MATHE 4:23 - Lacid Common Language Bible

²³ Hau: lho: Yesu gi Galile mung" goin" cang koem" yen" zoore"- nyang: bang: da" Tarha" jung yi moo cang jhoug" byid: yen" wigi hau: mungdain: da" ngeibu: lu dang: cang kho" yen" ziyo' mung" byu yi da" noo phyoo" aja: ja:- nooboug: aja: ja: ri zheung: ge loo nhang: yen.

MATHE 4:23 Referans Kwoze

MATHE 9:35

Hau: thang: ri Yesu gi voogung khang" moo" moo cang koem" yen" wigi nyangnu" nya: da" tarha" jung joem moo cang jhoug" byid: zoore"- ana: yoga: aja: ja: yo"- noophyoo" aja: ja: ri cang ze: gi byid.

MARKU 1:39

Hougsu" wim nyang: gi Galile meing: goem: sho' moo so" yen" wigi tarha" jung khang" moo" moo cang kho" kyo" ziyo' yu joem ri khaid thu' pyam da.

ACTS 10:38

Houg: yoomo Nazred mo da" Yesu ri Mangsoo gi gyeungshang: da" Venyi yo' yoem: so' khasu" foid, shoin" kaid' byid: bye: da" khyoo: ri nanu" si' abye: go. Khasu" wim gari Mangsoo gi nyang: yo' dage" nghoid wigi ge, da" moozoo" ri zei: lho: yu, join: yoem: so' khoug: moo loung" jo, mo, dangain" ri cang ge, loo" nhang: yen" bye.

LUKA 7:22

Nyang: tid zigi Nanu" myang yu" khyoo:- shau" gyo: da" khyoo: dangain" Yohan ri lo" tid kyoo" ge'. Myo, amyang mo, gi myo, doem myang lo. Khyid: gyoug: mo, gi khyoo: doem yo" so" lo. Manggam: dab mo, gyeungshang: lo. Nujed mo, nukhyab doem shau" gyo:- shid bye mo, doem dei lo. Sho" jhen: mo, lu dang: gi shau" gyo: lo.

MATHE 11:5

Myo, jed mo ri myo doem myang nhang: ago"- khyid: agi lo: mo gi khyoo doem yo" so" lo" boem- manggam: noo mo we' gyeungshang: lo" boem. Nujed mo, we' dang: shau" gyo: lo boem bye. shid: jo mo we' doem dei to'' lo ago"- ashau" ajhen: mo we gau yi mungdang: ri shau" gyo: boem ago".

MATHE 13:54

Hau: thang: ri nya: voogung moo doem ju" lo" ri tarha" jung moo tid kyeing" tid poin" nyid da" uri voogung bang: gi nya: dang: ri shau" gyoo: mo, gye gyo: mau" boem yoomo «he: yug gi hid yhangte" da" phajhi" byen ya gi khayo yo" yu lha"» ga: myid boem.

MARKU 1:21

Nyangnu" gi Kaperna-um voo khyoo vang yhe: lo" ago"- Dougno: Bidnyid ri Yesu gi Tarha" jung moo vang yhe: lho: jhoug" byid: nyid.

COUNG" NGHEI 103:3

Nyang: gi nga" yooboo dangain" khyoid pyam byid: bye:- Nga" noophyoo" dangain" ri we' noo ge loo nhang: bye:.

Roma 10:15

Kho" kyoo" wa shid' re" nhang: kaid' su: abo ri khasu" se' kho" kyoo" wa. Jhoem: mungdang: moo bo zi yo" dakhyoo" ti" - ngibu: lu dang: gi ri voin loo mo da" khyid: yi gi - khayhi' young" du nyid boem lha"» ga: lhid" to".

LUKA 8:1

Ayo, dajhi' myang" lo" da" uri Yesu gi voo gung myoo" sho' lid lo" zoore"- Mangsoo mungdain' lu dang: gi ri kho" kyo" lho.

