MATHE 5:12 - Lacid Common Language Bible

¹² Gauyi zoore" pyoo" pyoo: danyid ge'. Khasu" wim gari mougkhung: tho' moo nanu" da" vhu" kung: phoug" gi gye" myo: jo, bye.

MATHE 5:12 Referans Kwoze

LUKA 6:23

Houg: yhangte" da" khyoo: thoung" shau" zo: da" uri gau yi nyid ge'. Gau wigi go" yen" ge'. Mougkhung: tho' moo nanu" da" jhung: shug gi gye" myoo jo, bye. Hid: su" nanu" ri age khyo" koid: mo, da" nya: phoug" nya: phyid" gi shid' phyang" mo lapi: yi ri we' houg: su" nyang: shen" yhen pyi: sho: led lo boem bye.

YAKU 1:2

Nga" mang: nga" nhung" yi we"- ca: jhu, phyo' da" khyoo: aja: ja: thoung" shau" nyid da" uri gau, yi cang boo bye" ein: myed nyid loo: ge'.

KOLOSE 3:24

Aseing: gi nya: byumyu" yi shid' re" shoung: to" da" agyid asoo: ri jhung: shug khyo" wigi nanu" ri byid: zi nghoid ziri daboin: so" nyid ge'- khasu" wim ga: ri Khristu koem gi pang" zei: nyid da" Aseing: agyeing" nyang: nghoid bye.

1PETERU 4:13

Mau" nyid wa shid' re" gi Khristu kham: yu bye: da" kyi" khyeug shen" yhen da" khyoo: ri Yesu yo' dage" bo shau" kham' zoo: yoomo gau, yi ngei pyo: nyid ge'- houg: su" nghoid lang" she' Yesu gi myonhoo: yoeb, bang zeing yo' doem ju" gyoo" lo da' bidnyid moo nanu" gye" gau yi zi shau" boem wa nghoid.

KOLOSE 1:24

akhid" koem gi nanu" da" shid re" ngoo thoung" shau" da" shid: gyoin, noogyoin, moo gau yi ngei pyo: nyid Khristu gi nya: gung du: ein: da" phoung: shid re" kyi" khyeug khyoo: thoung" shau" ziyo' dakhyoo" ti"- ngoo gi ngoo nya: gung du: shid re" kyi" khyeug kham, khyo" wigi Khristu gi nya: gung doem: ein: da" hau" phoung: shid re" kham, da" kyi" khyeung khyoo: moo ca" nyid shi" da" kyi" khyeug khyoo: ri nga" da" gung moo kham, zo: nyid da" kyi" khyeug khyoo: yo' joeb byeung" byid: nyid.

Roma 5:3

Sho" jhen: koug shu: nyid loug we' ngoonu" gau yi ngei pyo: nyid. Sho" jhen: koug shu: da" khyoo: ri yo" zeing: oung: pyam' wa khyoo:

RUTHA 2:12

Re" lo, moo" yoomo Aseing gi nang ri mainkaid byid: baja". Coung: goem byid: wa shid re" nang nghe: khoug: vang lo da" Israela Mangsoo gi nang ri myo: tham: da" aphoug" shang" byid: nyid baja" o"» ga: nyang: ri tid.

COUNG" NGHEI 58:11

Deing: byeung" bang: gi gyeing" nyang: phoug" tab, ngi shab jhungshug ri shoug" kham: yu boem wa. Mougmyid ri tarha" dang: phyed wa Mangsoo gi gyeing" nyang: nyid nyid ga: wigi byu yi tid loo, wa zi nghoid.

ESAIA 3:10

Deingmain" bang: gi ngei pyo: loo goo” wa. Houg: lho: nyangnu" shid re" ja: khang" moo' ngei: lho' loo boem wa. Nyangnu" gi nyangnu" zei: da" moo" athang: pyoo: pyoo: shoug" kham zoo: wa.

DANG: ZHOEM 11:18

Akhyeung" da" byu yigi gyeing" nyang: ci" we' yo" yu wa zi anghoid. Nghoid loug we' deingmain" da" khyoo: ri nang dazei: nyid nghoid rigi coung" nghei ngi: shab jhungshug ri nang deing" deing shoug" khau: yu wa zi nghoid.

