MATHE 26:67 - Lacid Common Language Bible

⁶⁷ Hau: thang: ri nyangnu" gi Yesu myonhoo: moo shi" kain" byi" gyoin: lho: baid ago". Nyang ri lo, zhoeb yo' we' thoin: lho:

MATHE 26:67 Referans Kwoze

ESAIA 50:6

Ngoo ri baid bang: shid re" nga" nung" khung: cen: ri ngoo kham byid:. Nyangnu" ngoo ri rue" boem uri ngoo nyangnu" ri atoem' pyam. Nga" nhoid mei: ri nyangnu" phoin' pyam uri yo' nga" myonhoo: ri shakain" byi" gyoin: boem uri ngoo nyangnu" ri atoem' pyam.

ESAIA 53:3

Ngoonu" gi nyang: ri aphoug" akhyoid koid wigi nyang: ri ngeug he: pyam bye:. Nyang: gi yau: khi" ziyo' no kyi" khyeug zi kham zoo: bye:. Nyang: ri hang" dayug lang" ayu" nghoid ago". Ngoonu" gi nyang: ri ci: anghoid yug ri yhang: ti" yu lid: pyam bye:.

YOHAN 18:22

Hid: su" ga: phougtu" lang" gung zung" gyizoo: dayug gi Yesu ri thoin: lho: khainjung agyi moo" gi «Nang hid: su" aphoug" akhyoid ge phougtu" la"» ga: tid.

MATHE 27:30

Nyangnu" gi Yesu ri shi" kain" byi" gyoin: boem ago". Jam pheing" yang: yu lho: vhuloem moo we' baid byid: ago".

MARKU 14:65

Dayham" gi Yesu ri shikain" byi" gyoin: boem ago" nya: myonhoo: ri thoeb pyam byid: lho: «nang ri thoin: kha: yug nghoid lapi: pe: yu" we» ga: tid ago". Goem loem gyizoo: yi we nyang: ri boopyug pyug youg ago".

MATHE 5:39

Nghoidloug ngoo nanu" ri tid da" zigi akhyeing" su: ri ce" latoo: we' aphug goo"- re" lo, yo shoid' bopyug pyug byid: su:- ri dashoid' we' doem kham: byid: shi" we'

HEBRE 12:2

Ngoonu" da" loem" jeung" khyoo: ri Apoem: mo aphyoo" thang loo" sho' joeb, byeung" nhang: su:- Yesu Khristu ri yu" zhug too" shang. Aseing: gi nyang: kham: yu wa nghoid da" hau: gau yi, ngei bu: khyoo: yoomo hau: pyang" zeing moo kham, shid: khyoo: ri asho' agyug loo za: kham: yu lho: akhid" Mangso lo, yo shoid mo zhung: tang moo lo" zhoung: jo, bye.

YOHAN 19:3

Nyangnu" gi Yesu jang" moo tain" re" boem lho: «Yuda khokham" phoo kang: sheing: nyid baja" o"» ga: tid zoore thoin: byid: boem ago".

MARKU 15:19

Nyangnu" gi-jam pheing" youg yo' Yesu vhuloem moo baid lho: shikain: byi" gyoin byid ziyo' poid thug thoung lho: nyang: ri goeb pid ago".

NGOUG JI: 3:30

Ngoonu" ri baid nghoid loug we' rue" loo nghoid loug we' dangain" ri ngoonu" gi kham zoo: wa zi ge nyid.

ESAIA 52:14

Nyang: ri shau" myang lang" byu myoo" sho' bang: gi dain mau" byug wa. Nyang: gi byu yo' adu loo sho' gung khyang: myonhoo: thid byug wa.

1Korinthians 4:13

Ngoonu" ri juang" yi gei sang: zi shau" boem nghoid loug we'- ngei pyo: dang: thui: yo' datid sang: nyid boem- ngoonu" gi akhid" ju" sho'- moug: myid mo boid, shoid' boem yo' subi" she: pyam lhu: sain" to" da"- phoojoid phalhoug: boem te" zi danghoid lo: boem.

MARKU 10:34

Tungbau byumyu" yi gi byu nya: zoo: ri shikain" byi" gyoin: lho: baid wigi said pyam' boem wa nghoid. Nghoid lug we' soem" nyid" thang ri nyang: gi dei to' loo, wa.

MIKHA 5:1

Yerusalem voobyu yi we"- nanu" da" gyi yoem: ri zheing" ge'. Ngoonu" gi gyivoo joem khoem lheung ci: zi shoug" bye:. Nyangnu" gi Israela vhujhung: yiri re" khaid zain: nyid boem bye:.

NGOUG JI: 3:45

Nang ngoonu" ri mougmyid mo mhoid soid boem bue" loo" nhang: abye:.

YEREMIA 20:2

Nyang: gi ngoo ri baid wigi Noku Yhoem: Moo" adang pyam: moo: jo, da" Benyamin khoem" anam moo jangcoo" yo' tei" lhang" too" bye: da:.

1 KHOKHAM 22:24

Hau: thang: Lapi: Zedekia gi Mikhaia jang" khyoo: do, lo" wigi nya: myonhoo: ri thoin: byid: lho: «Aseing da" Venyi: gi nga" jang" mo thu lo" wigi nang khyo" khanham dang: re" tid yu lha"» ga: myid: bye:.

TARHA" TID POIN" 25:9

Nya: mang: da" cougmoo" myhi' gi voogung vhujhung: yi da" shidkhoin" mo nya: jang" khyoo: yhe: wigi nya: khyid: baid dashoid mo khyoid pyam byid: ziyo' nya: myonhoo: moo shakain" byi" gyoin: lho: ‹Nya: mang: da" amyed ashen anau xo' byid: ga: he: su: gi hid: su" bue" da› ga: tid baja".

GYUNG: SOO" 12:14

Aseing gi «Nya: phoo gi nya: myonhoo: moo: shakain" byi" gyoin: nghoid rigi nyang: gi nya: da" sho' phu" khyoo: ri nyhed nyid" kham zoo: ca" da:. Houg: yoomo nyang: ri dab tunggung khyoo: nyhed nyid" yhe: to" too" wa nghoid lho: hau: thang: ri doem yhe: yo" shu" tau" loo wa nghoid» ga: tid.

MATHE 26:68

«Aseing Meshia we"- nang ri hang" khayug cikoid zi pe: kyo" yu" we'» ga: tid.