MARKU 6:2

Dougno: Bidnyid ju" lang" nyang gi tarha" jung moo byu myoo" sho' mo, ri jhoug" byid: nyid. nya: jhoug" myeung" ri shaug" gyoo: mo, danggain gi gyo: mau" ago". Houg: lang" nyangnu" gi He: yug gi kha: khyi, mo, hid: te" da" phajhi" ri se' la, lha".- nyang: se' yu da" phajhi" gi ce: ja" phajhi" nghoid lha". mau" pho" moo" joem ri nyang khasu" se' zei: lha".

MATHE 24:14

He: mungdain: da" ngei bu: lu dang: ri byu bain sho' shid moo sagsi: bui" wa shid re" Mougmyid gyab' goin" kho" kyo" loo" wa zi nghoid. Hau: thang: ri mougmyid thang da" ayo, ju" loo wa zi nghoid.

MATHE 12:9

Yesu hau: joyoo mo thu' lo" lho: Tarha" jung moo vang lo" ri

YOHAN 18:20

Yesu phougtu" da" zigi Ngoo gi byu myoo" sho' mo da" shid' khoin" moo khanham we bang bang kho" kyo" jhoug" byid: loo bye. Khanham we' azoug" afu' ngoo akho" yu.

LUKA 13:10

Dougno: Bidnyid danyid" moo Yesu gi tarha" jung moo jhoug" byid: nyid da" tarha" jung moo yu vang ci: lho: daxe: shed zain no nyid da" myiyi: dayug re" ju" nyid. Nyang: gi dang gau" lho: nya: phyid" doem dajhi' we' ayo" dain: lo: su: nghoid.

LUKA 9:11

Byu phung joem hau: khyoo: ri zheung: shau" gyo: lang" Nyang: nu" gi Yesu da" thang: zheung: cang yhe: lo" ago". Nyang: gi nyangnu" ri lheom: tau: yu lho: Mangso mungdain khyoo: tid kyo" ziyo' noo phyoo" bo mo, ri ge, loo" nhang.

LUKA 5:17

Nyid" da" nyid" moo Yesu tarha" kho" nyid uri Galile mung" yo" Yuda mung" voo khang" moo" mo mo, we' Yerusalem voo mo we' zheung: jure" boem. Pharishe" yi yo" tarha" sara: yi gi jhang jang" moo zheing: zhoung: jo, ago". Noophyoo" aja: ja: ri ge loo" nhang: wa da" yoem: so' gi Yesu moo bo jo.

MARKU 6:6

Nyang: gi mung" byu yi loem" jeung" myid - azheung: bo boem yoomo gye" mau" nyid. Houg: lang" Yesu gi hau: ayam aqei: mo voogung joem dangain" jang" khyoo: yhe: lho: meng: byu yi ri jhoug" byid.

MARKU 3:10

Khasu" wim ga: ri byu myoo" sho' ri ge loo" nhang: yoomo nyang: ri shau" tain" sho' ga: nyang: jang" moo noo mo, dangain" jhen" go" nyid.

MARKU 1:14

Yohan ri thung: myeug lhoung pyam thang: ri Yesu gi Mangso jang" mo ngei bu: ludang: khyo" wa Galile moug: khyoo: yhi bye.-

COUNG" NGHEI 74:8

Nyangnu" gi ngoonu" dangain" mo, ri jhoid" jhoid mhoin' pyam nau nyid ago". Nyangnu" gi hau: moug: mo gyeung" shang: da" joyoo dangain" ri myi: wigi nghe' jhoem" too" khare" boem bye:.

ACTS 20:25

Ngoo gi Mangso mungdain da" khyoo: nanu" jang" moo cang kho" kyo yen" bye. Akhid" gi nanu" mo hang" we' ngoori khanham we' doem, shau" myang loo: goo" zi anghoid khyoo: ri ngoo se.

ACTS 18:4

Polu gi Dougno: Bidnyid khang" moo" - Yuda tarha" jung moo Yuda byumyu" yi yo' doem, go' koin, lho: nyangnu" loem" jeung" loo sho' -tid ngoug yu nyid.

