MATHE 3:9 - Lacid Common Language Bible

⁹ Abraham gi ngoonu" da" nya: phoo nghoid ga: wigi ajho: nyid goo. Nanu" ri ngoo tid kyoo" ba:- Mangsoo gi he: da" lug loem: mo Abraham nya: zoo: yo" phain" thu' byid: wa.

MATHE 3:9 Referans Kwoze

LUKA 3:8

Nheugloem: thid bye: ziyo' moin: yi" da" asam" aved ri toin" shid ge' Abraham gi ngoonu" da" nya: phoo nghoid ein: atid goo. Mangsoo gi he: da" lugloem: joem ri Abraham da" nya: zoo: yi bui" wa shid' re" yo" phain" byid: ein: wigi nanu" ri ngoo tid.

YOHAN 8:33

Hau: da" byu yi gi Ngoonu" gi Abraham da" nya: myid nya: zoo: yi nghoid. Khanham we' sube" join, abue" yu" boem- Nanu" ri lhoid pyoin kaid wa ein: nang ci: koid; tid ga: myid boem.

Roma 4:1

Hougsu" nghoid yoomo ngoonu" Abraham: da" khyoo: ri myid yu" boem shang - nyang: thoung" shau" lo khyoo: gi hid vhoo: moo lhid" to".

ACTS 13:26

Abraham da" myed: zoo: yi nghoid da- nga" byen, cang" Israela byumyu" yi we" - he: da" khyoid yu mungdang: ri Mangsoo gi ngoonu" jhang khyoo: foin byid: kaid' abye:.

LUKA 16:24

Sathi" phoo gi phoo Abraham we"- ngoori nheig myen: yu shi" we'. Ngoo gi he: da" myiyham: khoug: moo atho' tid loo:- kyi" khyeug shau" nyid. Lazaru da" lo, nyhoug" vhu" mo gyid jham" dazo, nga" yhoo: moo khyo, jham" byid: wa shid' re" nga" jhang khyoo: jen" nhang: kaid we' o"- ga: yoid tid.

YOHAN 8:53

Ngoonu" da" phoo Abraham gi shid: led: loo" bye. Abraham tho' moo nang gi je gyi: la". Abraham tho' je gyi: ein: atid Lapi: yi we' shid: led: lo" boem bye:- nang gi na nya: gung ri hang" nghoid ein: myid nyid la"» ga: zheing: myid: boem.

LUKA 5:22

Aseing Yesu gi houg: bang: houg: su" myid nyid ziri si' yoomo nanu" ci: yoomo houg: su" myid nyid go" lha".

MARKU 7:21

Khasu" wim ga: ri byu dayug da" ung: khyoug: nheigloem: mo akhyeung" ashoeb da" moo" zei: wa zi myid thu' lo da:- soem" lid sho: zi lhoid zi Byu said zi

EZEKIEL 33:24

Nyang: tid zigi shid re" da" byu we"- Israela moug: mo byo, yoin" jo, da" voomoo" joem moo nyid bang: gi hid: su" ga: tid nyid ago". ‹Abraham gi dayug kyeing" nghoid loug we' nyang: ri damung" goin" byid: to" da:. Ngoonu" gi myoo" sho' bang: nghoid. Houg: yoomo hau: mougmyid akhid" ngoonu" da" zi nghoid bye:›.

ACTS 15:14

Mangsoo gi tungbau byumyu" yi mo dayham" ri nya: byumyu" bue" loo nhang: wa shid mo khyen: yu to" khyo" wigi tungboug nyang: goin, coung: da" khyoo: xang: shed" mo wigi khasu" toin" shid' bye: da" khyoo: ri Simun gi sho' kyo" abye:.

LUKA 19:40

Yesu gi nanu" ri ngoo tid nau zigi hid: bang: sam: zoo: nyid lang" gi lug zeing joem nyho: phau: lo boem wa ga: tid.

LUKA 7:39

Yesu ri khe: da" Pharishe phoo gi myiyi: houg: su" koid: ziri myang lang" He: yug gi Lapi: nghoid rigi lho: nya: khyid: moo zei: da" myiyi: gi hang" nghoid zi we' ce: noem yoobo shoid su: nghoid zi we' si' wam: bye ga: myid nyid.

LUKA 12:17

Nga" yoo mo gug shi" mei: shi" ri shoung: too" wa shid' re" joyoo lang" ayu" loo:- ngoo khasu" se' koid: loo: wa lha"» ga: nyang: kyeing" nyid yu nyid.

YOHAN 8:37

Nanu" gi Abraham nya: myid: nya: zoo: nghoid zi ngoo se'- Houg: su" nghoid loug we' nanu" gi nga" da" jhoug" myeing" ri akham: yu noug: yoomo ngoori said wa ga: yoem: kaid nyid boem.