MATHE 6:24 - Lacid Common Language Bible

²⁴ «Hang" nghoid loug we' Aseing: eig youg jang" moo lang: jhang yo" vang wa zi anghoid. Nyang: gi dayug ri ngheing" lho: dayug rigi jheddab wa zi nghoid. Houg: su" anghoid lang" gi dayug rigi vho: lho: dayug rigi anoug angei koid: zi nghoid. Nanu" gi Mangsoo ri we' moug myid ziyoo jonu" ri we' dage" lang: jhang yo" vang wa zi anghoid.

MATHE 6:24 Referans Kwoze

LUKA 16:13

Yhoem: seing: eig yug moo dei zoo: vang da" byu hang" we' anyid. nyang: gi dayug ri ngheing" lho: dayug rigi ngei wa. Nyang: gi dayug ri phau" myang: lho: dayug rigi aphoug" akhyoid koid: wa. Nanu" gi Mangsoo: yo"- ngei sheing: ri davhu" dam dei zoo: yo" koid: wa zi anghoid.

YAKU 4:4

Dang: azung" mo, nanu" gi mougmyid yo' bidnoem koid nyid mo, nanu" gi Mangsoo ri gyi koid shoo" koid nyid mo, nghoid ziri nanu" nyang: si' shi" go" la". Moug: myid ri bidnoem koid noug su: gi Mangso da" gyivoo danghoid nyid.

GALATI 1:10

Khasu" wim gari ngoo hid: su" tid nyid zigi byu yi wigi coung" byid: nghei byid: zi yo" yu wa shid re" koid nyid zi nhghoid la". Houg: su" we' anghoid o". Ngoo vho: ngei nyid da" khyoo: gi Mangso myid veung" vho: ngei da" khyoo: yo" yu wa shid re nghoid. Ngoo gi byu shid khoin" moo myeing fu" nheing" sho' ein: yoem: kaid la". ngoo houg: su" dakoid nyid nghoid rigi Khristu da" dei zoo ngoo nghoid wa zi anghoid..

YOSHU 24:15

Nanu" nyang: ri anau dei byid: goo" nghoid rigi hang" ri dei byid: wa khyoo: ri akhid" nyid" myid phyed ge'. Mesopotamia mung" mo nanu" phoug" phyid" yi no' lo da" yu phara" joem anghoid lang" nanu" akhid" nyid nyid da" Amori byu yi yu phara" joem ri dei byid: goo" wa la". Ngoo yo' nga" yhoem: byu yi koem' gi Aseing ri dei byid: wa.» ga: tid da:.

MATHE 4:10

Yesu gi yu satan: ri hid: su" ga: doem tid. «satan: we"- nga" jang" mo thu' loo" we'. Khasu" wim gari nang gi re" Mangsoo ri za: vhu" pid pid ca"- Cung" nghei byid: ca" ga: tid to" zi nang anghab yu" lha"» ga: phoug tid.

LUKA 16:11

Houg: su" nghoid yoomo nanu" mougmyid soidgain khyoo: moo lang" deung main" khyoo: ajo, rigi deung main" da" soidgain khyoo: moo khasu" nanu" ri yo" loem wa lha".

1 KHOKHAM 18:21

Elia gi byumyu" yi nyid jang" khyoo: do, lo" wigi «Khamyhang ju" sho' nanu" nheigloem: moo amyid phyed lho: nyid wa la". Aseing gi Mangsoo nghoid rigi nyang: ri noku ge'. Anghoid lang" Bala gi Mangsoo nghoid rigi nyang: ri noku ge'» ga: tid. Nghoid loug we' byumyu" yigi dang: dakhoin" we' atid goo" nghoid da:.

1 TIMOTHI 6:17

He: mougmyid' moo kangso' dei nyid shi" baja"- ageing: ateung da" sudgain' yo' nyid gi nyid de da" khyoo: moo nanu" da" nheig nhei: joyoo akoid loo: za: ngoonu" goug goug yi yi yo" kham: yu wa shid re" ziyoo soidgain' dangain" ri yo" byid: da" Mangsoo moo nheig nhei: jang: geung: teung jo, wa shid re" amyeing" byid: nyid we'.

1 SAMUELA 7:3

Samuela gi Israela byumyu" yiri nanu" da" Aseing jhang khyoo: nanu" da" ung: khoug: nheigloem: dangain" yo' lheung: lo boem nghoid rigi tungbau yu phara" soolhoo: dangain" ziyo' yu phara" myhi' Astarte da" soolhoo: dangain" ziri she: pyam ca" boem wa zi nghoid. Nanu" nya: gung hau: Aseing ri bain sho' shugbyid: to" wigi nyang: ri kyeing" za: noku loem khau: nyid boem nghoid rigi nyang: nanu" ri Philisti byumyu" yi da" lo, mo khyoid yu wa zi nghoid.

2 KHOKHAM 17:41

Houg: yoomo hau: byumyu" yigi Aseing ri noku boem nghoid loug we' nyangnu" gi nyangnu" yu phara" soolhoo: joem ri no ago". Akhid" nyid" ju" sho' nyangnu" amyed ashen yigi houg yo' dayhang: ti" za: xo' koid nyid ago".

LUKA 16:9

Hau: tho' moo Yesu «gi Mougmyid jonu" yo' bidnoem koid: ge'. Hau: ziyoo jonu" yo" gu: thang loo" lang" Mangsoo: gi ngei pyoo: athang da" yhoem: moo lhoem kham: yu wa zi nghoid.

EZEKIEL 20:39

Yoem: moo" bo Aseing tid zigi «Akhid" Israela byu nanu" dangain"- nanu" nya: gung ri ngei bu: nyid ge'. Nanu" da" yu phara" soolhoo: joem ri xo' lho: dei byid: ge'. Nghoid loug we' hau: thang: ri gi nanu" nga" dang: ri tam" gyo: cang yhe: ca" ziyo' nanu" da" yu phara" soolhoo: joem ri xoin" ngei" byid: da" khyo" nga" gyeung" shang: myeing ri ngi: yoem" nhang: ziri theing: pyam ca" goo" wa ein: tid poin" nyid.

2 TIMOTHI 4:10

Dema gi he: da" mougmyid' ri jheddab yoomo ngoori she: pyam' khare" lho: Thesaloni voo khyoo: loo" khari" bye. Kareka gi Galati mung" khyoo: Titu gi dalamati mung" khyoo:- zheung: yhe: lo" boem bye.

ZEPHANI 1:5

Yhoemkhung: tho' khyoo: do, lo" lho: bid kyi: lhammoo" joem ri noku bang: hang" ri we' ngoo phyo' shoin' pyam wa. Ngoo ri noku zi jhug zug ga: jham' tang: too" nghoid loug we' Moleg yu phara" da" myeing ri yu lho: jham' doem tang: bang: ri we' phyo' shoin' pyam loo wa zi nghoid.

APOEM AYANG: 47:17

Houg: yoomo nyangnu" gi gougnyhoug joem ri Yoseb jhang ci: re" boem wigi nyang: gi nyangnu" da" nu:- myang:- loo zei:- coidbaid- yang joem yo' nyangnu" ri zoo: shug lhoem: thid byid:. Hau: zain ri nyang: gi nyangnu" da" yhoem: myhu: gougnyhoug joem dangain" yo' thid lho: nyangnu" ri zoo: shug yo' khu: bye:.