MATHE 6:12 - Lacid Common Language Bible

¹² Subi" ngoonu" ri shoid' da" yooboo- ngoonu" khyoid pyam' byid: yhangti"- ngoonu" da" yooboo ri we' khyoid pyam' byid: we'.

MATHE 6:12 Referans Kwoze

Ephesu 4:32

Hougsu" koid wa da" gung khoo: gi nanu" nyang: cang" nyang: nheig khyeig go" khyoo: nheigloem: nu" nham, ziri toin" shid go" nyid wigi Mangsoo gi Khristu khyo" wigi nanu" da" yooboo ri khyoid pyam byid: bye: ziyo' dakhyoo" ti"- nanu" we' nyang: cang" nya: da" yooboo ri khyoid pyam' byid: go" nyid ge'.

MARKU 11:25

Nanu" akyu" mho' yab, jo, uri nanu" ri shoid too" mo, da" yooboo ri khyoid byid: ge' Houg: lang" za: moug: khung: tho' mo Phoo, Mangsoo: gi nanu" shoid vhang: da" yooboo joem ri we' khyoid pyam byid wa nghoid.

Ephesu 1:7

Khasu" wim gari Khristu gi xoin" du: khyo" shid: kham: ziyo' ngoonu" ri loid byoin, loo" nhang: bye- hau: zigi ngoonu" da" youg: noo yooboo ri khyoid pyam byid: wa da" khyoo: nghoid- nyang: ngoonu" ri hid: yhi' agoin ayu: byid: to" da" Mangso jeju" gi khayhi' gyi: sheung: jo, bye: lha". Nya: da" phajhi" juyhi: khyo" we' nheigloem: phajhi" dangain" yo we'.

KOLOSE 3:13

Nanu" mo dayug yug da" atho' moo yooboo foin: jang: jo, nghoid rigi nyang: cang" nyang- kham, zeing: go" ziyo' nyang: cang" nyang: yooboo ri khyoid pyam' byid: go" nyid ge'- hau: Aseing: gi nanu" da" yooboo ri khyoid pyam' byid: bye: ziyo' dakhyoo" ti"- nanu" nyang: cang" we' yooboo ri khyoid pyam byid: goo" ca" nyid.

LUKA 11:4

Ngoonu" ri subi" shoid da" yooboo- ngoonu" khyoid pyam byid: yhangti"- ngoonu" da" yooboo ri we' khyoid pyam byid: we'. Ngoonu" ri yau: da" jhu, phyo' ca: yu" jang" khyoo: ayhi: nhang.

LUKA 6:37

Subi" ri joid tab yooboo afoin: goo"- houg: su" nghoid lang" Mangsoo gi nanu" ri joid atab yooboo afoin: loo: nyid wa. subi" ri gam vhoo: akhyo, goo"- houg: su" lang" she- Mangsoo gi nanu" ri gam vhoo: akhyoo loo: nyid wa zi nghoid. Subi" da" yooboo ri khyoid pyam byid: ge' houg: su" lang" she- Mangsoo gi nanu" da" yooboo ri kyoid pyam byid: wa.

THU' LO" MOUGSOUG" 34:7

Ngoo gi byuxeig khyeing" khyeing" moin moin shid re" nga" dangsoo" ri cang su: nghoid. Yooboo yo' akhyeing" ziri khyoid pyam byid: su: nghoid. Nghoid loug we' ngoo gi soem" myid: xeig ju" sho' nya: zoo: nya: myid: yiri nyangnu" myhi' phoo yi da" yooboo shid re" dam byid: su: we' nghoid» ga: tid.

COUNG" NGHEI 32:1

Nyang: nya: da" yooboo mo lhoid pyoin kaid zi shoug" lho: shoid vhang: jang" mo loid byoin zi shoug mo, gi ngilho' nyid.

COUNG" NGHEI 130:4

Nghoid loug we' nang gi ngoonu" ri yooboo khyoid pyam byid: nyid. Houg: yoomo ngoonu" gi nang ri gyoug phau" tam" gyo: nyid boem.