2 KHOKHAM MHOOMYID: 36:16

Nghoid loug we' nyangnu" gi Mangso da" lagyoo: yiri aphoug" akhyoid koid- nya: mungdang: joem ri cishu: anhang:- nya: lapi: yiri yi juang" pyam byid: ago". Houg lho: lo" thang moo nya: byumyu" yiri Aseing da" nheig yo: zigi hang" we' ayo" phang: loid loo sho' sung gyi: byug da:.

MATHE 16:27

Byu da" nya: zoo: gi Nya: pho, da" myonhoo: phung yoeb bang ri void' ci: lho: Mouglagyoo: yi yo" dage" gyoo" loo wa. Hau: da" bidnyid ri mougmyid byu yi dayug yo" dayug ri nyang: nyang: koid: da" moozoo" yo' dakhyoo" ti" doem tau" byid: wa zi nghoid.

HEBRE 11:6

Loem" jeung" zi abo nghoid rigi hang" we' Mangsoo vho: ngei zi ayo" bui. Khasu" wim gari Mangso jhang khyoo: yu: vang loo" mo, hang" we' Mangsoo nyid nyid ziyo' nyang: ri cang shoo: bang: ri jeju" toug" byid: nyid ein: da" khyoo: ri yo" loem" jeing" su: nghoid wa zi nghoid.

1THESALONI 2:15

Yuda byu yi ein: bang: gi Aseing Yesu ri we' Lapi: yi ri we' said' pyam nyid bang: nghoid wigi ngoonu" ri we' shen" yhen nyid bang: nyid nyangnu" gi Mangsoo vho: ngei khyo" akoid boem- yug khang" mo" da" aveing" go" da" gyi bue" nyid boem.

PHILIPI 2:17

Ngoori said' pyam zi to shau" nghoid rigi nanu" da" loem" jeung" phoin: tho' moo nga" da" suid" rixoin" to' gyid: ca" nghoid loug- ngoo gi gau yi nyid nanu" dangain" bang: yo' we' gau yi nyid.

1 KHOKHAM 18:13

Yezebela gi Aseing da" lapi: yiri said nyid uri ngoo gi nyangnu" mo dashoo: yug ri wim: xi: xi: khyo" eig phung: kho' wigi nyangnu" ri lug khyung: moo shoung: to" lho: zoo: noem yo' gyid ri pang" byid: nyid ziri nang ashau" gyoo: rhe".

2~KORINTHU 4:17

Hau: lho: ngoonu" daso' dadam thoung" shau" nyid da gyoug dain phoo: dajhi' dathang: gi je" gyi: ziyo' apyaid atoo: mo myonhoo: phung" yoeb ri kham: yu nhang: wa zi nghoid nyid.

ACTS 5:41

Lagyoo: yi gi Yesu da" myeing yoomo sho' thu' khyoo: thoung" shau" zigi kham' zoo: moin: da" khyoo: nghoid ga: - Mangsoo gi nyangnu" ri soin: yu byid: bye: yoomo nyangnu" gi ngei pyo: ziyo' Yuda tarha" yab, do mo thu lo" boem bye.

MATHE 6:16

«Nanu" zoo: noem zeung: nyid nghoid rigi ayid void ci: da" byu yi yhangti"- nanu" myonhoo: ashoo: goo" sube" shid khoin" moo nyangnu" zoo: noem yo" zeung: zi myang baja" ga: nyangnu" gi nyang nya: da" myonhoo: ri mhau: shoem nhang: ago". Houg: yoomo yoo" eung: da" akyu" ri nyangnu" yo" yu boem bye.

1Korinthians 3:8

Amyoug: ri sain" kaid su: yo' gyid shoin" su: eig yug gi ci: shai" go" khyoo: ajo, Mangsoo gi byu dayug yo' dayug ri- nyang: tu: nyang: yoem: kaid zei too" bye: ziyo' dakhyoo" ti" coung" nghei ngi: shab, jhung: shug ri byid: wa zi nghoid.

