soin: moug: bo" re" ziyo' dakhyo"- mougmyid mo vo khyo' da" gyu moug: yu: yhang: ti" ngoonu" jhang re" loo wa» ga: tid ago".

YEREMIA 14:22

Byumyu" yi da" yu phara" soolhoo: joem kha: zi we' moug: ri ayo" voo nhang: nghoid da:. Mougkhung: gi nyang: nyang: kyeing" lid jhoem" moug: ri ayo" voo nhang: nghoid da:. Ngoonu" gi nang moo myid byu nyid boem o" ngoonu" Aseing Mangsoo we"- Ciwim ga: ri he: gu: ri nang koid da:.

COUNG" NGHEI 110:3

Re" da" gyivoo joem ri: nang khaid zain: da" bidnyid moo re" da" byumyu" yigi yhoem: seung: myid khyo" bo vang pang" lo boem wa nghoid. Nab soin no' re khyo' da" nghain: jhu" yhang: ti" re" da" zoolu yigi nang nyid da" gyeung" shang: boem tho' khyoo: ju" lo boem wa zi nghoid.

1Korinthians 3:6

Ngoo gi myoug: shi" sain" lho: Apolo gi gyid shoin"- Mangsoo wigi: dayoug loo nhang.

Roma 11:12

Yuda byumyu" yi yooboo shoid' khyoo: yoomo myo: lug mainkaid jeju" gi mougmyid goin" byo loo" bye. Tungbau byumyu" yi we' mainkaid jeju" byeung" sho' yo" kham: zoo: bye. Hougsu" nghoid ri Yuda byu damyu" goin" gi Khristu ri loem" jeing kham: yu lo lang" nyanu" gi mainkaid jeju" lang" shau" kham: zo boem wa.

Roma 9:30

ngoonu" tid nau da khyoo: gi hid: su" nghoid. Mangso: da" shid' khoin" moo deingbyeing" mo bue" loo wa shid' re" - yoem: akaid' da: tungbau byumyu" yi gi - Aseing Yesu ri loem jeing" loem" jeung" khyoo: khyo" - Mangso: shid' khoin" moo deingbyeing" mo yo" bue" lo da akhang" yo" yu boem.

ACTS 16:9

Polu gi myen" ri yoeb, myang myang jang" moo Makedoni byu dayug gi yab, jo, lho: Makedoni mung" khyoo: gu: re" lho: nyangnu" ri re" khyoid yu we' ga: mho' nyid ziri myang.

ACTS 13:46

Nghoid loug we' Polu yo' Barnaba eig yug gi je" ri agyug avoem, loo: za: Mangso mungdang: gi nyangnu" rishi" - xang: shed" tid kyoo" wa da" khyoo: eung: nyid. Nghoid loug we' nyangnu" gi hau: mungdang: ri ngeug pyam lho: hau: apyaid' atoo: mo, kangso' yo' amoin: yi" ga- nyhang: nu" nyang: dang: zheung: phyed' yu lho: nga" eig yug gi nanu" ri too" kho' lho: tungbau byu yi jhang khyoo: yhe: loo" wa zi nghoid.

ACTS 11:15

Houg: su" ngoo dang: tid shed" loo" yo' su- gyeungshang: Venyi gi shid' phyang" ngoonu" tho" moo ju" gyoo" re" ziyo' dakhyoo" ti" nyangnu" da" tho' moo we' ju" gyoo" re.

MATHE 28:19

Houg: su" nghoid yoomo Nanu" thu' lo" wigi khyi khang" moo" mo byumyu" bain sho' mo ri nga" cangzoo: bue" loo nhang: ge'. Nyangnu" ri nya: phoo nya: zoo: gyeungshang: Venyi: da" myeing khyang" mo baptisma ri kham: byid: lho:

MIKHA 2:12

«Nghoid loug we' deung nyid shi" da" Israela byumyu" yi nanu" dangain" ri ngoo doem zheung" yu wa nghoid. Ngoo gi yang khyam: khyoo: doem tau" lo da" yang phung: ri yhang: ti" nanu" ri doem shu" yu wa nghoid. Yang joem byeung" jo, da" yang kaid jang: yo' dakhyoo" ti" nanu" da" mougmyid moo byu myoo" sho' yo' doem myo: loo wa zi nghoid»

AMO 5:15

Akhyeing" ashoeb da" khyoo: ri ngheung" lho: ge da" khyoo: ri jheddab nyid we'. Hau: lho: tarha" yung" moo we' tarha" deingmain" khyo" bui" nhang: we'. Aseing gi he: byumyu" mo ashid: loo: nyid deing gyoo" mo, ri nheig to khyeug shi" abe.

