Biblia Todo Logo
Bib sou entènèt

- Piblisite -




MIKHA 4:3 - Lacid Common Language Bible

3 Nyang: gi byumyu" yi da" agyoo: moo we' Moug: ve: mung" yo' jang" mo yoem: so' gyi: bang: da" agyoo: moo we' tarha" dang: phyed byid: wa zi nghoid. Nyangnu" gi nyangnu" da" shamcoin" joem ri khoin' cam" baid lho: nyangnu" da" lham: toid joem ri bainren" baid pyam goo" wa nghoid. Byumyu" yigi khanham we' meing: zain: ayhi: noo" loo wa meing: zain: go" wa shid re" we' khanham we' asoin' ca" loo: wa.

Gade chapit la Kopi




MIKHA 4:3
40 Referans Kwoze  

Nyang: gi gyi: sheung: da" byumyu" yi agyoo: moo tid ngeug ziri tid veing" byid: wa. Nyangnu" shamcoin" joem ri khoin’ baid lho: Nyangnu" lham: toid joem ri sham: thoo" baid yu goo" wa. Byumyu" yigi khanham we meing: adoem zain: loo: wa. Meing: zain: pa: shid re" khanham we’ adoem soin' loo: wa.


Hau: ayo, moo ngoo gi siyoo gougnyhoug yo' ngho' joem dangain" ri dang: theing to" lho: nyangnu" gi nga" byu yiri dam atab goo" wa. Ngoo gi hau: mung" mo gyi zain: wa gyi jonu" dangain" ri yu pyam byid: wa. Shamcoin" dangain" yo' lid: dangain" ri yu pyam byid: lho: nga" byumyu" yiri yug yo ziyo' goem loem nyid nhang: wa.


Khasu" wim gari nyang: khyen: yu too" su: da" lo, khyo" wigi nyang: gi mougmyid gyab, goin" ziri dain: nyeung khyo" tarha" dang: phyed' wa da" bidnyid' ri mhe, phyed' to" abye:. He: Khyoo: yo' sen: lho: yug khang" moo" ri sag si: toin" shid' wa shid re" hau: yug ri shid: jang" mo doem, dei to' loo nhang: bye.


Zeig ni joem yo' yang nu" joem dage" voem: shoo: zoo: loo wa. Nu: joem yhang: ti" khangkhyi joem gi khoofoo: zo: loo goo" wa. Lhangmyu joem ri agyug noo" loo: wa. Lhangmyu joem da" zoo: noem gi myidzhoo" nghoid wa. Nga" da" gyeung" shang: da" boem gung Ziun: moo gyoug pho" dam tab khyoo: yo' akhyeing" ashoeb khyoo: ci: we' ajo, loo wa» ga: tid da:.


Khasu" wim ga: ri nyang: gi byumyu" dangain" bang: ri nyeung veung" ziyo' gam mi gam shoo" yi vhoebkhang" nyid wa zi nghoid.


Nyang: gi mougmyid tho' mo byumyu" yiri nyeung veung" tarha" yo' gam mi gam shoo" yi vhoebkhang" nyid wa zi nghoid.


Moug: khung: moug: di ri phang kaid' lang" houg: moo myang: phyu: ju: nyid su: ri ngoo myang kaid'. Hau: myang: tho' moo zhoung: jo, su: gi deing byeung" ziyo' deingmain" su: nghoid. Nyang: gi nya: da" meing" zain: gyipui" moo tarha" nyeung veung" khyo" zain: nyid su: nghoid.


Hau: thang: ri Aseing gi shid phyang" nyang: meing: zain: lo yu" bye: yhang: ti" nyangnu" ri shu" thu lo" lho: hau: byumyu" yiri zain: loo wa zi nghoid.


Aseing gi hidsu" ga: tid «Ngoo gi Israela yi da" gyimyang: rheing" ri yu pyam' byid: wa nghoid. Yerusalem mo gyi zain: myang: joem ri we' shoem" pyam' byid: wa. Gyipui" moo ci: da" lo, lid: joem ri we' khyau" pyam' byid: wa nghoid. Nyangnu" da" khokham ri ngoo gi byumyu" yi veing" go" da" lu dang: ri tid fu" loo" nhang: wa. Nyang: gi panglai: dathoem" mo zi thei: dathoem" khyoo: ju" sho' Uphrad gyid lang mo wigi mougmyid thang sho' moo vhoeb wa nghoid» ga: tid.


Hau: lho: nga" da" nheig yo: zi yoomo nga" da" dang: atam" gyo: da" byumyu" yi dangain" ri ngo wigi latoo: phug byid: wa zi nghoid.