YOHAN 6:59

Aseing Yesu gi Kaperna-um voo mo tarha" jung: moo jhau" mhoo, byid: nyid da" uri he: da" mungdang: ri jhoug" byid: kaid.

LUKA 10:9

Hau: voo moo noo phyoo" shau" nyid mo, ri ze: gi byid: ge'. Hau: thang: ri nyangnu" jang" moo Mangso da" mungdain: ju wa zi jhang bye: da" khyoo: ri tid kyoo" ge'.

LUKA 6:17

Aseing Yesu gi lagyoo: yi yo" dage" boem tho' mo gyoo" lo lho: janggyoin: moo ju" lo. Hau: joyoo moo cangzoo: yi phung: moo" daphoung: tho' moo gootu: Yuda mung" yo" Yerusalem voo mo we' Panglai gyid mung" yam moo jo, da" Turu yo" Sidon voo mo mo, we' ju" ri" mo, myoo" sho' nyid lang" boem.

MATHE 14:14

Yesu gi lhid' mo tung gung khyoo lo" ri byu phung: moo" ri nyang: myang lang" nyangnu" ri nheig yu khyeig yoomo noo da" byu dangain" ri ge loo" nhang: bye.

MATHE 13:19

Khyoo: gung moo gyo" da" myoug: shi" da" khyoo: gi Mungdain: da" tarha" mungdang: ri shau" gyoo: nghoid loug we' ase' gyoo: su: yo" du. Akhyeing" su: ju" re" lho: nheigloem: khoug: moo sain" kaid to" da" myoug: shi" ri yu pyam byid: ga: tid.

MATHE 3:2

«Mougkhung: mungdain: ju" lo nyid bye: yoomo nheigloem: thid' loo: ge'» ga: Yuda dain" pyoid yoo moo tarha" kho" nyid.

YOHAN 7:1

Hau: thang: ri Aseing Yesu gi Galile mung" moo daso' so" koem" lheing: yen. Yuda zoug: myeing" ci: mo, gi Yesu ri said pyam wa ga: soin' go" nyid yoomo Yesu gi Yuda mung" moo aso" koem" yen" noug.

LUKA 20:1

Danyid" ri Yesu gi No' ku" yhoem: moo" moo byu yi ri jhoug" byid: lho: Lu dang: gi ri kho" kyo" nyid uri khainjung agyi moo" yi tarha" sara: yi yo" phoung: vhu" jhung: yi gi Yzheing: re" lo boem.

LUKA 4:14

Yesu gi gyeungshang: da Venyi: yoem: vhoo" yo" byeung" lho: Galile mung" moo doem ju" lo. Yesu da" lu dang: gi hau: mung" goin" jang" moo fu" lo" boem bye.

LUKA 6:6

Dougno: Bidnyid goo" nyid" moo Yesu gi tarha" jung daloem: moo vang lo" lho: tarha" kho" nyid. Hau: tarha" jung moo lo, yo lo, shid su: dayug we' nyid.

LUKA 7:21

Hau: uri Aseing Yesu gi Byu yi da" noophyoo" joem ri ge loo" nhang. Yu join: joem ri khaid thu' pyam byid. Myo, amyang mo, ri myang loo: nhang.

LUKA 9:60

Yesu gi «byushid: yi gi nyangnu" da" byushid: nyang: cang" myhoeb, shung: goo" baja"- nang gi MangSo mungdain khyoo: riyhe: kho" kyoo" byid: we'» ga: tid.

LUKA 16:16

Babtisma sara: Yohan anyid shi" mo Moshe tarha" yo"- Lapi: yi gi amyeing" zeing khyo" jo: jo, bye. Yohan nyid lo jang" mo wigi Mangso: da" Mungdain: da" khyoo:- Ngeibu: lu: dang: gi ri tid loo bye. Byu yug khang" moo" we' hau: khyoo: moo shi, goo" shi, yang- vang lo" boem bye.

ACTS 28:31

Nyang: gi Mangso mungdain khyoo: ri kho" kyo" nyid ziyo' Aseing Yesu da" khyoo: ri agyug avoem, - ciri" we' alung" loo: za: jhau" mhoo, byid: nyid.