MATHE 24:15 - Lacid Common Language Bible

¹⁵ «Lapi: Daniela kho" kyoo" khare" da" ‹gyoug dain' ca" da" aco' ajhoid da"› zigi gyeungshang: da" joyoo moo yab jo, ziri nanu" myang wa.» (Mougsoug" nghab' su: se' gyoo: baja")

MATHE 24:15 Referans Kwoze

DANIELA 9:27

Hau: vhoebkhang" su: gi byu myo" sho' yo' nyhed zain mo geing: teing da" myid veing" khyoo: ri yo" yu to" loo wa. Houg: lho: hau: ayo, agung dayi" lid lo" da" uri xoin" too" byid: ziyo' alu jhungshug ngei" byid: khyoo: theing: pyam loo wa. Gyug mau" pho" ziri Noku Yhoem: Moo" mo myhang: thang joyoo moo to" to" wigi hau: zigi hau: joyoo mo hau: ziri to" too" yug shid re" Mangsoo soin' to" da" lo" thang moo ju" sho' jo, jo, wa.

DANIELA 12:11

Nyid" khang" moo" xoin" ngei" zi theing: byug da" ayo, mo nghoid wigi hau: zigi gyoug dain pho" ayo, mo 1290 nyid" lid loo" wa.

MARKU 13:14

Houg: su: wigi-hau: yu" dain sho' da" aco' ajhoid zigi atoo" eung: da" jo, yoo moo to" to" ziri nanu" shau" myang lang gi (Moug soug" nghab nyid su: gi dang: se' gyoo: kang: wa) Yuda mung" moo nyid mo, gi boem tho' khyoo: phang: loo" goo" baja".

LUKA 21:20

Yerusalem voo moo" ri gyivoo joem re" lheing: kham: ci: ziri nanu" myang da" uri hau: voo byo, loo" wa zi jhang bye: ein: si' loo: ge'.

DANIELA 11:31

Nya: da" gyizoo: yi dayham" gi Noku Yhoem: Moo" ri thung" khyo" ayung" alho' koid pyam wa. Nyangnu" gi nyid" khang" moo" ngei" byid: da" xoin" ri toem' pyam lho: gyoug mau" pho" ziri tu: zhug too" wa.

Pang Shug 1:3

He: moozoo" gi bue" loo wa da" ayo, jhang loo bye: yoomo he: mougsoug" ri nghab su: gi ngi: lhoo' wa. Hau: lho: he: da" lapi: dang: ri tam" gyoo: su: yo' he: mungdang: moo lhid" too" moo too" ri cang yhe: loo" su: gi ngi lho, nyid.

LUKA 19:43

Re" gyivoo yi gi kadug du:- dab goin" lheing khoem jhed lhoung lo ayo, ju" wa.

DANIELA 9:23

Mangsoo jhang nang mho' shid lo" da" ayo, mo nang ri nyang: tu" byid: bye:. Nyang: gi nang ri jheddab da:. Houg: yoomo nang ri dang: phuid: tid kyoo" wa shid re" ngoo ju" re" zi nghoid. Akhid" hau: yoeb myang ri ngoo tid sho' kyo" nyid uri goo" lhoo: za: gyo: yu we'.

DANIELA 9:25

He: ziri xoem" ci wigi se' gyo: ci: we' Yerusalem ri doem di wa amyeing" khyo' byid: da" ayo, mo Mangso wigi khyen: to" da" vhu" shi: su ju" re" da" ayo, ju" sho' nyhed zain nyhed lheing: myang" loo goo" wa. Yerusalem ri fu" moo" khyoo: joem yo' geing: teing da" gyi lhoem: joyoo de: to" loo goo" wa. Houg: lho: hau: zigi khyug xe: eig zain nyhed lheing: geing: teing jo, loo wa. Nghoid loug we' he: zain gu: gi yau: khi" da" ayo, nghoid loo wa.

HEBRE 2:1

Houg su" nghoid yoomo ngoonu" gi khyoo: avhang: loo" baja"-ngoonu" nyang: shaug" gyoo: bye: da" hau deungmain" da" khyoo: moo je" wigi gyed gyed pu" lhang" too' shang.

ACTS 6:13

Hau: thang: ri nyangnu" gi Stephain da" Khyoo: ri mhau' da" sagsi: kham, wa da" byu dayham" ri we' khe: to" ago". Hau: sagsi: kham, wa mo, gi Byu he: yug gi hau: noku yhoem: moo" ri we' Moshe da" tarha" ri khanham we' juang" yi gei sang: nyid.

Pang Shug 3:22

Venyi gi phung yi ri khasu" ga: tid nyid ziri nukhyab' dab, mo, gi gyo: yu goo" baja".

ACTS 21:28

Nyang: nu" tid zigi Israela byumyu" yi we" - pang" ge' byu he: yug gi khyi, khang" moo" moo cang so" yen" lho: yug khang" moo" ri we' Israela byumyu" yi ri we' - Moshe da" tarha" ri we' hid: noku yhoem: moo" ri we' gyi, koid lho: khoug" byid: yen" su: nghoid da. Hau: lho: akhid" we' noku yhoem: moo" khyoo: tungbau byumyu" dayham" ri shu" vang re" wigi hid: yhi gyeungshang: da" joyoo ri ayung" alhoo koid pyam' abye:- ga: neig yoid lho: nyho: nyid ago".

EZEKIEL 40:4

Nyang: gi ngoo ri «Shid: se' da" byu we"- zung" yu nyid we'. Goolhoo' za: tam" gyo: wigi nang ri ngoo toin" shed da" ja: khang" moo" ri tab za: yu" ci: we'. Ciwim gari he: zi shid re" nang ri hid: khyoo: shu" lo zi nghoid. Nang gi Israela byumyu" yiri nang shau" myang zi ja: khang" moo" ri tid kyoo" ca" wa nghoid da» ga: tid da:.

YOHAN 11:48

Nyang: ri hid: su" akhang" dabyid: to" nghoid rigi Byu yug khang" moo" nyang: gi loem" jeing" lo" boem wa. Houg: lang" Roma amyeing" ci: mo, re" lho: wigi ngoonu" da" no ku" yhoem: moo" ri we' ngoonu" da" byumyu" bain sho' ri we' lhu: phyo' pyam byid: wa nghoid ga: tid boem.

YEREMIA 44:29

He: joyoo moo nanu" ri ngoo yooboo dam byid: wa ziyo' nanu" dang moo bui" nhang: wa ein: ngoo dangsoo" byid: to" da" byo, yoin" zi joeb byeung" ri" wa nghoid ziri Aseing ngoo gi nanu" ri sagse: ci: shug byid: wa.

DANIELA 1:6

He: khyen: yu to" da" bang: moo Daniela- Hanania- Mishaela yo' Azaria bang: bo ago". Nyangnu" dangain" gi Yuda byumyu" kung: mo bang: nghoid.

MATHE 24:16

«Houg: su" shau" myang da" uri Yuda mung" mo mo, gi boug gung tho' khyoo phang: lo" boem baja".