YOELA 2:32

Nghoid loug we' Aseing jang" mo pang" thoug khyoo: mho' yu mo, dangain" bang: koem' gi khyoid yu zi shau" boem wa nghoid» ga: tid to". Yerusalem voomoo" mo mo, dayham" gi loid byoin loo" goo" wa. Houg: bang: gi ngoo khyen: yu too" bang: nghoid wigi ashid: loo: nyid deung jo, boem wa» ga: Aseing tid nyid.

EZEKIEL 47:1

Byu hau: yug gi ngoo ri Noku Yhoem: Moo" khoem" duang: khyoo: shu" lo" da:. Gyid gi khoem" duang: moo" agyid" khyo" yau thu lo wigi Noku Yhoem: Moo" shidkhoin" shu: da" bidthu shoid khyoo: yau lo" da:. Hau: gyid zoo: gyung: gi phoin: da" mougpyi: shoid khyo" wigi Noku Yhoem: Moo" mougpyi: shoid agyid" khyo" yau gyoo" lo" da:.

ESAIA 66:19

Houglho: nyangnu" ri yooboo dam byid: su: gi ngoo nghoid ziri se' loo goo” wa. «Nghoid loug we' ngoo gi dayham" ri teing to" wigi nga" myeing gyi: khyoo: ri agyo: yu"- nga" yoem: so' gyi: sheung: khyoo: yo' yoem: so' ri amyang yu" boem da" Spain- Libya- Ludia yo' hougmo lid: dain" moo kung bang:- Tubad yo' Greek bang: nghoid da" moug: vi: mung" yo' byumyu" yi jhang khyoo: nyangnu" ri nhang: kaid wa. He: byumyu" yi phung: khau: moo nyangnu" gi nga" yoem: so' gyi: sheung: da" khyoo: ri tid fu" loo goo" wa.

ESAIA 55:10

«Nga" mungdang: gi nghain: yo' moug: gyid yhang: ti" nghoid. Hau: zigi mougkhung: mo gyo" re" wigi mougmyid ri jhu' nhang: da:. Hau: zigi shivoo joem ri yug nhang: wigi sain" wa myoug: shi" yo' zoo: noem ri byid: da:.

ESAIA 32:15

Nghoid loug we' Mangsoo gi nya: Venyi: ri ngoonu" jhang dalheing: doem nhang: kaid byid: wa. Mougmyid gang: gi myidxu: ge re" wigi yoothung" joem gi gug zoo myoo sho' thu loo wa.

TARHA" AGYI 6:36

Hau: thang: Gideon gi Mangsoo ri «Nang gi Israela byumyu" yiri khyoid yu wa shid re" ngoo ri ci: wa nang myid phyed too" bye:.

ACTS 9:15

Aseing: gi Anania ri doem tid zigi yhe: loo" we' tungboug yi ri we' khokham" ri we' Israela byu yi ri we' nga" myeing ri cang tid fu" Yen" zoore- ngoori coung" nghei byid: wa shid mo ngoo khyen: yu too" su: nghoid.

ZEPHANI 3:13

Deung nyid da" Israela byumyu" yigi age da" akhyeing" ashoeb khyoo: ri akoid boem loo: za: mhoug" we' amhoug boem loo:- eig phug eig shoid we' akoid boem loo:. Nyangnu" gi nyid gi yab ge lho: gau: nyu: goem loem nyid boem wigi hang" ri we' gyoug anoo" boem loo.

MIKHA 5:8

Byumyu" yi moo nyid deung gyoo" mo, gi siyoo moo zoo: noem ri kuang yen" da" khangkhyi joem yo' dakhyoo" ti" nghoid boem wa. Nyangnu" gi yang phung: gung khyoo: vang yhe: lho: yang joem ri byam zeug myheug yu wigi adu atoem ngaid phyed pyam lho: houg: mo yo" khyoid yu wa da" nheig byu jang: ajo, loo.

