MATHE 5:9 - Lacid Common Language Bible

⁹ «Shangei shapyoo: si' mo, gi ngilho' boem wa. Khasu" wim gari nyanu" nyang: ri Mangso da" nya: zoo: ga: myheing: byid: boem wa.

MATHE 5:9 Referans Kwoze

HEBRE 12:14

Byu yug khang" moo" yo' ngei pyoo: tung" za: yo" zoem" khau: nyid sho' we' gyeungshang: da" kangso' dei khyoo: moo ju" loo" sho' we' cang sho: yoem: kaid nyid ge'. Khasu" wim gari hau: ja" jeju" yoem: vhoo" abo nghoid rigi hang" we' hau" Aseing: ri shau" myang wa zi anghoid.

Roma 12:18

Byu dangain" yo" myenjham" ngei pyoo: za: zoem" jeung" nyid ge'.

GALATI 5:22

Nghoid loug we' hau: venyi da" ashi" koem gi jheddab zi gau yi zi ngei bu khyoo: nheigloem: sheung: khyoo: nheig khyeug khyoo:- ge, lho, khyoo:- dang sadi zung" khyoo: nghoid.

COUNG" NGHEI 120:6

Ngoo gi ngei pyo: myenjham" khyoo: ri avhoo: angei da" byu yi yo' dage" myang" sho' soung nyid pyam bye:.

Roma 8:14

Mangso: da venyi khyoo: shid' u" she: da zi ri kham: yu da" byu yi gi Mangso: da" nya: zoo: yi nghoid bye.

LUKA 6:35

Nanu" gi gyivoo yi ri jheddab ge' Jeju" koid: ge' daja: ja: khyalhang" doem yo" yu abe ein: amyid nyid loo:- jhid" byid: nghoo" byid: ge'. Houg: su" koid: nghoid rigi Nanu" gyi: thang da" jhungshug ri yo" yu wigi myhang: thang da" Mangso da" nya: zoo: yi nghoid boem wa. Hau: Aseing: gi jeju" ase' boin: mo, yo"- akhyeing" ashoeb mo, ri jeju" koid: nyid.

2~KORINTHU 13:11

Nga mang nhung" yi we"- akhid" ngoonu" vhu" kaid boem. Nanu" dangain" bang: ngei pyo: nyid goo" baja" o". Joeb joeb byeung" byeng" yo" bue" nyid sho' xo' lho: yoem: kaid thoug shang nyid ge". Nga" mho' nyhoem: dang: ri tam" gyo: wigi nanu" nyang: cang" ving" go" lho: ngei pyo: myen jham nyid ge'. Jheddab e" myed bo ziyo' ngei pyoo: nhang: da" Mangsoo gi nanu" yo' dage" danyid nyid baja" o".

KOLOSE 3:13

Nanu" mo dayug yug da" atho' moo yooboo foin: jang: jo, nghoid rigi nyang: cang" nyang- kham, zeing: go" ziyo' nyang: cang" nyang: yooboo ri khyoid pyam' byid: go" nyid ge'- hau: Aseing: gi nanu" da" yooboo ri khyoid pyam' byid: bye: ziyo' dakhyoo" ti"- nanu" nyang: cang" we' yooboo ri khyoid pyam byid: goo" ca" nyid.

COUNG" NGHEI 34:12

nang gi ngei pyo: kang: dei khyoo: ri vho: ngei la". Kang: sheung: lho: gau yi ngei pyo: nyid nau la".

MATHE 5:48

Houg: su" wigi Mougkhung: tho' moo nanu" da" nya: phoo gi joeb byeung" nyid ziyo' dakhyoo" ti"- nanu" we' joeb byeung" nyid ge'.

2~KORINTHU 5:20

Houg: su" nghoid yoomo ngoonu" gi Khristu da" khyoo: tid led: loo bye: da:- Lagyoo: yi nghoid wigi Mangsoo nyang ngoonu" da" nhoid khoin" thui: khyo"-nanu" ri khe: lhoung nyid zi nghoid lho: Mangsoo gi nanu" nya: gyivoo yi bue" nyid jang" mo nya: da" bidnoem yi bue" loo nhang: baja" ga: Khristu da" gungxung ngoonu" mho' sang: nyid boem.

ACTS 7:26

Hau: thang: nyid rigi Israela byumyu" eig yug myeing" myoo: go" nyid lang" ziri Moshe yhe: myang wigi nya: eig yug ri mo, byo, kang" lho: tam gyo: yu" ge'. re" eig yug gi Israela mang: nhung" nyang: cang" danghoid ri cenoem wim wigi houg: su" se' byo, go" nyid lha: ga: yhe: tid.

MATHE 5:45

Houg: su" nghoid ri za: Mougkhung: tho' moo nyid da" phoo Mangso da" nya: myid: nya: zoo: yi gi nanu" yo" bui" wa zi nghoid. Khasu" wim gari agi mo, yo" gi mo, da" tho' moo nya: bid ri thu' nhang: nyid wigi deung byeung" mo, yo" adeung byeung" mo, da" tho' moo moug: ri voo byid: nyid.

1 KHOKHAM MHOOMYID: 12:17

David gi nyangnu" ri yhe: shau" wigi «Nanu" ngoo ri pang" thoug wa bidnoem khyo" re" nghoid rigi hid: moo: nanu" ri tau yu da:. Ngoonu" yo' xo, tei" goo" shang. Nghoid loug we' nanu" ngoo ri gyivoo yi lo, khyoo: ab byid: wa soin' boem nghoid rigi nanu" ri ngoo dam atab sho' nghoid loug we' ngoonu" da" phoug" phyid" yi da" Mangsoo gi hau: ziri se' wigi nanu" ri yooboo dam byid: wa» ga: tid.

1Korinthians 6:6

Akhid" gi Aseing Yesu ri aloem" ajeung" bang: da" shid khoin" moo- Khristain mang: nhung" nyang: cang" yung" shug go" nyid goonhung: lha"

PHILIPI 4:2

Eodia yo' Suntuki eig yug we"- hau: Aseing: moo abi: anhung" nghoid nyid boem ziyo' dakhyoo" ti"- nheigloem: shikain" shoin" wa shid re" ngoo re" eig yug ri mho' kaid'.

LUKA 20:36

Nyangnu" gi moug: lagyoo: yi yhangti" nghoid yoomo yo" shid: loo: wa zi anghoid. Nyangnu" gi shid: da" jang" mo doem dei to'' loo mo, nghoid yoomo Mangso da" nya: zoo: yi nghoid boem bye.

Ephesu 4:1

Hougsu" nghoid yoomo hau: Aseing: da" moo" voin vu, da" gang mo thung: oung" jo, su: ngo Polu gi Mangso wigi nanu" ri nyang: khe: yu da" bidnyid moo nyang: ke' too" byid: da" laleig laki, azhang myhi: da" kangso dei khyoo: moo kangso dei so" loo" wa shid re" ngoo nanu" ri joug jhoin" nyid.

Roma 8:16

Ngoonu" gi Mangso: da nya: zoo: yi yo" bui" lo da" khyoo: ri young" gyeing" venyi nya: gung nyang: lang" ngoonu" da" venyi yo" dage" sagsi kham: nyid.

Roma 8:19

Moug: myid goin" mo phain" too" shau" su: gi Mangsoo: nya: zoo: yi ri thu' myang loo nhang: wa da" moozoo" joem ri gye nheig byu myid lang" nyid boem.