1 KHOKHAM 8:39

nyangnu" akyu" mho' dang: ri tam" gyoo: byid: we' o". Re" mougkhung: mungdain: yhoem: mo nyangnu" ri tam" gyoo: byid we' yooboo khyoid byid we' nyangnu" ri pang" thoug we' o". Nang dayug za: byu da" nheigloem: moo myid soin' nyid ziri yo" se' da:. Yugkhang" moo" gi nyang: nya: koid da" moo" yo' dayhang: ti" shoug" kham zoo: baja" o".

1 KHOKHAM 8:30

Nga" akyu" mho' dang: yo' re" byumyu" yi he: joyoo khyoo: shu: wigi mho' da" nyangnu" akyu" mho' dang: ri tam" gyoo: byid: we' o". Mougkhung: mungdain: mo re" yhoem: moo: ngoonu" da" akyu" mho' dang: ri tam" gyo: wigi ngoonu" yooboo ri khyoid byid: we' o".

ESAIA 1:18

Aseing gi «Akhid" hau: moo" ri sho' pyam boem ge'. Nanu" yooboo gi suid" su" ne dab jo, nghoid loug we' ngoo gi nanu" ri gyu: yhang: ti" phyu: sho' cid" pyam byid: wa. Nanu" byang: byang: ni sho' dab nghoid loug we' yang moug" yhang: ti" phyu: loo goo" wa.

DANIELA 9:19

Aseing we" ngoonu" ri gyoo: byid: la. Aseing we" ngoonu" ri yooboo khyoid byid: la. Aseing we" ngoonu" ri tam" gyoo byid: wigi lo, moo" zei: we'. Nang Mangsoo nghoid ziri yugkhang" moo" se' loo wa shid re" zo" mo akoid nyid. He: voomoo" yo' he: byumyu" gi re" re" nghoid ago".

1 KHOKHAM 8:34

Nyangnu" ri mougkhung: mo tam" gyoo: byid: we' o". Re" byumyu" yi da" yooboo ri khyoid pyam byid: lho: nang nyangnu" phoug" phyid" yiri byid: bye: da" mougmyid khyoo: nyangnu" ri doem shu" yu we' o".

1 KHOKHAM 8:50

Nyangnu" yooboo dangain" yo' nang ri gyi koid thougtheung khyoo: dangain" ri yooboo khyoid byid: wigi nyangnu" da" gyivoo yi nyangnu" ri nheig khyeug shoomyen: loo nhang: we' o".

ACTS 13:38

Hougsu" nghoid yoomo Israela mang: nhung" yi we"- hau: Yesu khyo" wigi yooboo khyoid pyam' byid: zi shau" ziyo' sen: lho: nanu" ri kho" kyo" nyid da" Yesu ri loem" jeing" bang: dangain" gi Moshe da" tarha" wigi ayo" lhoid' pyoin, kaid' da- yooboo dangain" jang" mo, yo" loid byoin lo" da" khyoo: ri we' nanu" ri ngoo si' nhang: nau, zi nghoid.

MATHE 9:2

Houg: lang" yu" ge'. gung ajoem shid: da" byu dayug ri nyangnu" gi Yesu jang" moo dangzuang mo dang go" re. Nyang: gi nyangnu" da" loem jhing nheigloem: ri myang lang" «Nga" zoo: we" nheig angi loo: nyid we'. Re" yooboo ri khyoid pyam' byid: bye:» ga: ajoem: shid: su: ri tid.

MATHE 26:28

He: da" zigi nga" suid" nghoid. He: da" suid" yo" Mangsoo dang: theing da" dazid thoug" too" bye. Byu myoo" sho' mo da" yooboo ri khyoid pyam byid: wa shid re" shoin: pyam da" nga" suid nghoid.

LUKA 13:4

Siloam voo mo do, pyu zung- byo gyo" lho: wigi nhe, said pyam da" byu daxe: shed' youg bang: gi gootu: da" Yerusalem voo byu yi tho' moo yooboo je yoo" mo, nghoid ein: nanu" myid go" la".