LUKA 6:35

Nanu" gi gyivoo yi ri jheddab ge' Jeju" koid: ge' daja: ja: khyalhang" doem yo" yu abe ein: amyid nyid loo:- jhid" byid: nghoo" byid: ge'. Houg: su" koid: nghoid rigi Nanu" gyi: thang da" jhungshug ri yo" yu wigi myhang: thang da" Mangso da" nya: zoo: yi nghoid boem wa. Hau: Aseing: gi jeju" ase' boin: mo, yo"- akhyeing" ashoeb mo, ri jeju" koid: nyid.

APOEM AYANG: 15:1

Hau: thang: Abram gi pang shug yoeb myang daja: myang lho: Aseing khyo" nyang: ri tid da" dang: ri shau" gyo: kaid zigi «Abram we" agyug lhe". Ngoo gi nang ri shid: gyoin mo goem loem byid: lho: ngi: shab jhungshug zeing nang ri byid: wa» ga: tid.

NEHEMIA 9:26

«Nghoid loug we' re" byumyu" yigi nang ri thougtheung gyi koid lho: re" da" tid dang: ri atam" gyoo: nghoid ago". Nyangnu" gi re" tarha" ri nungthang phug pyam ago". Nyangnu" gi nyangnu" ri tid poin" da" lapi: yiri said pyam ago". Houg bang: gi nyangnu" ri re" jhang khyoo: lheing: loo: wa khyo" tid boem. Nyangnu" gi dalheing: thang: dalheing: nang ri aphoug" akhyoid koid da:.

ACTS 16:25

Gam, gung myen: koo: moo gi Polu yo' Sila eig yug gi Akyu" mho' lho: Mangsoo ri coung" nghei ji: khoin" ri khoin" nyid ago". Thung: byu gooji yi gi hau: ziri tam" gyo: lho: nyid boem.

LUKA 13:34

Yerusalem we"- Yerusalem we"- Lapi: yi ri said pyam pyam koid: nyid da" voogung we"- Mangsoo nhang: kaid da" lagyoo: yi ri luggo' du" said said koid: da" voo we"- Gyo, zeing gi gyo, nu" joem ri nya: dung vhoo: khoug: moo zheing" kaid to" yhangti"- ngoo gi re" zoo: re" myid: yi ri nga" lo, yoem: khoug: moo zheing" kaid too" nau zi myoo" sho' lheing: nghoid bye. Nghoidloug we' nang koem: gi ngoori houg: su" akoid: nhang noug nghoid da.

YEREMIA 2:30

Ngoo gi nanu" ri yooboo dam byid: loug ce: akyu" aboo nghoid da:. Nanu" gi ngoo wigi nanu" ri jhau" shed wa akhang" abyid: nghoid ago". Nanu" gi nheig joem: yo: da" khangkhyi yhang: ti" nanu" da" Lapi: yiri said pyam abye:.

COUNG" NGHEI 19:11

Hau: zigi re" dei zoo: ngoo ri lasi phajhi" byid: nyid. Ngoo gi hau: khyoo: ri cang loo" yoomo ngi: shab jhungshug byid: zi shoug" nyid.

2 KHOKHAM MHOOMYID: 16:10

He: Lapi: dang: yoomo Asa gi Lapi: hoo' ri gye" nheig yo: lho: nyang: ri jangcoo" yo' tei" to" da:. Hau: ayo, mo nyang: Asa gi mung" byu yi dayham" ri anoug ashoo" shen" yhen da:.

1 KHOKHAM 18:4

Yezebela gi Aseing da" lapi: yiri said lo uri Obadia gi nyangnu" mo dashoo: yug ri wim xi: xi: khyo" eig phung: khyo" wigi lug khyung: joem cang gau" shoung: to" lho: nyangnu" ri zoo: noem yo' gyid ri pang" thoug byid: bye:.)

YEREMIA 26:8

Aseing wigi tid wa ngoo ri amyeing" byid: to" zi dangain" ri ngoo bain tid yo' nyangnu" gi ngoo ri myheig yu wigi nyho: tid zigi «Nang gi he: gang mo said pyam wa ein: su: nghoid da:.