Ngoo gi byumyu" yi dangain" ri zheung" yu lho: nyangnu" ri dang: phyed lang: khoug: khyoo: shu" loo" wa. Houg: moo nyangnu" wigi nga" byumyu" yiri koid lid lo da" moo" dangain" shid re" ngoo gi nyangnu" ri dang: phyed byid: wa nghoid. Nyangnu" gi Israela byumyu" yiri tungbau mung" khyoo: khaid sain" pyam lho: nga" mungdain: Israela ri kho' sain" pyam da:.


Hau: khokham yi da" apyaid moo mougkhung: mo Mangsoo gi khanham we' athang agoin da" mungdain: daloem: ri jo, loo nhang: wa. Hau: ziri khanham we' ayo" oung: pyam goo" wa. Nghoid loug we' hau: ze wigi koem' gi hau: mungdain: dangain" ri bain sho' phyo' shoin' pyam lho: hau: thang: hau: zigi apyaid atoo: moo geing: teing jo wa.


Nghoid loug we' nang ri adei byid: da" byumyu" yigi Bain sho' phyo' shoin' pyam' zi shau" loo goo" wa.


Ngoo gi myab ju" re" wigi nyangnu" ri khyoid yu wa. Nga" oung: doid zigi jhang re" abye:. Byumyu" yi adang moo ngoo wigi vhoeb wa. Ve: da" mungdain: joem gi ngoo ju" loo wa ziri lang" nyid ago". Nyangnu" gi nyangnu" khyoid yu wa myid byu ziyo' ngoo ri lang" nyid boem.


Yoem: so' bo da" byumyu" yigi nang ri coung" nghei loo wa. Anau akhyoid koid da" byumyu" yi da" voomoo" joem moo nang gyoug phoug" byid: zi shau" loo wa.


Nya: da" khokham yoem: so' gi xo' wigi gyi: sheung: loo wa. Nya: mungdain: gi khanham we ngei pyo: yug yo jo, wa. Nyang: gi akhid: nyid" mo zi ayo, thang sho' jo ziyo tarha" nyeung veung" da" adang moo nya: yoem: so' ri ayang: to" lho: khokham David khoo: moo khokham xo' koid yug khyo" vhoeb loo wa. Myhang: thang Aseing gi he: gu dangain" ri koid wa myid phyed too" bye:.


Mangsoo we"- ri" we'. Mougmyid ri vhoebkhang" nyid we' byumyu" yi bain sho' bang: gi re" byu za: danghoid nyid boem.


Deing byeung" khyoo: gi nya: pyaid goin" moo: gyi: sheung: loo baja". Lhammoo" gi nya: yoeb bang dayo" pang nyid nyid gi nyid gi nyid de lo khyoo: gi dageung: teung jo, baja".


Nyang: gi mougmyid tho' mo gyipui" dangain" ziri no: loo" nhang: lho: lid: joem ri khyau" pyam, wigi lham: toid joem ri we' adu atoem' koid pyam wigi gyi goo, joem ri myi: yo' nghe' pyam bye:.


Aseing da" gyivoo yigi lhu: phyo' pyam zi thung" shoug" goo" wa zi nghoid. Nyangnu" ri thougtheung wa shid re" nyang: gi mougkhung: mo moug: goem: ri goem: nhang: wa zi nghoid. Aseing gi mougmyid gyab goin" ri tarha" dang: phyed byid: wa zi nghoid. Nya: khokham ri yoem: so' byid: wa zi nghoid. Nyang: khyen: to" da" khokham ri oung: doid loo" nhang: wa zi nghoid.


Mougmyid yoosoo" gi yo" loo de lo da" khyoo: ri goug goug yi yi shoug" kham: yu goo" baja"- deing: byeung" khyoo: moo: cang lo" nyid goo" baja".


Yoem: moo" bo da" Aseing gi hidsu" ga: tid shi" «Voomoo" thoem" moo" myoo" sho mo wigi Yerusalem voomoo" khyoo: byu myoo" sho' zeung: loo wa da" bidnyid ju" lo nyid bye:.


Nyang: tid zigi Meing: zain: go" khyoo: ri no: pyam ge'. Ngoo gi Mangsoo nghoid- ngoo gi byumyu" yi da" mo, phung: gung moo: we' mougmyid pyaid goin" da" atho' moo: we' myhang: thang su: nghoid ziri si' we'.


Ngoo gi nga" dangsoo" ri zoem: ci: wigi nang ri nga" re" bui' nhang: wa. Houg: lho: nang gi ngoo ri re" Aseing khyo" kham: yu loo wa.


Swiv nou:

Piblisite


Piblisite