MIKHA 2:10 - Lacid Common Language Bible

¹⁰ To' ge'. Yhe: loo" loo: ge'. Hid: moo gau: nyu: khyoo: ci: we' ajo, loo:- nanu" da" yooboo gi he: joyoo ri byo, yoin loo" wa da" nheing" khoin" zang" jo, abye:.

MIKHA 2:10 Referans Kwoze

TARHA" TID POIN" 12:9

Ciwim gari nanu" myenjham" tung" yo" nyid wa joyoo nanu" Aseing Mangsoo nanu" ri byid: wa nghoid da" mungdain: khyoo: nanu" ayo" vang yhi: shi" yoomo nghoid da:.

COUNG" NGHEI 106:38

Nyangnu" gi ce: yooboo adab da" zooshang yiri: said boem. Hougsu" byu said boem yoomo mungdain: ri anyhoin: athung" bui" nhang: bye:.

YEREMIA 10:18

Aseing gi nanu" ri he: mougmyid mo khaid thu kaid loo wa. Nyang: gi nanu" ri dayug we' adeing loo sho' khyoeb said pyam loo wa myang. Aseing tid too" bye:.

YEREMIA 9:19

Ziun mo nyho: ngau nyid da" thui: ti" tam" gyoo: ge'. «Ngoonu" gi byo, yoin" byug bye:. Ngoonu" gi bain sho' ngi yoem" byug bye:. Ngoonu" gi ngoonu" moug: ri too" kho' lho: Ngoonu" da" yhoem: joem ri phyo' pyam shoug" bye:- ga: ngau nyid ago".

COUNG" NGHEI 95:11

Ngoo gi nheig yoo: nau nyid ziyo' Nyangnu" ri myenjham" za: shoug" nyid wa shid re" ngoo byid: wa ein: da" mungdain: khyoo: khanham we' ayo" vang loo" goo" wa ein: ngoo nheung" too" bye:.

2 KHOKHAM MHOOMYID: 7:20

Ngo wigi nang ri byid: to" da" mung" mo nang ri yu pyam lho: ngoo ri noku wa joyoo khyo" ngoo gootu: tu: soin' to" da" he: Noku Yhoem: Moo" ri ngoo she: pyam pyam wa. Khyi' khang" moo" byu yigi hau: ziri juang" yi wigi aphoug" akhyoid koid loo goo" wa.

2 KHOKHAM 17:6

Hoshea vhoeb zi goug: zain ein: zain moo Asuri khosen gi Samari ri seing: yu lho: thung: byu yi khyo" Israela byu yiri Asuri mung" khyoo: shu" lo" ago". Dayham" ri Hala voomoo" moo dayham" ri Gozan mung" du mo Habora gyid lang nam moo dayham" rigi Media byu yi voomoo" joem moo nyhid: to" ago".

2 KHOKHAM 15:29

Peka khokham koid nyid ayo, moo Asuri Khosen Tiglad Pilesa gi Iyon- Abela Bed Makha- Yanoa- Kedesha- Hazora voomoo" joem yo' Gilead- Galile- Nabthali mougmyid joem ri seing: yu pyam wigi voobyu yiri thung: byu khyo" Asuri mung" khyoo: shu" lo" ago".

1 KHOKHAM 9:7

Ngoo nyangnu" ri byid: too" bye: da" he: mungdain: mo nga" byumyu" Israela bang: ri pyoung" shu" pyam wa zi nghoid. Ngoo ri noku wa da" joyoo ngoo khab yu too" bye: da" he: Noku Yhoem: Moo" ri we' ngoo she: pyam pyam wa zi nghoid. Khyi' khang" moo" moo nyid da" byumyu" yigi Israela byumyu" yiri aphoug" akhyoid koid ziyo' anoug ashoo" koid goo" wa zi nghoid.

TARHA" TID POIN" 30:18

nanu" gi phyo' shoin' pyam zi shoug" wa. Hid: moo ngoo nanu" ri akhid" tid poin" nyid bye:. Nanu" gi Yodan gyid lang thei: shoid mo nanu" yhe: seing: nyid wa za: danghoid lo: da" mung" moo myang" sho' ayo" dei nyid wa.

TARHA" TID POIN" 4:26

Nanu" nga" amyeing" dang: ri atam" gyoo: goo" nghoid rigi nanu" hau: mung" moo amyang ” ri bei: lo" boem goo" wa ein: akhid" nyid" nanu" shid moo sagse: khyo" wigi ngoo gi mougkhung: yo' myidjang ri khe: wigi tid bye:. Yodan gyid lang ri gu: dab wigi nanu" yhe: seing: yu wa da" mung" moo nanu" gye" myang" sho' anyid boem goo" wa. Nanu" gi bain sho' said toem" pyam zi shau" boem wa zi nghoid.

YEREMIA 3:2

Boug gung khang" moo" khyoo: yu" kaid we' nang gi shava myhi' yhang: ti" akoid lid: lo da" joyoo daloem: jo, ashi" rhe". Arab byu dayug gi dain" pyoid yoo moo gau" lhoem: nyid yhang: ti" nang gi fu" moo" khyoo: yam cang wigi zooyam phoo joem ri lang" nyid da:. Nang gi re" shava myhi' moo" wigi hau: mougmyid ri ayung" alho' koid pyam abye:.

EZEKIEL 36:17

Nyang: gi «Shid se' da" byu we". Israela byumyu" yigi nyangnu" da" mougmyid moo nyid boem uri nyangnu" gi nyangnu" nyid da" avoid yo' nyangnu" koid da" lo, moo" khyo" hau: mougmyid ri ayung" alho' bui" nhang: da:. Ngoo gi nyangnu" da" akyang" ri mi ci: da" ayo, mo myiyi: yhang: ti" laloem: lakhoug: thung" khyo" ayung" lhoo' ein: myid byid: da:.

EZEKIEL 36:19

Nyangnu" nyid da" avoid yo' koid da" moo" zoo" shid re" nyangnu" ri ngoo dang: phyed bye:. Houg lho: ngoo gi nyangnu" ri tungbau meing: joem khyoo: khaid sain" kaid bye:.