1 KHOKHAM 22:8

Ahab gi «Hid: moo: Imla nya: yuggi zoo: Mikhaia ga: da" Lapi: dayug nyid shi". Nghoid loug we' ngoo nyang: ri avhoo:. Ciwim gari nyang: nga" shid re" khanham we' ge khyo" Lapi: api: byid: nghoid da:. Khanham we' daja: ja: moo: age zi dabo nyid da» ga: tid. Yehoshaphad ri «Nang hougsu" atid» ga: phug tid.

1 KHOKHAM 21:20

Ahab gi Elia ri myang lang" nyang: gi «Nga" gyivoo we" nang ngoo ri cang myheug nyid nhung: lha"» ga: tid. Elia gi «Nghoid- ngoo koid nyid. Nang gi Aseing da" shidkhoin" moo age da" moo" zoo" ri bain sho' nanya: gung nanyang: koid bye: nhung:

HEBRE 11:26

Nyang: gi Meshia shid mo juang" yi boem zi shau" wa shid re" gi Egutu soid' gain' dangain" tho' moo gi je ge nyid"- ga: myid soin: bye. Khasu" wim gari nyang: gi ju" loo wa da" ayo, moo shau" kham: yu wa da" myonhoo: ngi shab, jhung shug ri nheig byu lho: dalang" nyid.

2 KHOKHAM 1:9

Hau: thang: khokham phoo gi Elia ri yhe: shu" yu wa shid re" gyizoug: dayug ri byu wim: xi: yug yo' nhang: kaid da:. Gyizoug: phoo gi bau gung tho' moo Elia zhung: jo, ziri yhe: myang wigi nyang: ri «Mangso byu we" nang ri gyoo" loo wa shid re" khokham phoo amyeing" byid: da:» ga: tid da:.

1 KHOKHAM 19:2

Yezebela gi Elia jang" khyoo: mungdang: foin: kaid zigi «Nang lapi: yiri koid bye: yhang: ti" ngoo we' nang ri nab kyoo' he: yo, ri ayo" koid nghoid rigi yu phara" joem wigi ngoo ri shid: sho' baid baja"» ga: foin: kaid bye:.

YEREMIA 37:14

Ngoo gi «Hougsu" anghoid- ngoo phang: zi anghoid» ein: phug tid bye:. Nghoid loug we' Iriya gi nga" dang: ri atam" gyoo: byid: nghoid da:. Hau: gungthid nyang: gi ngoo ri myheig yu wigi moo" voin zoug: yi jhang khyoo: shu" yhe: da:.

PHILIPI 1:29

Khasu" wim ga: ri nanu" gi Khristu ri loem" jeung" khyo" za: we' anghoid shi"- nya: shid' re" shen" yhen jam jau kham khyo" we' Aseing: da" moo" ri voin vu, akhang" jeju" gam, byid: zi shau" abye: go.

HEBRE 10:34

Nanu" gi thung: lung" mo, ri we' nheig khyeug ago- nanu" da" soid gain ziyoo joem ri lhoid yu zi shau" lo da" uri gau yi ziyo' kham zo: boem bye- Khasu" wim gari abyo, abei lo da" soid gain daja: yoo" shi" zigi nanu" se' ago".

HEBRE 11:33

Houg: bang: gi loem" jeung" ziyo' sube" mung" ri gyi zain: lho: yo" oung: lo boem- nyangnu" gi deingmain" khyoo: ri cang zei: lo" boem wigi Mangsoo byid: to" da" dang: soo" khoin" ri shau" kham: yu boem bye.

YAKU 5:10

Mang: nhung" yi we"- Mangso da" myeing yo' kho" kyo" da" lapi: yi da" khyoo ri myed boin myed so" nyid ge'. Nyangnu" gi shen" yhen zi shau" da" uri nheigloem: sheung: ziyo' yo" kham, zeung: nyid boem da" khyoo: ri khoo" shid: yu" yu ge'.