EZEKIEL 14:22

Dayham" ashid: lhoo: nyid deing wigi nyangnu" zooshang: yiri khyoid yu nghoid rigi nyangnu" re" jhang re" loo wa ayo, ri yu" nyid we'. Nyangnu" khayhi' akhyeing" ziri myid boin: we'. Houg: lho: ngo wigi Yerusalem adang moo yu loo byid: da" yooboo dam gi jo ziri loem ge'.

2 SAMUELA 17:12

Nyhang" gi David khamoo: nyid ga: ziri sho: myang wigi ciwim ziri nyang: asi' shi" uri yhe: khaid zain: wa zi nghoid. Nyang: we' nya: byu yi dangain" we' loid byoin wa zi anghoid.

COUNG" NGHEI 133:3

Hau: lho: hermon boem tho' moo: gyo" da" gyu: gi Ziun boem tho' moo: khyo' da" gyu: yo' dakhyoo" ti" nghoid. Aseing gi hau: joyoo moo khanham we' athang agoin da" kangso' mainkaid jeju" byid: wa ga: dangsoo" byid: too" bye:.

DANG: ZHOEM 19:12

Khokham nheig joem: yo: zigi khang khyi myeung ziyo' du nyid. Nyang: pang" thoug byid: zi koem gi ca" nyid uri vo, da" moug: gyid yo' du nyid.

DANIELA 11:32

Khokham phoo gi mhoug fain" da" khyo" wigi hau: laloem lakhoug: ri she: pyam khoo' bye: mo, mo pang" thoug ziri yo" yu wa nghoid loug we' Mangso da" byu yiri yhang: ti doem tau" khaid zain: loo goo" wa.

MIKHA 4:7

Nyangnu" gi khyid: yoin" wigi yhoem: moug: mo ve: gang: nyid boem nghoid loug we' nyid deing bang: mo ngo wigi aseig doem nyheing lho: nyangnu" gi gyi: sheung: da" byumyu" doem bue" loo goo" wa. Hau: ayo, mo thang: phyang" apyaid atoo: moo ju" sho' ngoo gi nyangnu" ri Ziun boem tho' moo vhoeb nyid loo wa» ga: tid.

MIKHA 7:18

Aseing we" nang yo' du go" da" mangsoo gootu: khayoo: we' anyid loo: nghoid da:. Nang gi nyid deung jo, da" re" byumyu" yi da" yooboo ri khyoid pyam byid: nyid da:. Nang gi apyaid atoo: moo nheig jha" yo: nyid su: anghoid. Nang koem' gi ngoonu" ri re" geung: teung da" jhed khyeing: kang: khyeing: toin" shed nyid jang" moo nheugshid: nyid.

EZEKIEL 5:5

Yoem: moo" bo Aseing tid zigi «Yerusalem ri yu" yu" we'. Ngoo gi hau: ziri mougmyid agung moo gootu: mungdain: joem dangain" wigi to" jang" moo to" too" bye:.

MIKHA 4:13

Aseing tid zigi «Yerusalem voobyu yi we"- nanu" da" gyivoo yiri yooboo dam yhe: kaid ge'. Ngoo gi nanu" ri joto' khyoug: yo' gyid: mid" khoodo, dab da" nujung loo: yo' dakhyoo" ti" yoem: boo nhang: wa zi nghoid. Nanu" gi byumyu" yi myoo" sho' ri mhoin pyam lho: athoug" akhyoug: khyo" nyangnu" yo" yu to" da" ziyoo jonu" joem ri moug: gyab goin" da" ngoo Aseing ri nanu" lo jung byid: boem wa nghoid.

ZEKHARIA 9:13

Yuda rigi gyizoo: pho lo, lid: yo' dakhyoo" ti" Israela rigi myoo: khaid joem yo' dakhyoo" ti" ngoo ci: wa nghoid. Ziun rigi shamcoin" yo' akhyoo" ti" ci: lho: Greek byumyu" yiri gyi zain: wa» ga: tid.