MIKHA 4:5 - Lacid Common Language Bible

⁵ Byumyu" yi ja: khang" moo" gi nyang: nya: da" yu phara" joem ri coung" pid boem wigi tam" gyo: nyid ago". Nghoid loug we' ngoonu" koem' gi ngoonu" da" Aseing Mangsoo ri apyaid atoo: moo coung" pid lho: nya: ji dang: ri tam" gyo: nyid boem wa nghoid.

MIKHA 4:5 Referans Kwoze

ZEKHARIA 10:12

Ngoo gi nga" byumyu" yiri yoem: gyi: loo nhang: wa. Hougsu" nyangnu" gi ngoo ri coung" pid lho: nga" dang: ri tam" gyo: wigi cang lo boem wa zi nghoid». Aseing tid too" bye:.

KOLOSE 3:17

Houg: yoomo nanu" ce" moo" thu' nghoid loug we' mung main: khyoo: moo we' moozoo" jid: zo" khyoo: moo we' Aseing Yesu myeing ri lang: lho: dangain" ziri dakoid nyid wigi nya: khoug: khyo" phoo mangsoo ri jeju" daboin: so" nyid ge'.

YOSHU 24:15

Nanu" nyang: ri anau dei byid: goo" nghoid rigi hang" ri dei byid: wa khyoo: ri akhid" nyid" myid phyed ge'. Mesopotamia mung" mo nanu" phoug" phyid" yi no' lo da" yu phara" joem anghoid lang" nanu" akhid" nyid nyid da" Amori byu yi yu phara" joem ri dei byid: goo" wa la". Ngoo yo' nga" yhoem: byu yi koem' gi Aseing ri dei byid: wa.» ga: tid da:.

ESAIA 2:5

Akhid"- Yaku da" amyed ashen yi we"- Aseing wigi ngoonu" ri byid: to" da" bidbang moo so" nyid shang.

COUNG" NGHEI 48:14

He: Mangsoo gi pyaid didu mo ngoonu" da" Mangsoo nghoid. Nyang: gi ngoonu" ri ju" loo wa da" kangso' dei khyoo: dangain" moo khyoo: shed vhu" shu" she: loo" wa zi nghoid ga: wigi thang: phyang" pyaid mo byu yiri yo" tid kyo" boem wa.

KOLOSE 2:6

Nanu' gi Khristu Yesu ri Aseing: ga: wigi lhoem: yu bye ziyo' dakhyoo" ti" -nyang: yo' dage" deung: shoin" lho: kangso' dei nyid ge'.

ESAIA 26:8

Ngoonu" gi re" myid vho: ziri cang lho: nang moo ngoonu" myid byu nyid. Nang gi ngoonu" myid vho: khyoo: dangain" nghoid da:.

2 KHOKHAM 17:34

Nyangnu" gi akhid" nyid" ju" sho' nyangnu" da" thung" ri: xoug" joem ri ci: ashi". Nyangnu" gi Aseing ri we' a noku. Nyang: wigi Israela ga: myheing byid: da" Yaku da" amyed ashen yiri byid: to" da" tarha" yo' amyeing" dang: joem ri we' acang boem nghoid ago".

2 KHOKHAM 17:29

Nghoid loug we' Samari moo lo" de: nyid boem da" mung" byu yigi xo' lho: nyangnu" nya: da" yu phara" soolhoo: joem ri koid wigi hau: joem ri Israela byumyu" yi koid to" da" noku joyoo moo: to" to" da:. Nyang: phung: nyang: nyangnu" nyid da" voomoo" joem moo yu phara" soolhoo: joem ri koid ago".

APOEM AYANG: 17:1

Abram goug: xe: goug: zain nghoid ri Aseing gi nya: jhang re" lho: «Ngoo gi myhang: thang da" Mangsoo nghoid. Nga" dang: tam" gyo: lho: ge da" moo" khanham we' dazei: nyid we'.

COUNG" NGHEI 71:16

Ngoo gi Aseing da" gyi: myhang: thang da yoem so, ri coung" byid: wa nghoid. Re" da" ge lho, khyoo: ri za: ngoo tid fu" nyid wa nghoid.

ACTS 14:16

Lai loo" bye: da" apyaid' moo Mangsoo gi xang: su: byu dangain" ri nyangnu" nyang: vho: khyoo" koid wa da" akhang" byid: too" bye.

ESAIA 26:13

Ngoonu" Aseing Mangsoo we"- ngoonu" gi gootu: bang: wigi vhoebkhang" zi shoug" loo bye:. Nghoid loug we' nang dayug za: ngoonu" Aseing nghoid da:.

TARHA" TID POIN" 27:10

Houg: yoomo nyang: ri tam" gyo: wigi akhid" nyid" ngoo nanu" ri byid: da" nya: tarha" dangain" ri cang nyid ge'» ga: tid.

COUNG" NGHEI 20:6

Aseing gi nyang: khyen: yu to" da" khokham ri oung: loo" nhang: bye: ziri akhid" ngoo si' bye:. Nyang: gi nya: da" gyeung" shang: mougkhung: mougdi mo nyang: ri tu" byid: lho: nya: yoem: so' khyo" nyang: ri gyi thang oung: lo" khyoo: byid: bye:.

YEREMIA 32:40

Ngoo gi nyangnu" yo' apyaid atoo: dang: theing koid wa. Nyangnu" shid re" gi koid ziri ngoo athang nhang: wa. Nyangnu" ngoo mo aphoug loo" wa shid re" nyangnu" da" nheigloem: dangain" wigi ngoo ri gyoug phoug" da" myid nyangnu" ri kaid byid: wa.